ກົດໝາຍການລົງທຶນສາທາລະນະໄດ້ຮັບການດັດປັບເພື່ອແກ້ໄຂບັນດາບັນຫາຫຍຸ້ງຍາກ, ສິ່ງກີດຂວາງໃນສະພາບການຕົວຈິງ, ພ້ອມທັງຮັບປະກັບລັກສະນະເປັນເອກະພາບລະຫວ່າງກົດໝາຍການລົງທຶນສາທາລະນະ ກັບ ກົດໝາຍງົບປະມານແຫ່ງລັດ, ກົດໝາຍຄຸ້ມຄອງໜີ້ສາທາລະນະ, ກົດໝາຍປົກປັກຮັກສາສິ່ງແວດລ້ອມ, ກົດໝາຍທີ່ດິນ. ກົດໝາຍໄດ້ເພີ່ມທະວີບັນດາມາດຕາກ່ຽວກັບການປັບປຸງລະບຽບການ ບໍລິຫານ, ຍູ້ແຮງການແບ່ງຂັ້ນ ແລະ ສ້າງຄວາມເປັນເຈົ້າການໃຫ້ແກ່ບັນດາກະຊວງ, ອົງການຂັ້ນສູນກາງ ແລະ ທ້ອງຖິ່ນ; ປັບປຸງຂໍ້ກຳນົດກ່ຽວກັບສິດອຳນາດຕັດສິນແຜນນະໂຍບາຍການລົງທຶນ, ລາຍກາຍ, ໂຄງການລົງທຶນສາທາລະນະ ແລະ ໂຄງການນຳໃຊ້ທຶນງົບປະມານສູນກາງ, ທຶນໜູນຊ່ວຍພັດທານາຢ່າງເປັນທາງການ (ODA) ແລະ ທຶນກູ້ຢືມບຸລິມະສິດຂອງບັນດານັກອຸປະຖຳຕ່າງປະເທດ… ທ່ານ ຫງວຽນດຶກຫາຍ ຫົວໜ້າກຳມາທິການການເງິນ, ງົບປະມານ ຂອງສະພາແຫ່ງຊາດໃຫ້ຮູ້ວ່າ:
ຄະນະປະຈຳການສະພາແຫ່ງຊາດຖືວ່າ ເພື່ອເພີ່ມທະວີການຕິດຕາມກວດກາໜີ້ສາທາລະນະ, ໜີ້ສິນຕ່າງປະເທດ, ໜີ້ສິນລັດຖະບານ, ເລື່ອງສະເໜີຕໍ່ນາຍົກລັດຖະມົນຕີກຳນົດແຜນນະໂຍບາຍການລົງທຶນເຂົ້າບັນດາໂຄງການນຳໃຊ້ທຶນ ODA, ທຶນກູ້ຢືມພິເສດຈາກຕ່າງປະເທດແມ່ນມີຄວາມຈຳເປັນ. ດັ່ງນັ້ນ, ຄະນະປະຈຳສະພາແຫ່ງຊາດຂໍຮັກສາຂໍ້ກຳນົດກ່ຽວກັບການບໍລິຫານສຳລັບບັນດາໂຄງການ ODA ຄື ຮ່າງກົດໝາຍທີ່ໄດ້ສະເໜີຕໍ່ສະພາແຫ່ງຊາດກອງປະຊຸມຄັ້ງທີ 6. ຕາມນັ້ນແລ້ວ, ທ່ານນາຍົກລັດຖະມົນຕີ ກໍ່ອອກຂໍ້ກຳນົດກ່ຽວກັບແຜນນະໂຍບາຍລົງທຶນກັບບັນດາໂຄງການກູ້ຢືມ ODA, ກູ້ຢືນ ພິເສດຕາມກຸ່ມ A, B, C”ຕອນບ່າຍວັນທີ 28 ພຶດສະພາ, ສະພາແຫ່ງຊາດ ຮັບຟັງບົດລາຍງານກວດກາ ແລະ ປຶກສາຫາລື ຮ່າງກົດໝາຍ ວ່າດ້ວຍການເຂົ້າ - ອອກເມືອງຂອງພົນລະເມືອງ ຫວຽດນາມ.
ທ່ານລັດຖະມົນຕີ ກະຊວງຕຳຫລວດ ຫວຽດນາມໂຕເລີມ ໃຫ້ຮູ້ວ່າ:
“ເລື່ອງສ້າງຮ່າງກົດໝາຍແມ່ນອີງໃສ່ບັນດາທັດສະນະຊີ້ນຳ: ຮັບປະກັນການຊີ້ນຳນຳພາຂອງພັກ, ການບໍລິຫານຂອງລັດຖະບານ, ສ້າງເງື່ອນໄຂສະດວກໃຫ້ແກ່ພົນລະເມືອງ ແຕ່ຍັງຄົງຮັບປະກັນຄວາມສະຫງົບປອດໄພແຫ່ງຊາດ, ຄວາມເປັນລະບຽບຮຽບຮ້ອຍທາງສັງຄົມ. ພ້ອມທັງເພີ່ມທະວີການໝູນໃຊ້ວິທະຍາສາດເຕັກໂນໂລຊີກ້າວຫນ້າໃນການຄຸ້ມຄອບເອກະສານ ຄົນເຂົ້າອອກ - ເມືອງ.
(ແຫຼ່ງຄັດຈາກ VOV)
