ກອງປະຊຸມສະໄໝສາມັນເທື່ອທີ9, ສະພາແຫ່ງຊາດຫວຽດນາມ ຊຸດທີ XIV (ພາບ: TTXVN)

ແລະກໍ່ໃນວັນດຽວກັນ, ບັນດາສະມາຊິກສະພາແຫ່ງຊາດ ໄດ້ປຶກສາຫາລືທາງອອນລາຍກ່ຽວກັບເລື່ອງໃຫ້ສັດຕະຍາບັນສົນທິສັນຍາສະບັບເລກທີ 105 ຂອງອົງການແຮງງານສາກົນ (ILO) ກ່ຽວກັບການລົບລ້າງການອອກແຮງງານແບບບັງຄັບ.

ທີ່ກອງປະຊຸມສະພາແຫ່ງຊາດໃນຕອນເຊົ້າວັນທີ 20 ພຶດສະພາ, ທ່ານນາງດັ້ງທິງອັກທິ້ງ ຮອງປະທານປະເທດ ຫວຽດນາມໄດ້ຂຶ້ນກ່າວໃບຍື່ນສະເໜີຕໍ່ສະພາແຫ່ງຊາດໃຫ້ສັດຕະຍາບັນ ສັນຍາ EVFTA.

ປຶກສາຫາລືກ່ຽວກັບການໃຫ້ສັດຕະຍາບັນ EVFTA, ຕອນບ່າຍໃນວັນດຽວກັນ, ບັນດາສະມາຊິກສະພາແຫ່ງຊາດຢັ້ງຢືນວ່າ ເລື່ອງຫວຽດນາມ ລົງນາມ ແລະ ໃຫ້ສັດຕະຍາບັນສັນຍາ EVFTA ໃນຈຸດເວລານີ້ແມ່ນມີຄວາມເໝາະສົມແລະຖືກກັບເວລາທີ່ສຸດ, ສືບຕໍ່ສ້າງທ່ວງທ່າໃຫ້ແກ່ການເຊື່ອມໂຍງເສດຖະກິດສາກົນ ແລະ ຟື້ນຟູການພັດທະນາເສດຖະກິດພາຍໃນປະເທດໃນໄລຍະຫຼັງໂລກລະບາດ Covid – 19.

ເຖິງຢ່າງໃກໍ່ຕາມ, ບາງຄຳເຫັນສະເໜີຂອງສະມາຊິກສະພາແຫ່ງຊາດຄວນຕີລາຄາບັນດາຜົນກະທົບຂອງສັນຍາເພື່ອຫຼີກລ້ຽງການຂຶ້ນກັບ, ສະເໜີໃຫ້ເອົາໃຈໃສ່ກໍ່ສ້າງແຫຼ່ງຊັບພະຍາກອນມະນຸດຫວຽດນາມໃຫ້ດີກ່ວາອີກ, ເອົາໃຈໃສ່ເຖິງລັກສະນະເປີດເຜີຍ, ໂປ່ງໃສກ່ຽວກັບສະພາບແວດລ້ອມແຫ່ງການລົງທຶນ, ກາລະໂອກາດຕື່ມອີກ ແລະ ເປັນເຈົ້າການຮັບມືກັບສິ່ງທ້າທາຍໃຫຍ່. ກ່ຽວກັບສັນຍາ EVIPA ລະຫວ່າງ ສອງຝ່າຍແມ່ນ ຫວຽດນາມ, EU  ແລະບັນດາປະເທດສະມາຊິກ EVIPA, ບັນດາສະມາຊິກສະພາແຫ່ງຊາດກໍ່ສະແດງໃຫ້ເຫັນຄວາມເປັນເອກະພາບຢ່າງສູງຕໍ່ການໃຫ້ສັດຕະຍາບັນສັນຍາສຳຄັນນີ້.

        ກໍ່ກ່ຽວຂ້ອງເຖິງເອກະສານສາກົນ. ຕອນບ່າຍວັນທີ 20 ພຶດສະພາ, ບັນດາສະມາຊິກສະພາແຫ່ງຊາດ ໄດ້ປຶກສາຫາລືກ່ຽວກັບເລື່ອງໃຫ້ສັດຕະຍາບັນເຂົ້າເປັນສະມາຊິກຂອງສົນທິສັນຍາເລກທີ 105ຂອງອົງການຈັດຕັ້ງແຮງງານສາກົນ (ILO)ກ່ຽວກັບການລົບລ້າງແຮງງານແບບບັງຄັບ.

(ແຫຼ່ງຄັດຈາກ VOV)