ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ (ພາບ: VGP) 

ນີ້ແມ່ນຂໍ້ສະເໜີຂອງທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ ຢູ່ທີ່ການເຮັດວຽກໃນຕອນບ່າຍວັນທີ 3 ມິຖຸນາ, ກັບການນຳບາງກະຊວງ, ຂະແໜງການ, ສະຫະສະມາຄົມ, ບັນດາວິສາຫະກິດການທ່ອງທ່ຽວ.

        ພາຍຫຼັງ ຮັບຟັງບັນດາຄຳເຫັນຢູ່ກອງປະຊຸມ, ທ່ານຮອງນາຍົກລັດຖະມົນຕີ ຫວູດຶກດາມໄດ້ເນັ້ນໜັກວ່າ: ລັດຖະບານໄດ້ຮັບຮູ້ຢ່າງຈະແຈ້ງວ່າ ການທ່ອງທ່ຽວແມ່ນໜຶ່ງໃນບັນດາຂະແໜງຖືກຜົນສະທ້ອນຢ່າງໜັກໜ່ວງທີ່ສຸດຈາກໂລກລະບາດ Covid – 19. ທ່ານກ່າວວ່າ:

        ພວກເຮົາມີຄວາມວິຕົກກັງວົນວ່າ ບັນດາຮາກຖານການທ່ອງທ່ຽວຂະໜາດນ້ອຍ, ບໍ່ສາມາດຕັ້ງຕົວໄດ້ ຕ້ອງໄດ້ຂາຍອອກໄປ. ການທ່ອງທ່ຽວເຂດຊຸມຊົນ homestay ບໍ່ຊ່ວຍສ້າງລາຍຮັບໃຫ້ແກ່ງົບປະມານແຫ່ງລັດ ແຕ່ມັນກໍ່ປະກອບສ່ວນເຂົ້າໃນການລົບລ້າງຄວາມອຶດຫິວຫຼຸດຜ່ອນຄວາມທຸກຍາກ, ຍົກສູງຊີວິດການເປັນຢູ່ຂອງປະຊາຊົນໄດ້ຢ່າງລະອຽດ, ສ້າງວິຖີດຳລົງຊີວິດດ້ານວັດທະນະທຳຢູ່ບັນດາເຂດ. ອັນນີ້ພວກເຮົາຕ້ອງມີການຄົ້ນຄ້ວາ ແລະ ຍື່ນສະເໜີຕໍ່ລັດຖະບານເພື່ອມີວິທີການແກ້ໄຂໂດຍໄວ.

        ບົນເນື້ອໃນຈິດໃຈດັ່ງກ່າວ, ທ່ານຫວູດຶກດາມ ໄດ້ຮຽກຮ້ອງໃຫ້ບັນດາກະຊວງ, ຂະແໜງການ, ທ້ອງຖິ່ນຕ້ອງຮ່ວມເດີນທາງ, ແບ່ງປັນກັບວິສາຫະກິດການທ່ອງທ່ຽວ. ພ້ອມກັນນັ້ນທັງ, ບັນດາກະຊວງ, ຂະແໜງກໍ່ສືບຕໍ່ຊຸກຍູ້ບັນດາວິທີການເຮັດວຽກທາງໄກ, ມີວິທີການກ່ຽວກັບວັນເວລາຂອງວັນບຸນ, ວັນພັກ,  ການພັກແລ້ງຂອງນັກຮຽນ… ເພື່ອສ້າງເງື່ອນໄຂໃຫ້ແກ່ການກະຕຸກການທ່ອງທ່ຽວ. ສຳລັບການທ່ອງທ່ຽວສາກົນຕ້ອງກຽມໃຫ້ພ້ອມ ແຕ່ວ່າເມື່ອມີຄວາມປອດໄພຢ່າງແທ້ຈິງແລ້ວຈຶ່ງເປີດປະຕູຕ້ອນຮັບແຂກທ່ອງທ່ຽວ.

(ແຫຼ່ງຄັດຈາກ VOV)