• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ເພີ່ມທະວີການຮ່ວມມືລະຫວ່າງບັນດາທ້ອງຖິ່ນ ຫວຽດນາມ ກັບ ແຂວງ ໂຕຈິຢິ, ຍີ່ປຸ່ນ

      ວັນທີ 23 ພະຈິກ, ໃນຂອບເຂດການຢ້ຽມຢາມ ຍີ່ປຸ່ນ ຢ່າງເປັນທາງການ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ໄປ      ຢ້ຽມຢາມແຂວງ ໂຕຈິຢິ, ຢີ່ປຸ່ນ; ພົບປະກັບຜູ້ວ່າການແຂວງ ໂຕຈິຢິ Fukada Tomikazu, ເຂົ້າຮ່ວມກອງປະຊຸມກ່ຽວກັບການຮ່ວມມືລະຫວ່າງບັນດາທ້ອງຖິ່ນ ຫວຽດນາມ ກັບ ຍີ່ປຸ່ນ.
ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ທ່ານ ຜູ້ວ່າການແຂວງ ໂຕຈິຢິ Fukada Tomikazu 
      ທີ່ການພົບປະ, ທ່ານນາຍົກລັດຖະມົນຕີ ຟ້າມມິງຈິງ ສະເໜີທ່ານຜູ້ວ່າການແຂວງ ໂຕຈິຢິ Fukada Tomikazu ເປີດກວ້າງການພົບປະແລກປ່ຽນ, ຮ່ວມມື, ລົງທຶນກັບບັນດາທ້ອງຖິ່ນຂອງ ຫວຽດນາມ ແນໃສ່ຂຸດຄົ້ນທຸກຄວາມສາມາດບົ່ມຊ້ອນ ແລະ ບັນດາກົນໄກການຮ່ວມມືທີ່ມີຢູ່ແລ້ວຢ່າງມີປະສິດທິຜົນ, ແລກປ່ຽນບົດຮຽນຢ່າງໝັ້ນຄົງ, ຮັບຮອງເອົາຊຸກຍູ້ບັນດາການເຄືໍ່ອນໄຫວພົວພັນແລກປ່ຽນ, ແລກປ່ຽນຄະນະຜູ້ແທນທຸກຂັ້ນ; ສະໜັບສະ  ໜູນວິສາຫະກິດຂອງແຂວງ ເພີ່ມທະວີການຮ່ວມມືດ້ານເສດຖະກິດ, ການຄ້າ, ການລົງທຶນກັບ ຫວຽດນາມ, ໂດຍສະເພາະແມ່ນໃນບັນດາຂົງເຂດທີ່ແຂວງມີທ່າແຮງ; ຊຸກຍູ້ການທ່ອງທ່ຽວ, ພົວພັນແລກປ່ຽນລະຫວ່າງປະຊາຊົນ 2 ປະເທດ; ເພີ່ມທະວີການຮັບເອົານັກເຝິກງານທີ່ມີທັກສະ, ແຮງງານ ຫວຽດນາມ ມາເຮັດວຽກຢູ່ແຂວງ. ທ່ານນາຍົກລັດຖະມົນຕີ ຫວຽດນາມ ໄດ້ຢັ້ງຢືນວ່າ ລັດຖະບານ ຫວຽດນາມ ພ້ອມທີ່ຈະສ້າງທຸກເງື່ອນໄຂສະດວກເພື່ອໃຫ້ວິສາຫະກິດແຂວງ ໂຕຈິຢິ ລົງທຶນ, ດຳເນີນທຸລະກິດຢ່າງສຳເລັດຜົນຢູ່ ຫວຽດນາມ, ໂດຍສະເພາະແມ່ນການຟື້ນຟູ່ພັດທະນາເສດຖະກິດ - ສັງຄົມພາຍຫຼັງໄລຍະໂລກລະບາດໂຄວິດ-19.
        ທ່ານຜູ້ວ່າການແຂວງ Fukada ຢັ້ງຢືນແຂວງ ໂຕຈິຢິ ປາດຖະໜາຢາກເພີ່ມທະວີ   ການ       ຮ່ວມມືກັບບັນດາທ້ອງຖິ່ນຂອງ ຫວຽດນາມ ຫຼາຍກວ່ານີ້ອີກ, ຢາກຮັບເອົາແຮງງານທີ່ມີຄຸນນະພາບສູງ, ນັກເຝິກງານ ຫວຽດນາມ ທີ່ມີທັກສະມາເຮັດວຽກຢູ່ແຂວງຫຼາຍ  ກ່ວານີ້ອີກ.
ທ່ານນາຍົກລັດຖະມົນຕີ ຟ້າມມິງຈິງ ໄດ້ເປັນສັກຂີພະຍານພິທີລົງນາມໃນຂໍ້ຕົກລົງຮ່ວມມືລະຫວ່າງແຂວງ ຫວີງຟຸກ ແລະ ແຂວງ ໂຕຈິຢິ.
      ເນື່ອງໃນໂອກາດນີ້, ທ່ານນາຍົກລັດຖະມົນຕີ ຟ້າມມິງຈິງ ໄດ້ເປັນສັກຂີພະຍານພິທີລົງນາມໃນຂໍ້ຕົກລົງຮ່ວມມືລະຫວ່າງແຂວງ ຫວີງຟຸກ ແລະ ແຂວງ ໂຕຈິຢິ.
ກອງປະຊຸມກ່ຽວກັບການຮ່ວມມືລະຫວ່າງບັນດາທ້ອງຖິ່ນ ຫວຽດນາມ ກັບ ຍີ່ປຸ່ນ
      ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຊີ້ແຈ້ງວ່າ ວິສາຫະກິດ ຫວຽດນາມ ແລະ ຍີ່ປຸ່ນ ພວມຢືນຢູ່ຕໍ່ໜ້າກາລະໂອກາດອັນດີງາມທີ່ສຸດຂອງການພົວພັນ ຫວຽດນາມ - ຍີ່ປຸ່ນ. ທ່ານນາຍົກລັດຖະມົນຕີ ຢັ້ງຢືນວ່າ ລັດຖະບານ ຫວຽດນາມ ຍາມໃດກໍຖືເປັນສຳຄັນ ແລະ ສ້າງເງື່ອນໄຂສະດວກທີ່ສຸດເພື່ອໃຫ້ແຂວງ ໂຕຈິຢິ ເພີ່ມທະວີການຮ່ວມມືກັບທ້ອງຖິ່ນຕ່າງໆຂອງ ຫວຽດນາມ, ໂດຍສະເພາະແມ່ນໃນຂົງເຂດລົງທຶນ, ການຄ້າ, ແຮງງານ, ການພົວພັນແລກປ່ຽນປະຊາຊົນ, ການທ່ອງທ່ຽວ… ລັດຖະບານ ຫວຽດນາມ ໃຫ້ຄຳໝັ້ນສັນຍາວ່າ ຈະຮ່ວມເດີນທາງ ແລະ ສ້າງທຸກເງື່ອນໄຂສະດວກເພື່ອໃຫ້ວິສາຫະກິດແຂວງ ໂຕຈິຢິ ເວົ້າສະເພາະ ແລະ ຍີ່ປຸ່ນ ເວົ້າລວມ ເຄື່ອນໄຫວລົງທຶນຢ່າງສຳເລັດຜົນ, ໝັ້ນຄົງ, ຍາວນານຢູ່ ຫວຽດນາມ, ໂດຍສະເພາະແມ່ນໃນຂົງເຂດ ຫັນເປັນດີຈີຕອນ, ພັດທະນາພື້ນຖານໂຄງລ່າງ, ບຳລຸງສ້າງແຫຼ່ງຊັບພະຍາກອນມະນຸດ, ປ່ຽນແປງໃໝ່ປະດິດຄິດສ້າງ, ພັດທະນາແບບຍືນຍົງ, ຮັບມືກັບການປ່ຽນແປງຂອງດິນຟ້າອາກາດ…
 (ແຫຼ່ງຄັດຈາກ VOV)
 
 

ພິທີໄຫວ້ອາໄລທ່ານເລຂາທິການໃຫຍ່ ຫງວຽນຝູ໋ຈ້ອງ ຖືກຈັດຂຶ້ນຢ່າງສົມກຽດ

ພິທີໄຫວ້ອາໄລທ່ານເລຂາທິການໃຫຍ່ ຫງວຽນຝູ໋ຈ້ອງ ຖືກຈັດຂຶ້ນຢ່າງສົມກຽດ

ຕອນເຊົ້າວັນທີ 25 ກໍລະກົດ 2024, ທີ່ຫໍຊາປະນະກິດສົບແຫ່ງຊາດ (ເລກທີ 5 ຖະໜົນ ເຈິ່ນແທ໋ງຕົງ, ຮ່າໂນ້ຍ), ໃນເວລາດຽວກັນຢູ່ ຫໍປະຊຸມ ທົງເຍິດ, ນະຄອນ ໂຮ່ຈີມິນ ແລະ ຢູ່ບ້ານເກີດ ທີ່ຕາແສງ ດົງໂຮ້ຍ, ເມືອງ ດົງແອັງ, ນະຄອນ ຮ່າໂນ້ຍ, ຄະນະບໍລິຫານງານ ສູນກາງພັກກອມມູນິດ ຫວຽດນາມ, ສະພາແຫ່ງຊາດ, ສຳນັກງານປະທານປະເທດ, ລັດຖະບານ ແລະ ຄະນະກຳມະການ ສູນກາງແນວໂຮມປະເທດຊາດ ຫວຽດນາມ ໄດ້ຈັດຕັ້ງພິທີໄຫວ້ອາໄລທ່ານ ຫງວຽນຝູ໋ຈ້ອງ, ເລຂາທິການໃຫຍ່ ຄະນະບໍລິຫານງານ ສູນກາງພັກກອມມູນິດ ຫວຽດນາມ ຕາມພິທີ ລະດັບຊາດຢ່າງສົມກຽດ.

Top