ຂ່າວສານ

ເພີ່ມທະວີການພົວພັນສາມັກຄີລະຫວ່າງຊາວໜຸ່ມບັນດາປະເທດ ອາຊີຕາເວັນອອກສ່ຽງໃຕ້ ແລະ ຍີ່ປຸ່ນ

06/12/2018

ວັນທີ 4 ທັນວາ, ທ່ານ ຮວິ່ງແກັກມ໊າງ, ຮອງປະທານຄະນະກຳມະການປະຊາຊົນນະຄອນ ໂຮ່ຈິມິນ ໄດ້ມີການຕ້ອນຮັບ ແລະ ເຮັດວຽກກັບ ຄະນະບໍລິຫານງານ ແລະ ຜູ້ຕາງໜ້າຂອງ 11 ປະເທດທີ່ເຂົ້າຮ່ວມລາຍການ ຊາວໜຸ່ມເດີນທະເລ ອາຊີຕາເວັນອອກສ່ຽງໃຕ້ ແລະ ຍີ່ປຸ່ນ ຄັ້ງທີ 45 ປີ 2018.

ທີ່ການຕ້ອນຮັບ (ພາບ: TTXVN)

ທີ່ການຕ້ອນຮັບ, ທ່ານ ຮວິ່ງແກັກມ໊າງ ໃຫ້ຮູ້ວ່າ ເຫດການຊາວໜຸ່ມເດີນທະເລ ອາຊີຕາເວັນອອກສ່ຽງໃຕ້ ແລະ ຍີ່ປຸ່ນ ມາຢ້ຽມຢາມ ນະຄອນ ໂຮ່ຈິມິນ ແມ່ນການເຄື່ອນໄຫວພົບປະແລກປ່ຽນສາກົນທີ່ມີຄວາມໝາຍຕໍ່ກັບປະຊາຊົນ ແລະ ໄວໜຸ່ມຂອງນະຄອນ ໂຮ່ຈິມິນ, ແມ່ນກາລະໂອກາດເພື່ອໃຫ້ຮູບພາບນະຄອນ ໂຮ່ຈິມິນ ມີຄວາມໃກ້ຊິດຕິດແທດກວ່າສຳລັບຊາວໜຸ່ມ ອາຊີຕາເວັນອອກສ່ຽງໃຕ້ ແລະ ຍີ່ປຸ່ນ, ພ້ອມທັງຊາວໜຸ່ມນະຄອນ ໂຮ່ຈິມິນ ກໍມີກາລະໂອກາດໃນການພົບປະ, ແລກປ່ຽນບົດຮຽນກັບຊາວໜຸ່ມບັນດາປະເທດຫຼາຍກວ່າອີກ.

ລາຍການ ຊາວໜຸ່ມເດີນທະເລ ອາຊີຕາເວັນອອກສ່ຽງໃຕ້ ແລະ ຍີ່ປຸ່ນ ຄັ້ງທີ 45 ປີ 2018 ມີຜູ້ແທນຊາວໜຸ່ມ 326 ຄົນ, ໃນນັ້ນ ມີຜູ້ແທນຊາວໜຸ່ມ ຫວຽດນາມ 29 ຄົນ ເຂົ້າຮ່ວມການເຄື່ອນໄຫວຕ່າງໆ ເປັນເວລາ 52 ວັນ ນັບແຕ່ວັນທີ 24 ຕຸລາ - 12 ທັນວາ.

(ແຫຼ່ງຄັດຈາກ VOV)

ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດ ລະຫວ່າງ ຫວຽດນາມ - ກຸຍບາຢ່າງບໍ່ຢຸດຢັ້ງ

28/09/2023
ຂ່າວສານ

ທ່ານປະທານສະພາແຫ່ງຊາດ ກຸຍບາ Esteban Lazo Hermandez ໄດ້ມາຢ້ຽມຢາມ ຫວຽດນາມ ໃນລະຫວ່າງວັນທີ 24 - 28 ກັນຍາ ແລະ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນທ່ານປະທານ Fidel Castro ມາຢ້ຽມຢາມເຂດປົດປ່ອຍ ພາກໃຕ້ ຫວຽດນາມ (9/1973-9/2023). ນີ້ແມ່ນໂອກາດເພື່ອໃຫ້ປະຊາຊົນສອງປະເທດ, ພິເສດແມ່ນໄວໜຸ່ມ, ເພີ່ມທະວີຄວາມຮູ້ຄວາມເຂົ້າໃຈກ່ຽວກັບປະຫວັດສາດ ແລະ ຄວາມໝາຍຂອງການພົວພັນແບບພິເສດ ລະຫວ່າງ ຫວຽດນາມ - ກຸຍບາ ໂດຍທ່ານປະທານ ໂຮ່ຈີມິນ ແລະ ທ່ານປະທານ Fidel Castro ໄດ້ເພີ່ມພູນຄູນສ້າງຂຶ້ນ. ພ້ອມທັງ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບທອດ ແລະ ເສີມຂະຫຍາຍກຳລັງແຮງມູນເຊື້ອອັນດີງາມ, ປະກອບສ່ວນເຂົ້າໃນການຮັດແໜ້ນການພົວພັນສາມັກຄີລະຫວ່າງ ຫວຽດນາມ - ກຸຍບາ.