• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ເປີດຕົວເວັບໄຊຂໍ້ມູນຂ່າວເອເລັກໂຕນິກ “ຄະນະພົວພັນຕ່າງປະເທດສູນກາງພັກ”

      ດ້ວຍທິດນຳທີ່ວ່າ “ສີສັນ, ເປັນເອກະລັກສະເພາະ, ຂະຫຍັນຂັນເຄື່ອນ”, ເວັບໄຊນີ້ມຸ່ງໄປເຖິງເປົ້າໝາຍເຮັດແຈ້ງສີສັນ, ລັກສະນະຂອງວຽກງານພົວພັນກັບຕ່າງປະເທດຂອງພັກ

ທ່ານຫົວໜ້າຄະນະພົວພັນຕ່າງປະເທດສູນກາງພັກ ຮ່ວາງບິ່ງກວນ
(ພາບ: qdnd.vn)
      ເພື່ອຂ່ຳນັບຊົມເຊີຍກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກ ແລະ ສະເຫຼີມສະຫຼອງ 71 ປີແຫ່ງວັນມູນເຊື້ອຄະນະພົວພັນຕ່າງປະເທດສູນກາງພັກກອມມູນິດຫວຽດນາມ (01 ພະຈິກ 1949 – 01 ພະຈິກ 2020), ຕອນເຊົ້າວັນທີ 30 ຕຸລາ, ຢູ່ຮ່າໂນ້ຍ, ຄະນະພົວພັນຕ່າງປະເທດສູນກາງພັກ ໄດ້ຈັດພິທີເປີດຕົວເວັບໄຊຂໍ້ມູນຂ່າວສານເອເລັກໂຕນິກສັງລວມ “ຄະນະພົວພັນຕ່າງປະເທດສູນກາງພັກ”. ທ່ານຫົວໜ້າຄະນະພົວພັນຕ່າງປະເທດສູນກາງພັກ ຮ່ວາງບິ່ງກວນ, ເນັ້ນໜັກວ່າ.
        “ເວັບໄຊຂໍ້ມູນຂ່າວເອເລັກໂຕນິກຂອງຄະນະພົວພັນຕ່າງປະເທດສູນກາງພັກ ແມ່ນເວັບໄຊທາງການສະເພາະກ່ຽວກັບການພົວພັນຕ່າງປະເທດ. ມື້ນີ້, ພວກເຮົາໄດ້ເປີດຕົວເວັບໄຊດ້ວຍພາສາຫວຽດ ເພື່ອໃຫ້ສະມາຊິກພັກຢູ່ບັນດາແຂວງ, ນະຄອນໃນທົ່ວປະເທດ ແລະ ຊາວຫວຽດນາມ ອາໄສຢູ່ຕ່າງປະເທດມີຂໍ້ມູນຂ່າວຢ່າງຄົບຖ້ວນ, ທາງການກ່ຽວກັບການພົວພັນຕ່າງປະເທດຂອງພັກ. ເຖິງຢ່າງໃດກໍ່ຕາມ, ເພື່ອມຸ່ງໄປເຖິງມີຜູ້ອ່ານ, ຄູ່ຮ່ວມມື ແລະ ເພື່ອນມິດສາກົນໃຫ້ຫຼາຍກວ່າ, ຂ້າພະເຈົ້າສະເໜີໃຫ້ ຜັນຂະຫຍາຍເວັບໄຊດ້ວຍພາສາຕ່າງປະເທດໂດຍໄວ ເພື່ອແນໃສ່ມຸ່ງໄປເຖິງການສະໜອງຂໍ້ມູນຂ່າວເຖິງຜູ້ອ່ານໄດ້ຫຼາຍກວ່າ.”
        ດ້ວຍທິດນຳທີ່ວ່າ “ສີສັນ, ເປັນເອກະລັກສະເພາະ, ຂະຫຍັນຂັນເຄື່ອນ”, ເວັບໄຊນີ້ມຸ່ງໄປເຖິງເປົ້າໝາຍເຮັດແຈ້ງສີສັນ, ລັກສະນະຂອງວຽກງານພົວພັນກັບຕ່າງປະເທດຂອງພັກ, ສູ້ຊົນໃຫ້ກາຍເປັນຂົວເຊື່ອມຕໍ່, ສົມເປັນຊ່ອງສະໜອງຂໍ້ມູນຂ່າວທີ່ມີຄຸນນະພາບສູງຂອງພັກ.
(ແຫຼ່ງຄັດຈາກ VOV)

ໜູນຊ່ວຍ ຮ່າໂນ້ຍ ສ້າງຕ່ອງໂສ້ມູນຄ່າຜະລິດຕະພັນກະເສດ, ປ່າໄມ້ ແລະ ສິນໃນນຳ້ແບບຍືນຍົງຈຳນວນໜຶ່ງ

ໜູນຊ່ວຍ ຮ່າໂນ້ຍ ສ້າງຕ່ອງໂສ້ມູນຄ່າຜະລິດຕະພັນກະເສດ, ປ່າໄມ້ ແລະ ສິນໃນນຳ້ແບບຍືນຍົງຈຳນວນໜຶ່ງ

ວັນທີ 11 ສິງຫາ 2022, ກົມຄຸ້ມຄອງຄຸນນະພາຜະລິດຕະພັນກະເສດ, ປ່າໄມ້ ແລະ ສິນໃນນຳ້ (ກະຊວງກະສິກຳ ແລະ ພັດທະນາຊົນນະບົດ) ສົມທົບກັບພະແນກກະສິກຳ ແລະ ພັດທະນາຊົນນະບົດ ຮ່າໂນ້ຍ ແລະ ຝ່າຍ ການາດາ ດຳເນີນໂຄງການຄວາມປອດໄພດ້ານສະບຽງອາຫານເພື່ອພັດທະນາ, ຈັດຕັ້ງພິທີລົງນາມ ແລະ ເລີ່ມປະຕິບັດແຜນການສົມທົບກັນໜູນຊ່ວຍ ຮ່າໂນ້ຍ ໃນການກໍ່ສ້າງ ແລະ ພັດທະນາຕ່ອງໂສ້ຄຸນຄ່າຜະລິດຕະພັນກະເສດ, ປ່າໄມ້ ແລະ ສິນໃນນຳ້ແບບຍືນຍົງຈຳນວນໜຶ່ງ.

Top