ຕອນບ່າຍວັນທີ 28 ພະຈິກ, ຄະນະຄຸ້ມຄອງເຂດເຕັກໂນໂລຊີສູງ ແລະ ບັນດາເຂດອຸດສາຫະກຳ ດ່ານັ້ງ, ໄດ້ມອບຂໍ້ຕົກລົງຮັບຮອງເອົາແຜນນະໂຍບາຍການລົງທຶນ ແລະ ຕົກລົງຮັບຮອງເອົານັກລົງທຶນໂຄງການໂຮງງານຜະລິດ ICT VINA III ຜະລິດສະເພາະອຸປະກອນການແພດຂອງບໍລິສັດ Dentium ຈຳກັດ (ສ.ເກົາຫຼີ) ທີ່ລົງທຶນເຂົ້າເຂດອຸດສາຫະກຳເຕັກໂນໂລຊີສູງ ດ່ານັ້ງ.
ໂຄງການລົງທຶນມີຈຳນວນເງິນຈົດທະບຽນລົງທຶນ 177 ລ້ານ USD, ແລະ ແມ່ນໂຄງການທີ 3 ຂອງບໍລິສັດດັ່ງກ່າວທີ່ລົງທຶນເຂົ້າເຂດເຕັກໂນໂລຊີສູງ ດ່ານັ້ງ, ຍົກຈຳນວນເງິນລົງທຶນຈົດທະບຽນຂອງທັງ 3 ໂຄງການຂຶ້ນເປັນ 257 ລ້ານ USD. ຄາດວ່າ, ໂຄງການຈະໄດ້ຮັບການກໍ່ສ້າງສຳເລັດ ແລະ ນຳເຂົ້າໃຊ້ການໄລຍະທີ 1 ແມ່ນໃນໄຕມາດທີ 3 ປີ 2028.
ນັບແຕ່ຕົ້ນປີມາຮອດປະຈຸບັນ, ຄະນະຄຸ້ມຄອງເຂດເຕັກໂນໂລຊີສູງ ແລະ ບັນດາເຂດອຸດສາຫະກຳ ດ່ານັ້ງ ໄດ້ອອກໃບອະນຸຍາດໃຫ້ 4 ໂຄງການລົງທຶນໃໝ່ເຂົ້າບັນດາເຂດອຸດສາຫະກຳໃນບໍລິເວນນະຄອນ, ໃນນັ້ນມີ 2 ໂຄງການມີເງິນລົງທຶນໂດຍກົງຈາກຕ່າງປະເທດ (FDI) ດ້ວຍຈຳນວນເງິນຈົດທະບຽນລົງທຶນປະມານ 178,5 ລ້ານ USD.
