ຂ່າວສານ

ເກືອບ 2/3 ຈຳນວນແຮງງານໃນໂລກເຮັດວຽກໃຫ້ແກ່ພື້ນຖານເສດຖະກິດນອກລະບົບ

02/05/2018

ກ່ວາ 61% ຈຳນວນພົນລະເມືອງມີວຽກເຮັດງານທຳຂອງໂລກ ເທົ່າກັບ 2 ຕື້ຄົນ, ທຳມາຫາກິນລ້ຽງຊີບໃນຂົງເຂດເສດຖະກິດນອກລະບົບ

ສະພາບການອອກແຮງງານນອກລະບົບຢູ່ອິນເດຍ

ຕາມແຈ້ງການຂອງອົງການແຮງງານສາກົນ (ILO) ທີ່ຂຶ້ນກັບ ສ.ປ.ຊ ຊຶ່ງໄດ້ປະກາດເມື່ອວັນທີ 30 ເມສາ, ກ່ວາ 61% ຈຳນວນພົນລະເມືອງມີວຽກເຮັດງານທຳຂອງໂລກ ເທົ່າກັບ 2 ຕື້ຄົນ, ທຳມາຫາກິນລ້ຽງຊີບໃນຂົງເຂດເສດຖະກິດນອກລະບົບ. ຕໍ່ໜ້າສະພາບການດັ່ງກ່າວ, ອົງການແຮງງານສາກົນ (ILO) ໄດ້ເນັ້ນໜັກເຖິງການຫັນປ່ຽນສູ່ພື້ນຖານເສດຖະກິດໃນລະບົບແມ່ນ ຂໍ້ກຸນແຈເພື່ອຮັບປະກັນການປົກປ້ອງສິດຂອງຜູ້ອອກແຮງງານ ກໍຄືບັນດາເງື່ອນໄຂເຮັດວຽກທີ່ດີເທົ່າທີ່ຄວນ. ຕາມບົດລາຍງານແລ້ວ, ສຳລັບແຮງງານນັບຮ້ອຍລ້ານຄົນ, ເສດຖະກິດນອກລະບົບ ກໍມີຄວາມໝາຍເຊັ່ນດຽວກັນກັບການຂາດການປົກປ້ອງຂອງສັງຄົມ, ສິດຢູ່ບ່ອນເຮັດວຽກ ແລະ ເງື່ອນໄຂອອກແຮງງານທີ່ສົມນາພາຄວນ ໃນຂະນະທີ່ສຳລັບບັນດາວິສາຫະກິດນັ້ນ, ສິ່ງນີ້ ແມ່ນມີຄວາມໝາຍວ່າ ແມ່ນສະມັດຕະພາບຕ່ຳ ແລະ ຂາດການຊົມໃຊ້ແຫຼ່ງການເງິນ.

(ແຫຼ່ງຄັດຈາກ VOV)

ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດ ລະຫວ່າງ ຫວຽດນາມ - ກຸຍບາຢ່າງບໍ່ຢຸດຢັ້ງ

28/09/2023
ຂ່າວສານ

ທ່ານປະທານສະພາແຫ່ງຊາດ ກຸຍບາ Esteban Lazo Hermandez ໄດ້ມາຢ້ຽມຢາມ ຫວຽດນາມ ໃນລະຫວ່າງວັນທີ 24 - 28 ກັນຍາ ແລະ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນທ່ານປະທານ Fidel Castro ມາຢ້ຽມຢາມເຂດປົດປ່ອຍ ພາກໃຕ້ ຫວຽດນາມ (9/1973-9/2023). ນີ້ແມ່ນໂອກາດເພື່ອໃຫ້ປະຊາຊົນສອງປະເທດ, ພິເສດແມ່ນໄວໜຸ່ມ, ເພີ່ມທະວີຄວາມຮູ້ຄວາມເຂົ້າໃຈກ່ຽວກັບປະຫວັດສາດ ແລະ ຄວາມໝາຍຂອງການພົວພັນແບບພິເສດ ລະຫວ່າງ ຫວຽດນາມ - ກຸຍບາ ໂດຍທ່ານປະທານ ໂຮ່ຈີມິນ ແລະ ທ່ານປະທານ Fidel Castro ໄດ້ເພີ່ມພູນຄູນສ້າງຂຶ້ນ. ພ້ອມທັງ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບທອດ ແລະ ເສີມຂະຫຍາຍກຳລັງແຮງມູນເຊື້ອອັນດີງາມ, ປະກອບສ່ວນເຂົ້າໃນການຮັດແໜ້ນການພົວພັນສາມັກຄີລະຫວ່າງ ຫວຽດນາມ - ກຸຍບາ.