ທ່ານ ເຈີ່ນແທງເໝີນ ຕ້ອນຮັບທ່ານ ໄຊສົມພອນ ພົມວິຫານ
(ພາບ: TTXVN)
ທີ່ການຕ້ອນຮັບ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ເຈີ່ນແທງເໝີນ ສະເໜີວ່າ, ໃນໄລຍະຈະມາເຖິງ, ແນວໂຮມ 2 ປະເທດລາວ - ຫວຽດນາມ ຕັ້ງໜ້າສືບຕໍ່ການສົມທົບເພື່ອພ້ອມກັນສ້າງ, ຜັນຂະຫຍາຍແຜນການປະຕິບັດບົດບັນທຶກຊ່ວຍຈຳໂຄງການຮ່ວມມືລະຫວ່າງແນວໂຮມປະເທດຊາດຫວຽດນາມ ແລະ ແນວລາວສ້າງຊາດ, ແຈ້ງການຮ່ວມລະຫວ່າງແນວໂຮມປະເທດຊາດຫວຽດນາມ ແລະ ແນວລາວສ້າງຊາດ ກ່ຽວກັບໝາກຜົນກອງປະຊຸມສາກົນກໍ່ສ້າງເສັ້ນຊາຍແດນຫວຽດນາມ - ລາວ ແຫ່ງສັນຕິພາບ, ມິດຕະພາບ, ຮ່ວມມືຮອບດ້ານ ພ້ອມກັນພັດທະນາໄລຍະ 2017 – 2020.
ສ່ວນທ່ານ ໄຊສົມພອນ ພົມວິຫານ ໄດ້ແຈ້ງໃຫ້ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ເຈີ່ນແທງເໝີນ ຊາບກ່ຽວກັບການຢ້ຽມຢາມ ແລະ ເຮັດວຽກຢູ່ແຂວງເຊີນລາ ຂອງຄະນະ. ທ່ານ ໄຊສົມພອນ ພົມວິຫານ ໄດ້ສະແດງຄວາມເຊື່ອໝັ້ນວ່າ, ການຢ້ຽມຢາມ ແລະ ເຮັດວຽກຂອງຄະນະຜູ້ແທນ ຈະຊ່ວຍໃຫ້ແນວລາວສ້າງຊາດ ມີເງື່ອນໄຂຊອກຮູ້ກ່ຽວກັບທິດສະດີ ແລະ ພຶດຕິກຳຕົວຈິງປະຫວັດສາດຂອງແນວໂຮມປະເທດຊາດຫວຽດນາມ ຢ່າງເລິກເຊິ່ງກວ່າ, ຜ່ານນັ້ນ ປະກອບສ່ວນເພີ່ມທະວີການພົວພັນຮ່ວມມືມິດຕະພາບທີ່ເປັນມູນເຊື້ອ, ນ້ຳໃຈສາມັກຄີແບບພິເສດ, ການຮ່ວມມືຮອບດ້ານລາວ - ຫວຽດນາມ ໃຫ້ແໜ້ນແຟ້ນຍິ່ງຂຶ້ນອີກ.
(ແຫຼ່ງຄັດຈາກ VOV)
