ຕອນເຊົ້າວັນທີ 7 ພຶດສະພາ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບິ່ງມິງ ໄດ້ໃຫ້ການຕ້ອນຮັບ ລາຊະທິດາ Victoria Ingrid Alice Desiree ຂອງ  ຊູແອດ ເນື່ອງໃນໂອກາດມາຢ້ຽມຢາມ ຫວຽດນາມຢ່າງເປັນທາງການໃນລະຫວ່າງ ວັນທີ 6 – 8 ພຶດສະພາ, ທີ່ການພົບປະ, ລາຊະທິດາ Victoria Ingrid Alice Desiree ໃຫ້ຮູ້ວ່າ ນີ້ເປັນຄັ້ງທຳອິດທີ່ມີວິສາຫະກິດຫຼາຍແຫ່ງເຂົ້າຮ່ວມນຳ. ສອງຝ່າຍໄດ້ແລກປ່ຽນ, ຮັບຟັງຄວາມຄິດເຫັນ ຂອງວິສາຫະກິດເພື່ອພ້ອມກັນຊຸກຍູ້ການພົວພັນດ້ານການຄ້າ, ການລົງທຶນ, ການສຶກສາ, ໂທລະຄົມມະນາຄົມ, ຕົວເມືອງອັດສະລິຍະ… ທ່ານຮອງນາຍົດລັດຖະມົນຕີໄດ້ສະແດງຄວາມເຊື່ອໝັ້ນວ່າ ຄະນະວິສາຫະກິດ ຊູແອດທີ່ໄປນຳ ລາຊະທິດາໃນຄັ້ງນີ້ຈະລົງນາມໄດ້ຂໍ້ຕົກລົງ, ສັນຍາການຮ່ວມມືຫຼາຍສະບັບກັບຄູ່ຮ່ວມມື ຫວຽດນາມ, ປະກອບສ່ວນຊຸກຍູ້ການຄ້າ - ການລົງທຶນສອງຝ່າຍ.

        ແລະ ກໍ່ໃນວັນດຽວກັນ, ກ່າວຄຳເຫັນທີ່ ກອງປະຊຸມສຸດຍອດທຸລະກິດ: ຄູ່ຮ່ວມມືເພື່ອການພັດທະນາແບບຍືນຍົງ ແລະ ການປ່ຽນແປງໃໝ່ປະດິດສ້າງ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ ໃຫ້ຮູ້ວ່າ ຫວຽດນາມ ພວມປັບປຸງລະບົບກົດໝາຍ, ສະຖຽນລະພາບ, ຈະແຈ້ງກວ່າອີກຜ່ານແຕ່ລະບາດກ້າວ, ເພື່ອກາຍເປັນຈຸດນັດພົບດຶງດູດໄດ້ນັກລົງທຶນຫຼາຍຄົນໃນທົ່ວປະເທດ ເວົ້າລວມ ກໍ່ຄືມາຈາກສະຫະພາບເອີລົບ ແລະ ຊູແອດເວົ້າສະເພາະ.

(ແຫຼ່ງຄັດຈາກ VOV)