ຂ່າວສານ

ອິນໂດເນເຊຍ ຮັບພົນລະເມືອງ ກ່ວາ 90.000 ຄົນກັບຄືນເມືອປະເທດຍ້ອນຜົນກະທົບຂອງໂລກລະບາດ Covid - 19

13/05/2020

ໄລ່ຮອດວັນທີ 11 ພຶດສະພາ, ອິນໂດເນເຊຍໄດ້ຮັບພົນລະເມືອງກ່ວາ 90.000ຄົນກັບຄືນເມືອປະເທດຍ້ອນຜົນກະທົບຂອງ ໂລກລະບາດ Covid – 19. ທ່ານ Retno Marsudi ລັດຖະມົນຕີການຕ່າງປະເທດອິນໂດເນເຊຍ ໃຫ້ຮູ້ວ່າ ມີພົນລະເມືອງອິນໂດເນເຊຍ ປະມານ 73.000 ຄົນກັບມາຈາກ ມາເລເຊຍ.

ອິນໂດເນເຊຍ ຮັບພົນລະເມືອງ ກ່ວາ 90.000 ຄົນກັບຄືນເມືອປະເທດຍ້ອນຜົນກະທົບຂອງໂລກລະບາດ Covid - 19(ພາບ: CNN)

ນອກຈາກນັ້ນ, ມີພົນລະເມືອງອິນໂດເນເຊຍເກືອບ 2000 ຄົນກັບມາຈາກ ອາຣັບບິ ຊາອຸດິ ຄູເວດ, ອານເຊຣີ, ເອຢິບ ແລະ ໂອມານ ກໍ່ໄດ້ກັບເມືອປະເທດໃນວັນນີ້. ກະຊວງການຕ່າງປະເທດອິນໂດເນເຊຍໄດ້ຮຽກຮ້ອງໃຫ້ພົນລະເມືອງທີ່ກັບຄືນມາຈາກຕ່າງປະເທດຕ້ອງປະຕິບັດບັນດາຂັ້ນຕອນການແພດທີ່ພວມປະກາດໃຊ້. ກຳລັງຮັບມືກັບ Covid – 19 ໂດຍໄວ ຈະປະຕິບັດການກວດພະຍາດສະເພາະ.

ໄລ່ຮອດວັນທີ 10 ພຶດສະພາມີພົນລະເມືອງອິນໂດເນເຊຍ 734 ຄົນຢູ່ຕ່າງປະເທດທີ່ກັບຄືນເມືອປະເທດ ຖືກຕິດເຊື້ອພະຍາດ Covid – 19, ໃນນັ້ນມີ 372 ຄົນໄດ້ຮັບການປິ່ນປົວຫາຍດີແລ້ວ ແລະ 321 ຄົນຍັງຄົງໄດ້ຮັບການປິ່ນປົວຢູ່ໂຮງໝໍແຫ່ງຕ່າງໆ. ກໍ່ຕາມຕົວເລກຂອງກະຊວງການຕ່າງປະເທດອິນໂດເນເຊຍ, ມີພົນລະເມືອງອິນໂດເນເຊຍ 41 ຄົນເສຍຊີວິດຍ້ອນໂລກລະບາດ Covid - 19 ຢູ່ 33 ປະເທດ ແລະ ເຂດແຄ້ວນໃນທົ່ວໂລກ.

(ແຫຼ່ງຄັດຈາກ VOV)

ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດ ລະຫວ່າງ ຫວຽດນາມ - ກຸຍບາຢ່າງບໍ່ຢຸດຢັ້ງ

28/09/2023
ຂ່າວສານ

ທ່ານປະທານສະພາແຫ່ງຊາດ ກຸຍບາ Esteban Lazo Hermandez ໄດ້ມາຢ້ຽມຢາມ ຫວຽດນາມ ໃນລະຫວ່າງວັນທີ 24 - 28 ກັນຍາ ແລະ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນທ່ານປະທານ Fidel Castro ມາຢ້ຽມຢາມເຂດປົດປ່ອຍ ພາກໃຕ້ ຫວຽດນາມ (9/1973-9/2023). ນີ້ແມ່ນໂອກາດເພື່ອໃຫ້ປະຊາຊົນສອງປະເທດ, ພິເສດແມ່ນໄວໜຸ່ມ, ເພີ່ມທະວີຄວາມຮູ້ຄວາມເຂົ້າໃຈກ່ຽວກັບປະຫວັດສາດ ແລະ ຄວາມໝາຍຂອງການພົວພັນແບບພິເສດ ລະຫວ່າງ ຫວຽດນາມ - ກຸຍບາ ໂດຍທ່ານປະທານ ໂຮ່ຈີມິນ ແລະ ທ່ານປະທານ Fidel Castro ໄດ້ເພີ່ມພູນຄູນສ້າງຂຶ້ນ. ພ້ອມທັງ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບທອດ ແລະ ເສີມຂະຫຍາຍກຳລັງແຮງມູນເຊື້ອອັນດີງາມ, ປະກອບສ່ວນເຂົ້າໃນການຮັດແໜ້ນການພົວພັນສາມັກຄີລະຫວ່າງ ຫວຽດນາມ - ກຸຍບາ.