ຂ່າວສານ
ອາເມລິກາ ຮຽກຮ້ອງ ໃຫ້ ຈີນ ເຂົ້າຮ່ວມຂໍ້ລິເລີ່ມຕໍ່ກຳນົດເວລາຊຳລະໜີ້ສິນໃຫ້ແກ່ບັນດາປະເທດທຸກຍາກຂອງ G20
(ພາບປະກອບ: tribune.com.pk)
ເຈົ້າໜ້າທີ່ຂັ້ນສູງທ່ານໜຶ່ງຂອງກະຊວງການເງິນ ອາເມລິກາ ໃຫ້ຮູ້ວ່າ ວໍຊິງຕັນ ພ້ອມແລ້ວທີ່ຈະເປີດກວ້າງກົນໄກລວມກ່ຽວກັບການແກ້ໄຂບັນຫາໜີ້ສິນ ເພື່ອອຳນວຍຄວາມສະດວກໃຫ້ແກ່ບັນດາປະເທດເກາະນ້ອຍ, ບັນດາປະເທດທີ່ມີຄວາມສ່ຽງສູງກວ່າໝູ່ ແລະ ບັນດາປະເທດທີ່ມີລາຍຮັບຕ່ຳ ແຕ່ພວມມີໜີ້ສິນສາທາລະນະຫຼາຍ ໄດ້ເຂົ້າຮ່ວມກົນໄກດັ່ງກ່າວ. ບັນດາເຈົ້າໜ້າທີ່ດ້ານການເງິນ G20 ຈະພິຈາລະນາຄວາມຄືບໜ້າກ່ຽວກັບບັນຫາໜີ້ສິນໃນກອງປະຊຸມ ເຊິ່ງຄາດວ່າຈະດຳເນີນໃນວັນທີ 9 – 10 ກໍລະກົດ ອີຕາລີ.
ເຈົ້າໜ້າທີ່ກະຊວງການເງິນ ອາເມລິກາ ໃຫ້ຮູ້ວ່າ ປະເທດນີ້ຈະຊຸກຍູ້ບັນດາປະເທດ G20 ສືບຕໍ່ສະໜອງບັນດາມາດຕະການກະຕຸກຊຸກຍູ້ປີການເງິນ ເພື່ອໜູນຊ່ວຍແກ່ການຟື້ນຟູທົ່ວໂລກ ແລະ ປະຕິບັດບັນດາບ້ວງເງິນລົງທຶນທີ່ມີລັກສະນະຫັນປ່ຽນ ເພື່ອແກ້ໄຂບັນຫາການປ່ຽນແປງຂອງດິນຟ້າອາກາດ ແລະ ຄວາມສະເໝີພາບກ່ຽວກັບລາຍຮັບ.ຕາມທະນາຄານໂລກ ແລ້ວ, ເຈົ້າໜີ້ຂອງກຸ່ມປະເທດດ້ອຍພັດທະນາທີ່ສຸດໃນໂລກ ສ່ວນຫຼາຍແມ່ນບັນດາປະເທດ G20, ໃນນັ້ນ ຈີນ ແມ່ນເຈົ້າໜີ້ໃຫຍ່ສຸດ.
(ແຫຼ່ງຄັດຈາກ VOV)
