• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ອັດ​ກອງ​ປະ​ຊຸມ​ສະ​ໄໝ​ສາ​ມັນ​ເທື່ອ​ສຸດ​ທ້າຍ​ຂອງ​ສະ​ພາ​ແຫ່ງ​ຊາດ​ຊຸດ​ທີ XIV

ກອງປະຊຸມສຸດທ້າຍຂອງອາຍຸການສະພາແຫ່ງຊາດ ຫວຽດນາມ ຊຸດທີ XIV ໄດ້ອັດລົງພາຍຫຼັງການເຮັດວຽກເປັນເວລາ 12 ວັນ.ໃນກອງປະຊຸມຄັ້ງນີ້, ສະພາແຫ່ງຊາດ ໄດ້ສະຫຼຸບວຽກງານທັງໝົດຂອງອາຍຸການ 2016 – 2021 ຂອງບັນດາອົງການໃນກົງຈັກລັດ, ພິຈາລະນາ, ຕົກລົງວຽກງານບຸກຄະລາກອນ ແລະ ບາງເນື້ອໃນສຳຄັນອື່ນໆອີກ. 

ຕອນບ່າຍວັນທີ 8 ເມສາ, ກອງປະຊຸມສະໄໝສາມັນເທື່ອທີ 11 - ກອງປະຊຸມສຸດທ້າຍຂອງອາຍຸການສະພາແຫ່ງຊາດ ຫວຽດນາມ ຊຸດທີ XIV ໄດ້ອັດລົງພາຍຫຼັງການເຮັດວຽກເປັນເວລາ 12 ວັນ. ໃນກອງປະຊຸມຄັ້ງນີ້, ສະພາແຫ່ງຊາດ ໄດ້ສະຫຼຸບວຽກງານທັງໝົດຂອງອາຍຸການ 2016 – 2021 ຂອງບັນດາອົງການໃນກົງຈັກລັດ, ພິຈາລະນາ, ຕົກລົງວຽກງານບຸກຄະລາກອນ ແລະ ບາງເນື້ອໃນສຳຄັນອື່ນໆອີກ. ເຂົ້າຮ່ວມວາລະອັດກອງປະຊຸມ  ມີທ່ານເລຂາທິການໃຫຍ່ ຫງວຽນຝູຈ້ອງ, ທ່ານປະທານປະເທດ ຫງວຽນຊວັນຟຸກ, ທ່ານນາຍົກລັດຖະມົນຕີ ຟ້າມມິງຈິງ, ທ່ານປະທານສະພາແຫ່ງຊາດ ເວືອງດິ່ງເຫວ້ ພ້ອມດ້ວຍບັນດາສະມາຊິກສະພາແຫ່ງຊາດ ແລະ ແຂກຖືກເຊີນ.
ກອງປະຊຸມສະໄໝສາມັນເທື່ອທີ 11, ສະພາແຫ່ງຊາດ ຫວຽດນາມ ຊຸດທີ XIV (ພາບ: chinhphu.vn)

ກ່າວຄຳເຫັນອັດກອງປະຊຸມ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ໃຫ້ຮູ້ວ່າ: ທີ່ກອງປະຊຸມຄັ້ງນີ້, ໂດຍໄດ້ປະຕິບັດແຜນນະໂຍບາຍສັບຊ້ອນ, ບູລະນະບຸກຄະລາກອນພາຍຫຼັງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIII ຂອງ ພັກ, ສະພາແຫ່ງຊາດໄດ້ພິຈາລະນາ, ຕົກລົງການພົ້ນຕຳແໜ່ງ, ໃຫ້ສັດຕະຍາບັນບາງຕຳແໜ່ງໃນກົງຈັກລັດ, ຮັບປະກັນລັກສະນະປະຊາທິປະໄຕ, ຖືກຕ້ອງຕາມຂໍ້ກຳນົດຂອງກົດໝາຍ ແລະ ບັນລຸໄດ້ຄວາມເຫັນດີເຫັນພ້ອມເປັນຢ່າງສູງ. ທ່ານປະທານສະພາແຫ່ງຊາດ ເວືອງດິ່ງເຫວ້ ຢັ້ງຢືນວ່າ:

        “ສະພາແຫ່ງຊາດໄດ້ເນັ້ນໜັກວ່າ ການບູລະນະບຸກຄະລາກອນໃນກອງປະຊຸມຄັ້ງນີ້ ແມ່ນບາດກ້າວຫັນປ່ຽນສຳຄັນ ເພື່ອໃຫ້ບັນດາອົງການລັດ ປະຕິບັດໜ້າທີ່, ສິດອຳນດໃຫ້ເປັນຢ່າງດີ, ຖືກຕ້ອງຕາມຂໍ້ກຳນົດຂອງກົດໝາຍຈົນໝົດອາຍຸການ. ພິເສດແມ່ນ ຕ້ອງສຸມຈິດສຸມໃຈເປັນຢ່າງສູງເພື່ອປະຕິບັດສຳເລັດໜ້າທີ່ພັດທະນາເສດຖະກິດ - ສັງຄົມ ປີ 2021 ຕິດພັນກັບວຽກງານປ້ອງກັນ, ສະກັດກັ້ນໂລກລະບາດໂຄວິດ - 19, ວຽກງານກະກຽມ ແລະ ຈັດຕັ້ງການເລືອກຕັ້ງສະມາຊິກສະພາແຫ່ງຊາດຊຸດທີ XV ແລະ ສະມາຊິກສະພາປະຊາຊົນທຸກຂັ້ນ ອາຍຸການ 2021  2026, ຮັບປະກັນ ໃຫ້ເຫດການການເມືອງສຳຄັນນີ້ ຖືກດຳເນີນໄປດ້ວຍດີ ແລະ ປະສົບຜົນສຳເລັດຢ່າງຈົບງາມໃນວັນທີ 23 ພຶດສະພາຈະມາເຖິງນີ້ ແລະ ກາຍເປັນວັນບຸນໃຫຍ່ຂອງທົ່ວປວງຊົນ”.

        ຕາມທ່ານປະທານສະພາແຫ່ງຊາດ ເວືອງດິ່ງເຫວ້ ແລ້ວ, ໄລຍະ 5 ປີ ຜ່ານມາ, ດ້ວຍຄວາມຮັບຜິດຊອບ, ຄວາມສຸດຈິດສຸດໃຈ, ພູມປັນຍາ ແລະ ຄວາມໄຝ່ຝັນຢາກອຸທິດສ່ວນ, ບັນດາສະມາຊິກສະພາແຫ່ງຊາດ ມີຄວາມໃກ້ຊິດສະໜິດສະໜົມກັບຜູ້ມີສິດເລືອກຕັ້ງ, ສ່ອງແສງ ແລະ ສະໜີບັນດາມາດຕະການທີ່ແທດເໝາະກັບຕົວຈິງ, ມີພື້ນຖານ, ອັບເດດ ແລະ ນຳເອົາສະພາບການຂອງການດຳລົງຊີວິດ ໃຫ້ສະພາແຫ່ງຊາດພິຈາລະນາ ແລະ ຕັດສິນ. ທ່ານປະທານສະພາແຫ່ງຊາດ ຫວັງວ່າ, ນ້ຳໃຈດັ່ງກ່າວ ຈະສືບຕໍ່ໄດ້ຮັບການເສີມຂະຫຍາຍຢ່າງແຮງໃນໄລຍະຈະມາເຖິງ.

        “ອາຍຸການສະພາແຫ່ງຊາດຊຸດທີ XIV ໄດ້ອັດລົງ ກໍແມ່ນຈຸດເວລາກະກຽມໃຫ້ແກ່ການສືບທອດພາລະໜ້າທີ່ອັນສຳຄັນ ແລະ ເປັນມູນເຊື້ອຂອງສະພາແຫ່ງຊາດ. ພວກເຮົາເຊື່ອໝັ້ນວ່າ ບັນດາຜົນງານ ແລະ ບົດຮຽນ, ປະສົບການອັນລ້ຳຄ່າຂອງໄລຍະທາງອັນສະຫງ່າລາສີຂອງ 75 ປີຜ່ານມາ ຈະແມ່ນພື້ນຖານອັນໝັ້ນແກ່ນ ເພື່ອໃຫ້ສະພາແຫ່ງຊາດຊຸດທີ XV ແລະ ຊຸດຕໍ່ໆໄປ ສືບທອດ, ເສີມຂະຫຍາຍ, ສົມກັບເປັນອົງການຜູ້ແທນສູງສຸດຂອງປະຊາຊົນ, ອົງການມີສິດອຳນາດແຫ່ງລັດສູງສຸດ ຂອງ ປະເທດ ສາທາລະນະລັດ ສັງຄົມນິຍົມ ຫວຽດນາມ./.”

 (ແຫຼ່ງຄັດຈາກ VOV)

ຫວຽດນາມ ສະໜັບສະໜູນອົງການຊ່ວຍບັນເທົາທຸກ ແລະ ວຽກເຮັດງານທຳໃຫ້ຊາວລີ້ໄພ ປາແລດສະຕິນ ຢູ່ເຂດຕາເວັນອອກໃກ້ ຂອງ ສປຊ

ຫວຽດນາມ ສະໜັບສະໜູນອົງການຊ່ວຍບັນເທົາທຸກ ແລະ ວຽກເຮັດງານທຳໃຫ້ຊາວລີ້ໄພ ປາແລດສະຕິນ ຢູ່ເຂດຕາເວັນອອກໃກ້ ຂອງ ສປຊ

ທ່ານເອກອັກຄະລັດຖະທູດ ດັ້ງຮ່ວາງຢາງ, ຫົວໜ້າຄະນະປະຕິບັດງານ ຫວຽດນາມ ປະຈຳ ສປຊ, ຢັ້ງຢືນຄືໃນນັ້ນ, ໃນວັນທີ 13 ເມສາ, ຢູ່ນິວຢອກ, ປະເທດ ອາເມລິກາ, ໃນການຕ້ອນຮັບທ່ານນາງ Greta Gunnarsdottir, ຜູ້ອຳນວຍການອົງການຊ່ວຍບັນເທົາທຸກ ແລະ ວຽກເຮັດງານທຳໃຫ້ຊາວລີ້ໄພ ປາແລດສະຕິນ ຢູ່ເຂດຕາເວັນອອກໃກ້ຂອງສປຊ (UNRWA).

Top