ຕອນເຊົ້າວັນທີ 24 ຕຸລາ, ຢູ່ສະໜາມບິນ ອາຊໍ, ເມືອງ ອາເລື໊ອຍ, ແຂວງ ເທື່ອທຽນ - ເຫວ້, ເຫຼົ່າຮົບເຄມີ, ກະຊວງປ້ອງກັນປະເທດ, ຈັດພິທີປະກາດປະຕິບັດສຳເລັດໂຄງການ “ກຳຈັດດິນຖືກມົນລະພິດດີໂອຊິນ ຢູ່ສະໜາມບິນ ອາຊໍ, ເມືອງ ອາເລືອຍ, ແຂວງ ເທື່ອທຽນເຫວ້”. ໂຄງການໄດ້ປະຕິບັດນັບແຕ່ເດືອນ ມີນາ 2020 ມາຮອດປັດຈຸບັນ, ດ້ວຍປະລິມານດິນທັງໝົດກວ່າ 38.700 m3 ຖືນມົນລະພິດຈາກທາດພິດດີໂອຊິນ ໄດ້ຮັບການກຳຈັດສຳເລັດ.
ກ່າວຄຳເຫັນທີ່ພິທີ, ທ່ານພົນໂທ ຮວ່າງຊວັນຈຽນ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ໃຫ້ຮູ້ວ່າ: ການຜັນຂະຫຍາຍປະຕິບັດໂຄງການ ເປັນການຢັ້ງຢືນຄວາມມານະພະຍາຍາມຂອງກະຊວງປ້ອງກັນປະເທດ ໃນວຽກງານແກ້ໄຂຜົນຮ້າຍຢ້ອນຫຼັງຈາກສົງຄາມ, ຊ່ວຍສ້າງການດຳລົງຊີວິດເປັນປົກກະຕິ ແລະ ພັດທະນາເສດຖະກິດສັງຄົມ. ໝາກຜົນຂອງໂຄງການ ກໍເປັນການສະແດງຄວາມຮູ້ບຸນຄຸນຂອງພັກ, ລັດ, ກອງທັບ ທີ່ມີຕໍ່ປະຊາຊົນ ແລະ ດິນແດນປະຕິວັດ.
ໂອກາດນີ້, ກະຊວງປ້ອງກັນປະເທດ ກໍໄດ້ມອບຂອງຂວັນຫຼາຍພູດໃຫ້ແກ່ພໍ່ແມ່ປະຊາຊົນຕາແສງ ດົງເຊີນ, ເມືອງ ອາເລືອຍ, ແຂວງ ເທື່ອທຽນເຫວ້.
