ທ່ານເອກອັກຄະລັດຖະທູດ ຫງວຽນຈຸງກຽນ ພ້ອມກັບບັນດາສະມາຊິກຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມ (ພາບ: ກະຊວງການຕ່າງປະເທດ)  

ນັບແຕ່ວັນທີ 9 ມັງກອນ ຫາວັນທີ 20 ມັງກອນ, ຢູ່ວຽນນາ, ປະເທດໂອຕາລິດ, ຄະນະຜູ້ແທນ ຫວຽດນາມ ລວມມີຜູ້ຕາງໜ້າກະຊວງການຕ່າງປະເທດ, ກະຊວງຕຳຫຼວດ, ກະຊວງປ້ອງກັນປະເທດ, ກະຊວງຍຸຕິທຳ ໂດຍທ່ານເອກອັກຄະລັດຖະທູດ ຫວຽດນາມ ປະຈຳ ໂອຕາລິດ ຫງວຽນຈຸງກຽນ ນຳໜ້າ ໄດ້ເຂົ້າຮ່ວມວາລະປະຊຸມຄັ້ງທີ 4 ຄະນະກຳມະການພິເສດຂອງ ສປຊ ສ້າງ ສົນທິສັນຍາສາກົນຮອບດ້ານກ່ຽວກັບການຕ້ານການນຳໃຊ້ເຕັກໂນໂລຢີຂໍ້ມູນຂ່າວ ໃຫ້ແກ່ເປົ້າໝາຍ ລະເມີດກົດໝາຍ.

ກ່າວຄຳເຫັນທີ່ວັນໄຂວາລະປະຊຸມ, ຄະນະຜູ້ແທນ ຫວຽດນາມ ຖືວ່າ ໃນເບື້ອງຕົ້ນ ຮ່າງມະຕິ ໂດຍຄະນະເລຂາຄະນະກຳມະການພິເສດ ໄດ້ສ້າງພື້ນຖານຢ່າງໝັ້ນແກ່ນໃຫ້ແກ່ການເຈລະຈາຄັ້ງຕໍ່ໄປ, ດ້ວຍເປົ້າໝາຍສ້າງເນື້ອໃນຮ່າງສົນທິສັນຍາໃຫ້ສົມບູນແບບ ຍື່ນສະເໜີ່ສະພາ ສປຊ ເພື່ອຮັບຮອງເອົາໂດຍໄວ. ຄະນະຜູ້ແທນ ຫວຽດນາມ ກໍ່ປະກອບຄຳເຫັນກ່ຽວກັບບາງເນື້ອໃນຮ່າງສົນທິສັນຍາຄື: ການລະເມີດການນຳໃຊ້, ອາດຊະຍາກຳຊະນິດຕ່າງໆທີ່ແຊກແຊງເຂົ້າລະບົບເຕັກໂນໂລຢີຂໍ້ມູນຂ່າວສານ, ການສໍ້ໂກງດ້ວຍເຕັກໂນໂລຢີຂໍ້ມູນຂ່າວສານ ແລະ ບັນຫາຄວາມຮັບຜິດຊອບທາງອາຍາຂອງສ່ວນບຸກຄົນ.