ຜູ້ຕາງໜ້າບັນດາປະເທດເຂົ້າຮ່ວມ ກຸ່ມເພື່ອນມິດຂອງ ສົນທິສັນຍາ UNCLOS ໄດ້ຕີລາຄາສູງຕໍ່ຂໍ້ລິເລີ່ມຂອງ ຫວຽດນາມ ແລະ ເຢຍລະມັນ ໂດຍຖືວ່າ ຂໍ້ລິເລີ່ມດັ່ງກ່າວ ໄດ້ຕອບສະໜອງຄວາມສົນໃຈ ແລະ ຄວາມຕ້ອງການໄດ້ຢ່າງທັນການໃນການຍົກສູງບົດບາດ, ຄຸນຄ່າຂອງ UNCLOS, ຊຸກຍູ້ການປະຕິບັດສົນທິສັນຍາ UNCLOS, ສ້າງກົນໄກສົມທົບກັນ ພ້ອມກັນແກ້ໄຂບັນດາສິ່ງທ້າທາຍ ສຳລັບ UNCLOS ແລະ ສິ່ງທ້າທາຍຢູ່ທະເລ ແລະ ມະຫາສະໝຸດ ເປັນຕົ້ນແມ່ນບັນຫາມົນລະພິດສິ່ງແວດລ້ອມ, ການປ່ຽນແປງຂອງດິນຟ້າອາກາດ…
ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ໄດ້ຢັ້ງຢືນຄຳໝັ້ນສັນຍາຂອງ ຫວຽດນາມ ນັ້ນແມ່ນ ປະຕິບັດຕາມ, ຖືສົນທິສັນຍາ UNCLOS ເປັນສຳຄັນ, ກົດບົດ ສປຊ ແລະ ກົດໝາຍສາກົນ. ທ່ານເອກອັກຄະລັດຖະທູດ ດັ້ງດິ່ງກຸ໊ຍ ກໍປາດຖະໜາວ່າ ກຸ່ມເພື່ອນມິດ UNCLOS ຈະປະກອບສ່ວນເຂົ້າໃນການເພີ່ມທະວີຄວາມເຂົ້າໃຈກ່ຽວກັບ UNCLOS ຕື່ມອີກ, ແບ່ງປັນພຶດຕິກຳທີ່ດີໃນການໝູນໃຊ້ UNCLOS ເຂົ້າໃນການແບ່ງກຳນົດເຂດທະເລ, ແກ້ໄຂການຂັດແຍ້ງກັນໂດຍສັນຕິວິທີ, ຮູບແບບຄຸ້ມຄອງມະຫາສະໝຸດ, ຈາກນັ້ນ, ໜູນຊ່ວຍການປະຕິບັດສົນທິສັນຍາ UNCLOS ແລະ ຕອບສະໜອງໄດ້ຄວາມສົນໃຈລວມຂອງປະຊາຄົມສາກົນ.
(ແຫຼ່ງຄັດຈາກ VOV)
