• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມ ແລະ ມາເລເຊຍ ເພີ່ມທະວີການຮ່ວມມືຮອບດ້ານ

      ໂດຍຮັບຄຳເຊີນຂອງ ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບິ່ງມິ່ງ, ວັນທີ 27 ກໍລະກົດ, ທ່ານລັດຖະມົນຕີກະຊວງການຕ່າງປະເທດ ມາເລເຊຍ Anifah Aman ໄດ້ມາຢ້ຽມຢາມຫວຽດນາມ ຢ່າງເປັນທາງການ

ຫວຽດນາມ ແລະ ມາເລເຊຍ ເພີ່ມທະວີການຮ່ວມມືຮອບດ້ານ
(ພາບ: mofa.gov.vn)
      ແລະ ພ້ອມກັບ ທ່ານຮອງນາຍົກລັດຖະມົນຕີ ຟ້າມບິ່ງມິ່ງ ເປັນປະທານຮ່ວມກອງປະຊຸມ ຄັ້ງທີ 5 ຂອງຄະນະກຳມະການຮ່ວມມືດ້ານເສດຖະກິດ, ວິທະຍາສາດ, ເຕັກນິກ ຫວຽດນາມ-ມາເລເຊຍ ຢູ່ຮ່າໂນ້ຍ. ທີ່ກອງປະຊຸມ, ສອງຝ່າຍເຫັນດີເປັນເອກະພາບເພີ່ມທະວີການແລກປ່ຽນຄະນະຜູ້ແທນຂັ້ນສູງ ແລະ ທຸກຂັ້ນ, ຮັດແໜ້ນຄວາມໄວ້ເນື້ອເຊື່ອໃຈ, ສະໜິດຕິດພັນກັບພັກ, ລັດຖະບານ, ລັດ, ສະພາແຫ່ງຊາດ ແລະ ການພົວພັນແລກປ່ຽນປະຊາຊົນ, ຮັກສາ ແລະ ເສີມຂະຫຍາຍປະສິດທິຜົນບັນດາກົນໄກຮ່ວມມືສອງຝ່າຍ ແລະ ຄົ້ນຄວ້າເປີດກວ້າງບັນດາຮູບການຮ່ວມມືລະຫວ່າງສອງພັກກຳອຳນາດ.
        ສອງຝ່າຍເຫັນດີເປັນເອກະພາບຍູ້ແຮງບັນດາການເຄື່ອນໄຫວສົ່ງເສີມການຄ້າ, ການລົງທຶນ ແລະ ເປີດກວ້າງການແລກປ່ຽນສິນຄ້າ, ສ້າງເງື່ອນໄຂໃຫ້ບັນດານັກລົງທຶນສອງປະເທດຮ່ວມມືດຳເນີນທຸລະກິດ. ສອງຝ່າຍກໍ່ເຫັນດີເປັນເອກະພາບຊຸກຍູ້ ກຸ່ມບໍລິສັດນໍ້າມັນອາຍແກັສຫວຽດນາມ ແລະ ກຸ່ມບໍລິສັດນໍ້າມັນອາຍແກັສ ມາເລເຊຍ Petronas ເພີ່ມທະວີຊອກຫາກາລະໂອກາດຮ່ວມມືນຳກັນ ແລະ ກັບປະເທດທີ ສາມ.
        ສອງຝ່າຍເຫັນດີເປັນເອກະພາບຍູ້ແຮງການຮ່ວມມືດ້ານການປ້ອງກັນຊາດ-ປ້ອງກັນຄວາມສະຫງົບ; ເຈລະຈາ ແລະ ລົງນາມໃນ ບັນດາສັນຍາຮ່ວມມືກ່ຽວກັບ ການຕ້ານການຄ້າມະນຸດ, ສັນຍາວ່າດ້ວຍການມອບ-ສົ່ງຄົນທີ່ຖືກຕັດສິນຈຳຄຸກ, ເພື່ອເຮັດໃຫ້ສຳເລັດໃນຂອບເຂດກົດໝາຍໃນການຕໍ່ສູ້ຕ້ານອາດຊະຍາກຳໂດຍໄວ.
ສອງຝ່າຍສືບຕໍ່ສົມທົບ ແລະ ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສພາກພື້ນ ແລະ ສາກົນ, ເປັນຕົ້ນແມ່ນໃນ ອາຊຽນ ແລະ ສະຫະປະຊາຊາດ. ສອງຝ່າຍຖືວ່າ ຕ້ອງຊຸກຍູ້ເພີ່ມທະວີຄວາມສາມັກຄີ ແລະ ຮັກສາບົດບາດລວມສູນຂອງ ອາຊຽນ ໃນໂຄງສ້າງປ້ອງກັນຄວາມສະຫງົບໃນພາກພື້ນ, ໃຫ້ຄຳເໝັ້ນສັນຍາ ຈະເພີ່ມທະວີການປຶກສາຫາລືເພື່ອສັນຕິພາບ, ຄວາມໝັ້ນຄົງ, ຄວາມປອດໄພ ແລະ ຄວາມເປັນເສລີພາບການເດີນເຮືອ ແລະ ການບິນ ຢູ່ທະເລຕາເວັນອອກ; ຮຽກຮ້ອງໃຫ້ບັນດາຝ່າຍລະງັບໃຈ, ບໍ່ຂົ່ມຂູ່ດ້ວຍກຳລັງອາວຸດ ຫຼື ນໍາໃຊ້ກຳລັງອາວຸດ, ເຄົາລົບວິວັດທະນາການດ້ານການທູດ, ກົດໝາຍຢ່າງຄົບຖ້ວນ, ແກ້ໄຂການແກ່ງແຍ້ງກັນດ້ວຍບັນດາມາດຕະການສັນຕິພາບ, ບົນພື້ນຖານບັນດາຫຼັກການພື້ນຖານຂອງກົດໝາຍສາກົນ, ໃນນັ້ນມີສົນທິສັນຍາກົດໝາຍວ່າດ້ວຍທະເລປີ 1982 (UNCLOS). ສອງຝ່າຍຢືນຢັນ ຄືນໃໝ່ເຖິງການສະໜັບສະໜູນສຳລັບເລື່ອງຜັນຂະຫຍາຍຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງຄົບຖ້ວນ, ມີປະສິດທິຜົນ ແລະ ກົດແຫ່ງການປະພຶດຢູ່ທະເລຕາເວັນອອກ (COC) ຢ່າງແທດຈິງ, ມີປະສິທິຜົນ, ມີຄຸນຄ່າຜູກມັດດ້ານກົດໝາຍໂດຍໄວ.
        ຕອນບ່າຍວັນດຽວກັນ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ກໍ່ໄດ້ໃຫ້ການຕ້ອນຮັບ ທ່ານລັດຖະມົນຕີກະຊວງການຕ່າງປະເທດ ມາເລເຊຍ Anifah Aman ຢູ່ຫ້ອງວ່າການສຳນັກງານນາຍົກ.
 (ແຫຼ່ງຄັດຈາກ VOV)

ຫວຽດນາມ ແລະ ກຸຍບາ ເພີ່ມທະວີການຮ່ວມມືໃນຫຼາຍຂົງເຂດ

ຫວຽດນາມ ແລະ ກຸຍບາ ເພີ່ມທະວີການຮ່ວມມືໃນຫຼາຍຂົງເຂດ

ທີ່ການເຈລະຈາພາຍຫຼັງພິທີຕ້ອນຮັບ, ການນຳສອງທ່ານໄດ້ແບ່ງປັນກ່ຽວກັບບົດຮຽນທິດສະດີ ແລະ ພຶດຕິກຳຕົວຈິງໃນພາລະກິດກໍ່ສ້າງສັງຄົມນິຍົມຂອງແຕ່ລະປະເທດ; ເຫັນດີເປັນເອກະພາບບາງມາດຕະການເພີ່ມທະວີການຮ່ວມມືກ່ຽວກັບກະສິກຳ

Top