• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມເຂົ້າເປັນເຂົ້າຮ່ວມສົນທິສັນຍາ 105 ກ່ຽວກັບການລົບລ້າງແຮງງານແບບບີບບັງຄັບຢ່າງເປັນທາງການ

      ເລື່ອງລົບລ້າງແຮງງານແບບບີບບັງຄັບຕາມຂໍ້ກຳນົດທີ່ສົນທິສັນຍາເລກທີ 105 ແມ່ນໜຶ່ງໃນບັນດາມາດຕະຖານແຮງງານສາກົນພື້ນຖານ, ປະກອບສ່ວນຮັບປະກັນສິດເສລີ

(ພາບປະກອບ: TTXVN)
      ດ້ວຍອັດຕາເຫັນດີ 94,82%, ສະມາຊິກສະພາແຫ່ງຊາດສ່ວນຫຼາຍໄດ້ເຫັນດີຮັບຮອງເອົາມະຕິວ່າດ້ວຍການເຂົ້າຮ່ວມສົນທິສັນຍາເລກທີ 105 ຂອງອົງການແຮງງານສາກົນ (ILO) ກ່ຽວກັບການລົບລ້າງແຮງງານແບບບີບບັງຄັບ, ໃນກອງປະຊຸມຖືກດຳເນີນໃນຕອນເຊົ້າວັນທີ 08 ມິຖຸນາ, ຂອງກອງປະຊຸມສະໄໝສາມັນເທື່ອທີ 9, ສະພາແຫ່ງຊາດຫວຽດນາມ ຊຸດທີ 14.
       ນີ້ແມ່ນໜຶ່ງໃນຈຳນວນ 8 ສົນທິສັນຍາພື້ນຖານຂອງ ILO. ເລື່ອງລົບລ້າງແຮງງານແບບບີບບັງຄັບຕາມຂໍ້ກຳນົດທີ່ສົນທິສັນຍາເລກທີ 105 ແມ່ນໜຶ່ງໃນບັນດາມາດຕະຖານແຮງງານສາກົນພື້ນຖານ, ປະກອບສ່ວນຮັບປະກັນສິດເສລີ ແລະ ກຽດສັກສີຂອງຜູ້ອອກແຮງງານ. ເມື່ອເຕື້ອງເຖິງເລື່ອງເຂົ້າຮ່ວມສົນທິສັນຍາ 105, ທ່ານລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ ດ່າວງອັກຢຸງ, ຖືວ່າ.
        “ເລື່ອງເຂົ້າຮ່ວມສົນທິສັນຍາແມ່ນປະຕິບັດສິດຂອງພົນລະເມືອງ, ສິດທິມະນຸດຢູ່ຫວຽດນາມ. ທີ 2 ແມ່ນປະຕິບັດໜ້າທີ່ຄວາມຮັບຜິດຊອບເປັນສະມາຊິກໃນປະຊາຄົມສາກົນ. ກ່ຽວກັບພື້ນຖານນິຕິກຳ, ກົດໝາຍຫວຽດນາມ ແມ່ນຄົບຖ້ວນ ແລະ ລະບົບກົດໝາຍຂອງຫວຽດນາມ ແມ່ນເໝາະສົມ. ບົນພື້ນຖານນັ້ນ, ລັດຖະບານຈະສ້າງລາຍການຈັດແບ່ງຂັ້ນແຕ່ລະຂະແໜງ, ແຕ່ລະທ້ອງຖິ່ນເພື່ອຈັດຕັ້ງປະຕິບັດ.”
ເນື່ອງໃນໂອກາດນີ້, ອົງການຈັດຕັ້ງແຮງງານສາກົນ (ILO) ກໍໄດ້ສະແດງຄວາມຍິນດີກັບຫວຽດນາມກ່ຽບກັບຂໍ້ຕົກລົງວ່າດ້ວຍການໃຫ້ສັດຕະຍາບັນສົນທິສັນຍາເລກທີ 105 ກ່ຽວກັບການລົບລ້າງແຮງງານແບບບີບບັງຄັບ. ທ່ານນາງ Corrine Vargha, ຫົວໜ້າອະນຸກຳມະການແຮງງານສາກົນ ຂອງ ILO ປະຈຳ ເຊີແນວ, ປະເທດສະວິດ ໄດ້ສະແດງຄວາມຊົມເຊີຍວ່າ ຫວຽດນາມ ພວມສະແດງໃຫ້ເຫັນຄຳໝັ້ນສັນຍາຢ່າງແຮງໃນວິວັດແຫ່ງການຕໍ່ສູ້ຕ້ານແຮງງານແບບບີບບັງຄັບ ດ້ວຍທຸກວິທີທາງ. ຊ້ຳບໍ່ໜຳ, ຜ່ານການໃຫ້ສັດຕະຍາບັນສົນທິສັນຍາສະບັບດັ່ງກ່າວ, ຫວຽດນາມ ພວມກ້າວເຂົ້າໃກ້ກັບການບັນລຸໄດ້ຄວາມເພິ່ງພໍໃຈ ແລະ ປະຕິບັດໄດ້ບັນດາເປົ້າໝາຍພັດທະນາແບບຍືນຍົງ 2030 ຂອງ ສປຊ ຢູ່ໃນລະດັບຊາດ.
(ແຫຼ່ງຄັດຈາກ VOV)

ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມກ່ຽວກັບການວາງແຜນຜັງເຂດທົ່ງພຽງແມ່ນ້ຳແດງ

ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມກ່ຽວກັບການວາງແຜນຜັງເຂດທົ່ງພຽງແມ່ນ້ຳແດງ

ຕອນບ່າຍວັນທີ 7 ທັນວາ, ທ່ານນາຍົກລັດຖະມົນຕີ ຟ້າມມິງຈິງ ປະທານ ສະພາບໍລິຫານເຂດທົ່ງພຽງແມ່ນ້ຳແດງ, ປະທານກອງປະຊຸມຄັ້ງທີ 2 ດ້ວຍຫົວຂໍ້ ກ່ຽວກັບການວາງແຜນຜັງເຂດໄລຍະແຕ່ປີ 2021 – 2030, ວິໄສທັດຮອດປີ 2050.

Top