• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມເຂົ້າຮ່ວມກອງປະຊຸມປະຈຳປີຄັ້ງທີ 46 ຂອງສະພາສິດທິມະນຸດສະຫະປະຊາຊາດ

ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ ໄດ້ແຈ້ງໃຫ້ຊາບຂໍ້ມູນຂ່າວກ່ຽວກັບການປະກອບສ່ວນຂອງຫວຽດນາມ ໃຫ້ແກ່ຄວາມມານະພະຍາຍາມລວມຂອງໂລກໃນການຮັບມືກັບໂລກລະບາດໂຄວິດ-19.
ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ. (ພາບ: baoquocte.vn)

ວັນທີ 22 ກຸມພາ, ຢູ່ສຳນັກງານສະຫະປະຊາຊາດທີ່ເຊີແນວ, ປະເທດສະວິດ, ໄດ້ໄຂກອງປະຊຸມປະຈຳປີຄັ້ງທີ 46 ຂອງສະພາສິດທິມະນຸດສະຫະປະຊາຊາດ. ຍ້ອນພົນກະທົບຈາກໂລກລະບາດໂຄວິດ-19, ການເຄື່ອນໄຫວເປີດສາກຂອງກອງປະຊຸມຂັ້ນສູງຈະໄດ້ຈັດຕາມຮູບແບບທາງອອນລາຍ, ໂດຍມີການເຂົ້າຮ່ວມຂອງຄະນະຜູ້ແທນຂັ້ນສູງກວ່າ 115 ຄະນະ. ຄະນະຜູ້ແທນຫວຽດນາມໂດຍທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ນຳໜ້າ. ທ່ານນາງປະທານສະພາສິດທິມະນຸດສະຫະປະຊາຊາດ Nazhat Shameem Khan (ເອກອັກຄະລັດຖະທູດ Fiji) ເປັນປະທານໄຂກອງປະຊຸມ. ກອງປະຊຸມໄດ້ດຳເນີນໄປເປັນເວລາ 1 ເດືອນ, ນັບແຕ່ວັນທີ 22 ກຸມພາ ຫາວັນທີ 23 ມີນາ ເພື່ອປຶກສາຫາລືບັນດາມາດຕະການຊຸກຍູ້ ແລະ ປົກປ້ອງສິດທິມະນຸດໃນທຸກຂົງເຂດພົນລະເຮືອນ, ການເມືອງ, ເສດຖະກິດ, ສັງຄົມ ແລະ ວັດທະນະທຳ.

        ກ່າວຄຳເຫັນທີ່ກອງປະຊຸມປຶກສາຫາລືຂັ້ນສູງໃນວັນທີ 22 ກຸມພາ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ ໄດ້ແຈ້ງໃຫ້ຊາບຂໍ້ມູນຂ່າວກ່ຽວກັບການປະກອບສ່ວນຂອງຫວຽດນາມ ໃຫ້ແກ່ຄວາມມານະພະຍາຍາມລວມຂອງໂລກໃນການຮັບມືກັບໂລກລະບາດໂຄວິດ-19 ຄື: ການໜູນຊ່ວຍຜ້າອັດປາກ-ອັດດັງ, ວັດຖຸດ້ານການແພດໃຫ້ກວ່າ 50 ປະເທດ ແລະ ຄູ່ຮ່ວມມືສາກົນ, ສະເໜີ ແລະ ສະມັດຊາໃຫຍ່ສະຫະປະຊາຊາດໄດ້ຮັບຮອງເອົາຜ່ານການເຫັນດີມະຕິວ່າດ້ວຍການເລືອກເອົາວັນທີ 27 ທັນວາ ເປັນວັນສາກົນປ້ອງກັນ, ສະກັດກັ້ນໂລກລະບາດ ເພື່ອຍົກສູງຄວາມຮັບຮູ້ກ່ຽວກັບການສະກັດກັ້ນ ແລະ ຮັບມືກັບບັນດາໂລກລະບາດ. ທ່ານຢືນຢັນວ່າ, ເລື່ອງຮັບປະກັນໃຫ້ສັງຄົມມີຄວາມປອດໄພຕໍ່ໜ້າໂລກລະບາດແມ່ນວິທີດີທີ່ສຸດເພື່ອຮັບປະກັນບັນດາສິດທິມະນຸດໃຫ້ແກ່ແຕ່ລະສະມາຊິກໃນສັງຄົມຢ່າງຄົບຖ້ວນ.

        ທີ່ກອງປະຊຸມປຶກສາຫາລືຂັ້ນສູງ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ ໄດ້ແຈ້ງໃຫ້ຊາບກ່ຽວກັບເລື່ອງຫວຽດນາມ, ດ້ວຍຖານະເປັນຜູ້ສະໝັກເລືອກຕັ້ງຂອງອາຊຽນ, ສະໝັກເລືອກຕັ້ງດຳລົງຕຳແໜ່ງສະມາຊິກສະພາສິດທິມະນຸດສະຫະປະຊາຊາດ ອາຍຸການ 2023 – 2025.

(ແຫຼ່ງຄັດຈາກ VOV)

ງານວາງສະແດງ ໂຮ່ຈີມິນ - ຄວາມຄາດຫວັງເອກະລາດແຫ່ງ

ງານວາງສະແດງ “ໂຮ່ຈີມິນ - ຄວາມຄາດຫວັງເອກະລາດແຫ່ງ”

ງານວາງສະແດງໄດ້ແນະນຳເກືອບ 200 ຮູບພາບເອກະສານ, ວັດຖຸພັນກ່ຽວກັບຕົ້ນກຳເນີດ, ຊີວິດ, ພາລະກິດຂອງປະທານໂຮ່ຈີມິນ, ຄື: ຫງວຽນເຕີດແທັ່ງ ຕັດສິນໃຈອອກເດີນທາງໄປຕ່າງປະເທດຊອກຫາເສັ້ນທາງກູ້ຊາດ ແລະ ຂະບວນການຈາກຊາວໜຸ່ມຜູ້ຮັກຊາດ ກາຍເປັນນັກກອມມູນິດ (1911 – 1930).

Top