ທ່ານນາງ ຕ່ອງທິຟ໋ອງ, ຮອງປະທານ,
ຜູ້ປະຈຳການສະພາແຫ່ງຊາດ ຫວຽດນາມ
(ພາບ: TTXVN)
ວັນທີ 13/2 ຢູ່ສຳນັກງານຂອງ ສະຫະປະຊາຊາດ (ສປຊ) ທີ່ ນິວຢອກ, ອາເມລິກາ, ດຳເນີນວາລະອະພິປາຍປະຈຳປີລະຫວ່າງ ສະຫະພັນລັດຖະສະພາສາກົນ (IPU) ແລະ ສປຊ. ຫົວຂໍ້ຂອງວາລະອະພິປາຍປີນີ້ແມ່ນ “ໂລກສີຟ້າ: ການອະນຸລັກຮັກສາມະຫາສະໝຸດ, ປ້ອງກັນໜ່ວຍໂລກ, ຮັບປະກັນຜົນປະໂຫຍດໃຫ້ມະນຸດ“. ກ່າວຄວາມເຫັນຢູ່ທີ່ນີ້, ທ່ານນາງ ຕ່ອງທິຟ໋ອງ, ຮອງປະທານ, ຜູ້ປະຈຳການສະພາແຫ່ງຊາດ ຫວຽດນາມ, ເນັ້ນໜັກວ່າ: ສັນຕິພາບ, ຄວາມໝັ້ນຄົງ ແມ່ນເງື່ອນໄຂຕັດສິນຊີ້ຂາດການພັດທະນາຢ່າງໝັ້ນຄົງ. ຢູ່ ອາຊີຕາເວັນອອກສ່ຽງໃຕ້, ເພື່ອແກ້ໄຂບັນຫາທະເລຕາເວັນອອກ, ບັນດາປະເທດພວມມານະພະຍາຍາມກະທຳຢ່າງມີຄວາມຮັບຜິດຊອບ, ດ້ວຍຄວາມປາຖະໜາພ້ອມກັນເຄົາລົບກົດໝາຍສາກົນ. ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ໃຫ້ຮູ້ວ່າ, ຫວຽດນາມແມ່ນປະເທດແຄມທະເລ, ມີທີ່ຕັ້ງສຳຄັນໃນສາຍທາງເດີນທະເລສາກົນ ແລະ ກໍ່ຖືກຜົນກະທົບຫຼາຍຢ່າງຈາກການປ່ຽນແປງຂອງດິນຟ້າອາກາດ ແລະ ນຳ້ທະເລຂຶ້ນສູງ. ດັ່ງນັ້ນ, ຫວຽດນາມ ຖືເປັນສຳຄັນການພັດທະນາບັນດາຂະແໜງເສດຖະກິດທະເລ ໄປຄຽງຄູ່ກັບການປົກປັກຮັກສາສະພາບແວດລ້ອມທະເລ. ຫວຽດນາມພ້ອມແລ້ວທີ່ຈະຮ່ວມມືກັບປະຊາຄົມສາກົນເພື່ອປົກປັກຮັກສາສະພາບແວດລ້ອມ, ຂຸດຄົ້ນຜົນປະໂຫຍດດ້ານເສດຖະກິດທະເລຢ່າງເໝາະສົມ ແລະ ມີປະສິດທິຜົນ, ພ້ອມທັງຕິດແໜ້ນກັບໜ້າທີ່ປົກປັກຮັກສາສັນຕິພາບ, ຄວາມໝັ້ນຄົງ ແລະ ການພັດທະນາຢ່າງໝັ້ນຄົງຂອງຊາດ.ຜູ້ປະຈຳການສະພາແຫ່ງຊາດ ຫວຽດນາມ
(ພາບ: TTXVN)
ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ສະເໜີສືບຕໍ່ປັບປຸງລະບົບເອກະສານດ້ານກົດໝາຍ, ເພີ່ມທະວີປະສິດທິຜົນການຄຸ້ມຄອງລັດກ່ຽວກັບທະເລ ແລະ ໝູ່ເກາະ. ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ກໍ່ສະເໜີ IPU ແລະ ສະພາແຫ່ງຊາດປະເທດຕ່າງໆດຳເນີນການກວດກາການປະຕິບັດບັນດາຄຳໝັ້ນສັນຍາ ແລະ ບັນດາຂໍ້ສະເໜີເປັນປະຈຳ, ໂດຍຜ່ານວາລະປະຊຸມນີ້ ກໍ່ຄືທີ່ກອງປະຊຸມກ່ຽວກັບທະເລ ແລະ ມະຫາສະໝຸດຈະມາເຖິງ, ເພື່ອແນໃສ່ຕີລາຄາຜົນທີ່ບັນລຸໄດ້ ແລະ ບັນດາຄວາມຈຳກັດ, ສິ່ງຄົງຄ້າງ ເພື່ອພ້ອມກັນຍົກອອກທິດທາງແກ້ໄຂ.
(ແຫຼ່ງຄັດຈາກ VOV)
