ຂ່າວສານ

ຫລາຍປະເທດຢູ່ ອາເມລີກາໃຕ້ ປະກາດສະພາວະສຸກເສີນ

19/03/2020

ວັນທີ 17 ມີນາ ທ່ານ Ivan Duque ປະທານາທິບໍດີ ໂກລົມບີ ໄດ້ປະກາດສະພາວະສຸກເສີນໃນ ສະພາບການປະເທດນີ້ຍົກອອກບັນດາມາດຕະການເພື່ອສະກັດກັ້ນການແຜ່ລະບາດຂອງ ໄວຣັດ SARS-CoV-2.

ປະຊາຊົນ ເວເນຊູເອລາ ເຮັດລະບຽບການເຂົ້າເມືອງ ຢູ່ ເຂດຊາຍແດນ ໂກລົມບີ ແລະ ເວເນຊູເອລາ
ພາບ: AFP/TTXVN

ໃນນັ້ນ ຮຽກຮ້ອງຕ້ອງແຍກຕົວແບບບັງຄັບສຳລັບຜູ້ມີອາຍຸກວ່າ 70 ປີ, ເລີ່ມແຕ່ 7 ໂມງເຊົ້າວັນທີ 20 ມີນາ - 31 ພຶດສະພາ. ໄລ່ມາຮອດຈຸດເວລານີ້ ໂກລົມບີ ມີ 75 ຄົນຕິດ SARS-CoV-2.

ໃນຂະນະນັ້ນ ລັດຖະບານ ເປຣູ ກໍ່ປະກາດສະພາວະສຸກເສີນ, ວາງອອກຫລາຍມາດຕະການປ້ອງກັນ ຄວບຄຸມໂລກພະຍາດຄື: ປິດປະຕູຊາຍແດນ, ຢຸດຕິສິກໄປມາ, ຊີ້ນຳກອງທັບ ແລະ ຕຳຫລວດ ຮັບປະກັນບໍລິການສາທາລະນະ ແລະ ຮຽກຮ້ອງປະຊາຊົນຢູ່ເຮືອນສ່ວນຕົວ, ເຮັດວຽກ ອອນລາຍ. ປະຈຸບັນ ປະເທດນີ້ ມີ 71 ຄົນຕິດ SARS-CoV-2.
ໂບລີວີ ແລະ ຮອນດູຣັດ ກໍໄດ້ວາງອອກບັນດາມາດຕະການເຊັ່ນດຽວກັນ ເພື່ອແນໃສ່ສະກັດກັ້ນການແຜ່ລະບາດຂອງເຊື້ອພະຍາດດັ່ງກ່າວ ຍ້ອນ 2 ປະເທດນີ້ພວມມີ 18 ຄົນ ຕິດ SARS-CoV-2. ໃນຂະນະນັ້ນ ຢູ່ ອາຊີ ລັດຖະບານ ອົດສະຕາລີ ພວມມີແຜນການອະນຸຍາດໃຫ້ ພະນັກງານ, ລັດຖະການ 1,2 ລ້ານຄົນເຮັດວຽກ ຢູ່ບ້ານ ເມື່ອເຊື້ອພະຍາດ SARS-CoV-2 ແຜ່ລະບາດອອກສູ່ວົງກວ້າງ.

(ແຫຼ່ງຄັດຈາກ VOV)

ຄະນະຜູ້ແທນຂັ້ນສູງ ລາວ, ກຳປູເຈຍ ຈະເຂົ້າຮ່ວມພິທີສະເຫຼີມສະຫຼອງ 50 ປີ ແຫ່ງວັນປົດປ່ອຍພາກໃຕ້

28/04/2025
ຂ່າວສານ

ຄະນະຜູ້ແທນຂັ້ນສູງພັກ ແລະ ລັດ ລາວ ໂດຍທ່ານເລຂາທິການໃຫຍ່ພັກປະຊາຊົນປະຕິວັດລາວ, ປະທານປະເທດແຫ່ງ ສປປ. ລາວ ທອງລຸນ ສີສຸດລິດ ຈະນຳໜ້າຄະນະມາເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັດປົດປ່ອຍພາກໃຕ້ ຫວຽດນາມ, ທ້ອນໂຮມປະເທດຊາດເປັນເອກະພາບ ແຕ່ວັນທີ 28 – 30 ເມສາ 2025;