• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສືບ​ຕໍ່​ຢັ້ງ​ຢືນ ​ປະ​ຊາ​ຄົມຊາວ ຫວຽດ​ນາມ ອາ​ໄສ​ຢູ່​ຕ່າງ​ປະ​ເທດ ແມ່ນພາກ​​ສ່ວນ​ໜຶ່ງ​ທີ່​​ບໍ່ອາດຕັດ​ແຍກ​ອອກ​ຈາກ​ຊາດ ຫວຽດ​ນາມ ໄດ້

ສືບຕໍ່ຢັ້ງຢືນແຜນນະໂຍບາຍ, ນະໂຍບາຍສະເໝີຕົ້ນສະເໝີປາຍ ແລະ ຖືກຕ້ອງຂອງພັກ, ລັດ ຫວຽດນາມ ກ່ຽວກັບການປັບປຸງຄວາມສາມັກຄີທົ່ວປວງຊົນທັງຊາດໃຫ້ເປັນປຶກແຜ່ນແໜ້ນໜາ, ໃນນັ້ນ ປະຊາຄົມຊາວ ຫວຽດນາມ ອາໄສ ຢູ່ຕ່າງປະເທດ ແມ່ນສ່ວນໜຶ່ງຂອງຊາດ ຫວຽດນາມທີ່ບໍ່ອາດຕັດແຍກອອກຈາກໄດ້.

ທ່ານລັດຖະມົນຕີການຕ່າງປະເທດ ບຸ່ຍແທັງເຊີນ (ພາບ: nld.com.vn)

ວັນທີ 12 ສິງຫາ ຜ່ານມາ, ກົມການເມືອງ ໄດ້ປະກາດໃຊ້ຂໍ້ສະຫຼຸບເລກທີ 12 ກ່ຽວກັບວຽກງານຊາວ ຫວຽດນາມ ອາໄສຢູ່ຕ່າງປະເທດໃນສະພາບການໃໝ່. ເມື່ອຕອບສຳພາດຕໍ່ບັນດາອົງການສື່ມວນຊົນກ່ຽວກັບເນື້ອໃນນີ້ໃນວັນທີ 19 ສິງຫາ, ທ່ານລັດຖະມົນຕີການຕ່າງປະເທດ ບຸ່ຍແທັງເຊີນ ຢັ້ງຢືນວ່າ ການປະກາດໃຊ້ຂໍ້ສະຫຼຸບເລກທີ 12 ນີ້ ແມ່ນມີຄວາມໝາຍສຳຄັນຍິ່ງ.

        “ທີໜຶ່ງແມ່ນ, ສືບຕໍ່ຢັ້ງຢືນແຜນນະໂຍບາຍ, ນະໂຍບາຍສະເໝີຕົ້ນສະເໝີປາຍ ແລະ ຖືກຕ້ອງຂອງພັກ, ລັດ ຫວຽດນາມ ກ່ຽວກັບການປັບປຸງຄວາມສາມັກຄີທົ່ວປວງຊົນທັງຊາດໃຫ້ເປັນປຶກແຜ່ນແໜ້ນໜາ, ໃນນັ້ນ ປະຊາຄົມຊາວ ຫວຽດນາມ ອາໄສ ຢູ່ຕ່າງປະເທດ ແມ່ນສ່ວນໜຶ່ງຂອງຊາດ ຫວຽດນາມທີ່ບໍ່ອາດຕັດແຍກອອກຈາກໄດ້. ທີສອງແມ່ນ, ຊຸກຍູ້ການປະຕິບັດວຽກງານຊາວ ຫວຽດນາມ ອາໄສ ຢູ່ຕ່າງປະເທດຢ່າງຮອບດ້ານ ແລະ ເຂັ້ມແຂງກວ່າ. ທີສາມແມ່ນ, ສືບຕໍ່ສະແດງໃຫ້ເຫັນຄວາມເອົາໃຈໃສ່ ແລະ ຄວາມຮັບຜິດຊອບຂອງພັກ, ລັດ ໃນການເບິ່ງແຍງປະຊາຄົມຊາວ ຫວຽດນາມ ອາໄສ ຢູ່ຕ່າງປະເທດ; ຕອບສະໜອງຄວາມມຸ່ງມາດປາດຖະໜາອັນຊອບທຳ, ຈາກນັ້ນປຸກລະດົມສົ່ງເສີມໃຫ້ພໍ່ແມ່ພີ່ນ້ອງສືບຕໍ່ມານະພະຍາຍາມບືນຕົວຂຶ້ນ, ປຸກລູກຄວາມສາມາດບົ່ມຊ້ອນ, ເສີມຂະຫຍາຍແຫຼ່ງກຳລັງອັນໃຫຍ່ຫຼວງ ແລະ ອວ່າຍໜ້າເມືອຫາບ້ານເກີດເມືອງນອນ, ປະເທດຊາດ.”

        ທ່ານລັດຖະມົນຕີການຕ່າງປະເທດ ບຸ່ຍແທງເຊີນ ກໍໃຫ້ຮູ້ວ່າ ມີມາດຕະການໜຶ່ງທີ່ສຳຄັນໄດ້ເຕື້ອງເຖິງໃນຂໍ້ສະຫຼຸບດັ່ງກ່າວ ນັ້ນແມ່ນ ສືບຕໍ່ສ້າງກົດໝາຍໃຫ້ສົມບູນແບບ, ປະຕິຮູບລະບຽບການບໍລິຫານ ແລະ ຜັນຂະຫຍາຍບັນດານະໂຍບາຍທີ່ກ່ຽວຂ້ອງເຖິງຊາວ ຫວຽດນາມ ອາໄສຢູ່ຕ່າງປະເທດ ໃຫ້ຄົບຊຸດ. ສົ່ງເສີມ ແລະ ເສີມຂະຫຍາຍບັນດາຂໍ້ລິເລີ່ມ, ການປະກອບສ່ວນຂອງປັນຍາຊົນ, ນັກຊ່ຽວຊານ ແລະ ນັກທຸລະກິດ ຫວຽດນາມ ອາໄສຢູ່ຕ່າງປະເທດ ໃຫ້ມີປະສິດທິຜົນ. ແກ້ໄຂຄວາມຮຽກຮ້ອງຕ້ອງການທີ່ຊອບທຳຂອງພໍ່ແມ່ພີ່ນ້ອງທີ່ມີສ່ວນກ່ຽວຂ້ອງເຖິງສັນຊາດ ໃຫ້ສອດຄ່ອງກັບ ລັດຖະທຳມະນູນ ແລະ ກົດໝາຍ. ທ່ານກໍເນັ້ນໜັກເຖິງການປະກອບສ່ວນຂອງພໍ່ແມ່ພີ່ນ້ອງຊາວ ຫວຽດນາມ ອາໄສຢູ່ຕ່າງປະເທດທີ່ມີຕໍ່ປະເທດຊາດ ແລະ ປາດຖະໜາວ່າ ພໍ່ແມ່ພີ່ນ້ອງຊາວ ຫວຽດນາມ ອາໄສຢູ່ຕ່າງປະເທດ ຈະສືບຕໍ່ຕອບສະໜອງ ແລະ ສະໜັບສະໜູນບັນດາແຜນນະໂຍບາຍ, ນະໂຍບາຍ ແລະ ຄຳຮຽກຮ້ອງຂອງການນຳພັກ, ລັດ ແລະ ແນວໂຮມປະເທດຊາດ, ຮຽງບາຮຽງໄຫຼ່ພ້ອມກັບປະຊາຊົນພາຍໃນປະເທດ ຍູ້ໂລກລະບາດໂຄວິດ - 19 ໃຫ້ຖອຍໄປ, ປະຕິບັດຄວາມຄາດຫວັງ ພັດທະນາປະເທດ ເພື່ອປະເທດ ຫວຽດນາມ ຮຸ່ງເຮືອງເຂັ້ມແຂງ ແລະ ວັດທະນາຖາວອນ.

(ແຫຼ່ງຄັດຈາກ VOV)

ເພີ່ມ​ພູນ​ຄູນ​ສ້າງ​ສາຍ​ພົວ​ພັນ​ມິດ​ຕະ​ພາບ​ທີ່​ເປັນ​ມູນ​ເຊື້ອ​ແບບ​ພິ​ເສດ ລະ​ຫວ່າງ ຫວຽດ​ນາມ - ກຸຍ​ບາ​ຢ່າງ​ບໍ່​ຢຸດ​ຢັ້ງ

ເພີ່ມ​ພູນ​ຄູນ​ສ້າງ​ສາຍ​ພົວ​ພັນ​ມິດ​ຕະ​ພາບ​ທີ່​ເປັນ​ມູນ​ເຊື້ອ​ແບບ​ພິ​ເສດ ລະ​ຫວ່າງ ຫວຽດ​ນາມ - ກຸຍ​ບາ​ຢ່າງ​ບໍ່​ຢຸດ​ຢັ້ງ

ທ່ານປະທານສະພາແຫ່ງຊາດ ກຸຍບາ Esteban Lazo Hermandez ໄດ້ມາຢ້ຽມຢາມ ຫວຽດນາມ ໃນລະຫວ່າງວັນທີ 24 - 28 ກັນຍາ ແລະ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນທ່ານປະທານ Fidel Castro ມາຢ້ຽມຢາມເຂດປົດປ່ອຍ ພາກໃຕ້ ຫວຽດນາມ (9/1973-9/2023). ນີ້ແມ່ນໂອກາດເພື່ອໃຫ້ປະຊາຊົນສອງປະເທດ, ພິເສດແມ່ນໄວໜຸ່ມ, ເພີ່ມທະວີຄວາມຮູ້ຄວາມເຂົ້າໃຈກ່ຽວກັບປະຫວັດສາດ ແລະ ຄວາມໝາຍຂອງການພົວພັນແບບພິເສດ ລະຫວ່າງ ຫວຽດນາມ - ກຸຍບາ ໂດຍທ່ານປະທານ ໂຮ່ຈີມິນ ແລະ ທ່ານປະທານ Fidel Castro ໄດ້ເພີ່ມພູນຄູນສ້າງຂຶ້ນ. ພ້ອມທັງ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບທອດ ແລະ ເສີມຂະຫຍາຍກຳລັງແຮງມູນເຊື້ອອັນດີງາມ, ປະກອບສ່ວນເຂົ້າໃນການຮັດແໜ້ນການພົວພັນສາມັກຄີລະຫວ່າງ ຫວຽດນາມ - ກຸຍບາ.

Top