• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສືບຕໍ່ຫຼຸດອັດຕາດອກເບ້ຍກູ້ຢືມເພື່ອໜູນຊ່ວຍວິສາຫະກິດຢ່າງແທດຈິງ, ທັນການກວ່າອີກ

ຍາມໃດລັດຖະບານກໍ່ຮັບຟັງ, ແບ່ງປັນ, ມານະພະຍາຍາມເພື່ອມີມາດຕະການແກ້ໄຂຄວາມຫຍຸ້ງຍາກໃຫ້ແກ່ວິສາຫະກິດ.
ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ເປັນປະທານການເຮັດວຽກ (ພາບ: VGP)

ຕອນບ່າຍວັນທີ 06 ກໍລະກົດ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ເປັນປະທານການເຮັດວຽກຂອງຄະນະປະຈຳຄະນະລັດຖະບານ ກັບຄະນະບໍລິຫານງານສະຫະສະມາຄົມວິສາຫະກິດຂະໜາດກາງ ແລະ ນ້ອຍ (SME) ຫວຽດນາມ ກ່ຽວກັບສະພາບການເຄື່ອນໄຫວຂອງສະຫະສະມາຄົມ, ປະຊາຄົມວິສາຫະກິດ SME ແລະ ບັນດາມາດຕະການແກ້ໄຂຄວາມຫຍຸ້ງຍາກໃຫ້ແກ່ວິສາຫະກິດ.

ໂດຍຮັບເອົາຄຳເຫັນ, ຂໍ້ສະເໜີຂອງບັນດາວິສາຫະກິດ, ທ່ານນາຍົກລັດຖະມົນຕີ ຟ້າມມິນຈິງ ຢືນຢັນວ່າ, ຍາມໃດລັດຖະບານກໍ່ຮັບຟັງ, ແບ່ງປັນ, ມານະພະຍາຍາມເພື່ອມີມາດຕະການແກ້ໄຂຄວາມຫຍຸ້ງຍາກໃຫ້ແກ່ວິສາຫະກິດ; ທ່ານສະເໜີວ່າ ໃນໄລຍະຈະມາເຖິງ, ບັນດາກະຊວງ, ຂະແໜງການ, ທ້ອງຖິ່ນ ແລະ ວິສາຫະກິດ ຕ້ອງມີຄວາມມານະພະຍາຍາມ, ຄວາມຕັດສິນໃຈຫຼາຍກວ່າ ເພື່ອແກ້ໄຂບັນດາບັນຫາທີ່ຍັງຄົງຄ້າງ.

ກ່ຽວກັບບັນຫາສຳຜັດກັບແຫຼ່ງທຶນ, ທ່ານນາຍົກລັດຖະມົນສະເໜີໃຫ້ຂະແໜງທະນາຄານ ຜັນຂະຫຍາຍບັນດາມະຕິຂອງລັດຖະບານກ່ຽວກັບການແກ້ໄຂຄວາມຫຍຸ້ງຍາກໃຫ້ແກ່ການຜະລິດ, ດຳເນີນທຸລະກິດຢ່າງຂ້ຽວຂາດກວ່າ, ພິເສດແມ່ນຜັນຂະຫຍາຍການຜ່ອນຜັນນະໂຍບາຍເງິນຕາ, ຫຼຸດອັດຕາດອກເບ້ຍ, ໂດຍສະເພາະແມ່ນດອກເບ້ຍໃຫ້ກູ້ຢືມ, ເພີ່ມຄວາມສາມາດສຳຜັດກັບບ້ວງສິນເຊື່ອໃຫ້ແກ່ການຜະລິດ ດຳເນີນທຸລະກິດ. ກ່ຽວກັບການປະຕິຮູບລະບຽບການບໍລິຫານ, ລັດຖະບານມອບໃຫ້ຫ້ອງວ່າການລັດຖະບານ ສົມທົບກັບກະຊວງພາຍໃນ ສືບຕໍ່ກວດກາຄືນເພື່ອປະຕິຮູບ, ຫຼຸດຜ່ອນ, ຫັນບັນດາລະບຽບການບໍລິຫານເປັນງ່າຍດາຍ. ທ່ານນາຍົກລັດຖະມົນຕີຖືວ່າ ຕ້ອງສືບຕໍ່ຍູ້ແຮງການສົ່ງເສີມການຄ້າ, ເສີມຂະຫຍາຍບັນດາສັນຍາການຄ້າເສລີ (FTA) ແລະ ບັນດາການເຈລະຈາ FTA ໃໝ່ໃຫ້ບັນລຸປະສິດທິຜົນ, ຫັນຕະຫຼາດ, ຜະລິດຕະພັນ, ລະບົບສະໜອງເປັນຫຼາຍຮູບຫຼາຍແບບ, ຍົກສູງຄຸນນະພາບຂອງສິນຄ້າ, ຜະລິດຕະພັນ.

(ແຫຼ່ງຄັດຈາກ VOV)

ຫວຽດ​ນາມ - ລາວ ເພີ່ມ​ທະ​ວີ​ການ​ຮ່ວມ​ມື​ດ້ານ​ທິດ​ສະ​ດີ ແລະ ຫຸ້ນ​ສ່ວນ​ຍຸດ​ທະ​ສາດ

ຫວຽດ​ນາມ - ລາວ ເພີ່ມ​ທະ​ວີ​ການ​ຮ່ວມ​ມື​ດ້ານ​ທິດ​ສະ​ດີ ແລະ ຫຸ້ນ​ສ່ວນ​ຍຸດ​ທະ​ສາດ

ທ່ານ​ ຫງວຽນ​ຊວັນຖັງ ປະ​ທານ​ສະ​ພາ​ທິດ​ສະ​ດີ​ສູນ​ກາງ ຫວຽດ​ນາມ ຢັ້ງ​ຢື​ນ​ວ່າ ຫວຽດ​ນາມ ຍາມ​ໃດ​ກໍ່​ຖື​ເປັນ​ສຳ​ຄັນ ແລະ ສະ​ໜັບ​ສະ​ໜູນ​ລາວ​ໃນ​ພາ​ລະ​ກິດ​ແຫ່ງ​ການ​​ສ້າງສາ, ພັດ​ທ​ະ​ນາ​ປະ​ເທດ​ຊາດ.

Top