• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສະເໜີທ່ານ ເວືອງດິ່ງເຫ້ວດຳລົງຕຳແໜ່ງປະທານສະພາແຫ່ງຊາດຊຸດທີ XV

      ຄະນະປະຈຳສະພາແຫ່ງຊບາດໄດ້ຍື່ນບັນຊີລາຍຊື່ສະເໜີແຕ່ງຕັ້ງເພື່ອໃຫ້ສະພາແຫ່ງຊາດເລືອກຕັ້ງປະທານສະພາແຫ່ງຊາດ
ຍື່ນສະເໜີຕໍ່ສະພາແຫ່ງຊາດເລືອກຕັ້ງທ່ານ ເວືອງດິ່ງເຫ້ວ ດຳລົງຕຳແໜ່ງປະທານສະພາແຫ່ງຊາດຊຸດທີ XV
(ພາບ: vnexpress.net)
      ຕອນເຊົ້າວັນທີ 20 ກໍລະກົດ, ໃນຂອບເຂດກອງປະຊຸມຄັ້ງປະຖົມມະເລີກ, ສະພາແຫ່ງຊາດຫວຽດນາມ ຊຸດທີ XV, ຄະນະປະຈຳສະພາແຫ່ງຊບາດໄດ້ຍື່ນບັນຊີລາຍຊື່ສະເໜີແຕ່ງຕັ້ງເພື່ອໃຫ້ສະພາແຫ່ງຊາດເລືອກຕັ້ງປະທານສະພາແຫ່ງຊາດ, ທ່ານຮອງປະທານສະພາແຫ່ງຊາດ ແລະ ສະມາຊິກກຳມາທິປະຈຳການສະພາແຫ່ງຊາດຊຸດທີ XV. ໃນບັນຊີລາຍຊື່ສະເໜີຂອງກຳມາທິການປະຈຳສະພາແຫ່ງຊາດ, ທ່ານ ເວືອງດິ່ງເຫ້ວ, ກຳມະການກົມການເມືອງ, ປະທານສະພາແຫ່ງຊາດຊຸດທີ XIV, ປະທານສະພາເລືອກຕັ້ງແຫ່ງຊາດໄດ້ຍື່ນສະເໜີຕໍ່ສະພາແຫ່ງຊາດເລືອກຕັ້ງເປັນຜູ້ດຳລົງຕຳແໜ່ງປະທານສະພາແຫ່ງຊາດຊຸດທີ XV. ບຸກຄະລາກອນ 4 ທ່ານໄດ້ຮັບການແນະນຳເລືອກຕັ້ງດຳລົງຕຳແໜ່ງຮອງປະທານສະພາແຫ່ງຊາດລວມມີທ່ານ ເຈິ່ນແທັງເໝີນ, ທ່ານ ຫງວຽນຄັກດິ້ງ, ທ່ານ ຫງວຽນດຶກຫາຍ(ລ້ວນແຕ່ແມ່ນຮອງປະທານສະພາແຫ່ງຊາດຊຸດທີ XIV) ແລະ ທ່ານ ພົນໂທ ເຈິ່ນກວາງເຟືອງ.
ແລະກໍ່ໃນຕອນບ່າຍວັນທີ 20 ກໍລະກົດ, ພາຍຫຼັງເລືອກຕັ້ງທ່ານເວືອງດິ່ງເຫ້ວດຳລົງຕຳແໜ່ງປະທານສະພາແຫ່ງຊາດຊຸດທີ XV, ບັນດາສະມາຊິກສະພາແຫ່ງຊາດໄດ້ດຳເນີນການເລືອກຕັ້ງຮອງປະທານສະພາແຫ່ງຊາດ ແລະ ກຳມະການຄະນະປະຈຳສະພາແຫ່ງຊາດຊຸດທີ XV ດ້ວຍຮູບການປ່ອນບັດເລືອກຕັ້ງລັບ. ໝາກຜົນຂອງການນັບບັດເລືອກຕັ້ງສະແດງໃຫ້ເຫັນວ່າ ມີ 17 ຄົນໃນບັນຊີລາຍຊື່ແນະນຳລ້ວນແຕ່ໄດ້ຮັບການເລືອກຕັ້ງ, ໃນນັ້ນ ມີ 13 ຄົນໄດ້ຮັບການເລືອກຕັ້ງຄືນໃໝ່ ແລະ 4 ຄົນໄດ້ຮັບການເລືອກຕັ້ງຄັ້ງທຳອິດ.
ໃນຈຳນວນຮອງປະທານສະພາແຫ່ງຊາດ 4 ທ່ານທີ່ຫາກໍໄດ້ຮັບການເລືອກຕັ້ງມີ 3 ທ່ານໄດ້ຮັບການເລືອກຕັ້ງຄືນໃໝ່ລວມມີ ທ່ານ ເຈິ່ນແທັງເໝີນ, ທ່ານ ຫງວຽນຄັກດິງ, ທ່ານ ຫງວຽນດຶກຫ໋າຍ. ມີທ່ານໜຶ່ງໄດ້ຮັບການເລືອກຕັ້ງຄັ້ງທຳອິດແມ່ນທ່ານ ພົນໂທ ເຈິ່ນກວາງເຟືອງ, ຮອງຫົວໜ້າກົມໃຫຍ່ການເມືອງ ກອງທັບປະຊາຊົນ ຫວຽດນາມ.
(ແຫຼ່ງຄັດຈາກ VOV)

ງານວາງສະແດງ ໂຮ່ຈີມິນ - ຄວາມຄາດຫວັງເອກະລາດແຫ່ງ

ງານວາງສະແດງ “ໂຮ່ຈີມິນ - ຄວາມຄາດຫວັງເອກະລາດແຫ່ງ”

ງານວາງສະແດງໄດ້ແນະນຳເກືອບ 200 ຮູບພາບເອກະສານ, ວັດຖຸພັນກ່ຽວກັບຕົ້ນກຳເນີດ, ຊີວິດ, ພາລະກິດຂອງປະທານໂຮ່ຈີມິນ, ຄື: ຫງວຽນເຕີດແທັ່ງ ຕັດສິນໃຈອອກເດີນທາງໄປຕ່າງປະເທດຊອກຫາເສັ້ນທາງກູ້ຊາດ ແລະ ຂະບວນການຈາກຊາວໜຸ່ມຜູ້ຮັກຊາດ ກາຍເປັນນັກກອມມູນິດ (1911 – 1930).

Top