ວັນທີ 24 ກຸມພາ, ສະຫາຍ ເລຂາທິການໃຫຍ່, ປະທານປະເທດ ຫງວຽນຝູ໋ຈ້ອງ ໄດ້ມີການພົບປະແລກປ່ຽນຄຳຄິດຄຳເຫັນ ຕາມລຳດັບ ກັບສະຫາຍ ທອງລຸນ ສີສຸລິດ ກຳມະການກົມການເມືອງ, ນາຍົກລັດຖະມົນຕີ ແຫ່ງປະເທດ ສປປ ລາວ ແລະ ສະຫາຍ ປານີ ຢາທໍ່ຕູ້ ກຳມະການກົມການເມືອງ, ປະທານສະພາແຫ່ງຊາດ ລາວ. 

ສະຫາຍ ນາຍົກລັດຖະມົນຕີ ລາວ ທອງລຸນ ສີສຸລິດ ຕ້ອນຮັບ ສະຫາຍ ເລຂາທິການໃຫຍ່, ປະທານປະເທດ ຫງວຽນຝູ໋ຈ້ອງ. ພາບ: ຈີ້ຢຸງ/VNA   ສະຫາຍ ເລຂາທິການໃຫຍ່, ປະທານປະເທດ ຫງວຽນຝູ໋ຈ້ອງ ໃນການພົບປະແລກປ່ຽນຄຳຄິດຄຳເຫັນ ກັບ ສະຫາຍ ນາຍົກລັດຖະມົນຕີ ລາວ ທອງລຸນ ສີສຸລິດ. ພາບ: ຈີ້ຢຸງ/VNA

ທີ່ບັນດາການພົບປະແລກປ່ຽນຄຳຄິດຄຳເຫັນດັ່ງກ່າວ, ສະຫາຍ ເລຂາທິການໃຫຍ່, ປະທານປະເທດ ຫງວຽນຝູ໋ຈ້ອງ ໄດ້ຕີລາຄາບົດບາດສຳຄັນ ຂອງລັດຖະບານ, ສະພາແຫ່ງຊາດ ສອງປະເທດ ແລະ ຜົນສຳເລັດໃນການຮ່ວມມືລະຫວ່າງ ສອງລັດຖະບານ, ສອງສະພາແຫ່ງຊາດ ໃນໄລຍະຜ່ານມາ; ປາດຖະໜາ ສອງລັດຖະບານ ຈະສືບຕໍ່ຊີ້ນຳໃຫ້ບັນດາຂັ້ນ, ຂະແໜງການ ຂອງ ສອງປະເທດ ຜັນຂະຫຍາຍປະຕິບັດ ຢ່າງມີປະສິດທິຜົນ ບັນດາຂໍຕົກລົງຂັ້ນສູງ ລະຫວ່າງສອງປະເທດ ແລະ ສະເໜີ ສອງສະພາແຫ່ງຊາດ ສຳເລັດໜ້າທີ່ຍິ່ງກວ່າອີກ ບົດບາດຫັນເປັນກົນໄກ ບັນດາແຜນນະໂຍບາຍ, ມະຕິຂອງສອງພັກ; ກວດກາ, ຄວບຄຸມກວດກາ ແລະ ຊຸກຍູ້ການປະຕິບັດບັນດາຂໍ້ຕົກລົງລະຫວ່າງສອງປະເທດ. 

ສະຫາຍ ເລຂາທິການໃຫຍ່, ປະທານປະເທດ ຫງວຽນຝູ໋ຈ້ອງ ເນັ້ນໜັກ ຂະບວນວິວັດແຫ່ງການປ່ຽນແປງໃໝ່ ຂອງ ຫວຽດນາມ ແລະ ລາວ ກຳລັງກ້າວເຂົ້ສູ່ໄລຍະສຳຄັນ, ຮຽກຮ້ອງ ສອງຝ່າຍຕ້ອງມີຄວາມສະໜິດຕິດພັນຢ່າງແໜ້ນແຟ້ນ, ຊຸກຍູ້ການພົວພັນແບບພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ-ລາວ ໃຫ້ມີການພັດທະນາ ຢ່າງກວ້າງຂວາງ ເລິກເຊິ່ງ, ບັນລຸປະສິດທິຜົນ ແລະ ໝັ້ນຄົງຍາວນານ, ໃນນັ້ນມີການຮ່ວມມືລະຫວ່າງສອງລັດຖະບານ ແມ່ນສຳຄັນຕົ້ນຕໍ. 

ສະຫາຍ ນາຍົກລັດຖະມົນຕີ ທອງລຸນ ສີສຸລິດ ແລະ ສະຫາຍນາງ ປະທານສະພາແຫ່ງຊາດ ປານີ ຢາທໍ່ຕູ້ ຕ່າງກໍຢືນຢັນ ຄວາມຕັດສິນບໍ່ວ່າໃນສະພາບການໃດໆ, ລາວ ກໍຈະເຮັດສຸດຄວາມສາມາດຂອງ ຕົນ ເພື່ອການຮັກສາ, ເພີ່ມພູນຄຸນສ້າງ ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ຫວຽດນາມ-ລາວ; ຊຸກຍູ້ຢ່າງແຂງແຮງ ວຽກງານໂຄສະນາສຶກສາ ກ່ຽວກັບມູນເຊື້ອສາມັກຄີແບບພິເສດ ຫວຽດນາມ-ລາວ ໃນພະນັກງານ, ສະມາຊິກພັກ ແລະ ປະຊາຊົນທຸກຊັ້ນຄົນ, ໂດຍສະເພາະຢ່າງຍິ່ງແມ່ນລຸ້ນໄວໜຸ່ມສອງປະເທດຢ່າງບໍ່ຢຸດຢັ້ງ. 

ໂດຍ: VNA/VNP