ຂ່າວສານ

ສະຫາຍ ຟ້າມມິງຈິ໋ງ ໄດ້ຮັບເລືອກເປັນ ນາຍົກລັດຖະມົນຕີ ອາຍຸການ 2016-2021

06/04/2021

ໃນຕອນບ່າຍວັນທີ 5 ເມສາ 2021, ຜົນການນັບບັດ ມີຜູ້ແທນ 462/466 ສະຫາຍ ມີໜ້າ ລົງຄະແນນ ດ້ວຍຄະແນນສຽງເຫັນດີ 96,25% ຜູ້ແທນສະພາແຫ່ງຊາດທັງໝົດ, ສະພາແຫ່ງຊາດ ໄດ້ອະນຸມັດຜ່ານມະຕິເລືອກຕັ້ງ ນາຍົກລັດຖະມົນຕີ ອາຍຸການ 2016-2021 ສຳລັບສະຫາຍ ຟ້າມມິງຈິ໋ງ.

ສະຫາຍນາຍົກລັດຖະມົນຕີ ຟ້າມມິງຈິ໋ງ ກ່າວຄຳສາບານ ຮັບຕຳແໜ່ງ. ພາບ: ຈີ໋ຢຸງ/VNA

ສະຫາຍປະທານສະພາແຫ່ງຊາດ ເວືອງດິ່ງເຫວ້ ມອບດອກໄມ້ ອວຍພອນສະຫາຍນາຍົກລັດຖະມົນຕີ ຟ້າມມິງຈິ໋ງ. ພາບ: ຖົ໋ງເຍີດ/VNA

ສະພາແຫ່ງຊາດຊຸດທີ XIV ໄດ້ເລືອກຕັ້ງສະຫາຍ ຟ້າມມິງຈິ໋ງ, ກຳມະການ ກົມການເມືອງ ຊຸດທີ XIII, ຫົວໜ້າຄະນະຈັດຕັ້ງສູນກາງ, ດຳລົງຕຳແໜ່ງເປັນນາຍົກລັດຖະມົນຕີ ແຫ່ງສາທາລະນະລັດ ສັງຄົມນິຍົມ ຫວຽດນາມ ອາຍຸການ 2016-2021. ມະຕິມີຜົນສັກສິດນັບຕັ້ງແຕ່ເວລາທີ່ໄດ້ ສະພາແຫ່ງຊາດອະນຸມັດຜ່ານ.

ທ່ານ ຟ້າມມິງຈິ໋ງ ເກີດປີ 1958, ບ້ານເກີດຢູ່: ຕາແສງ ຮວາລົກ, ເມືອງເຮົ້າລົກ, ແຂວງແທັງຮ໊ວາ. ທ່ານແມ່ນກຳມະການກົມການເມືອງ ຊຸດທີ XII, XIII, ເລຂາທິການສູນກາງພັກຊຸດທີ XII, ກຳມະການຄະນະບໍລິຫານງານສູນກາງພັກ ຊຸດທີ XI, XII, XIII,ສະມາຊິກສະພາແຫ່ງຊາດຊຸດທີ XIV.

ປະຕິບັດ: VNA/VNP

ການສົ່ງອອກເຄື່ອງເອເລັກໂຕນິກມຸ່ງໄປເຖິງເປົ້າໝາຍບັນລຸ 145 ຕື້ USD

17/09/2025
ຂ່າວສານ

ໃນສະພາບການພູມສາດການເມືອງ ແລະ ເຕັກໂນໂລຢີທົ່ວໂລກ ມີການປ່ຽນແປງຢ່າງລຽນຕິດນັ້ນ, ຫວຽດນາມ ພວມຫັນປ່ຽນຈາກ “ໂຮງງານຜະລິດ” ກາຍເປັນສູນນະວັດຕະກໍາເຕັກໂນໂລຢີສູງຂອງພາກພື້ນ” ເທື່ອລະກ້າວ. ດ້ວຍວົງເງິນສົ່ງອອກເຄື່ອງເອເລັກໂຕນິກບັນລຸກວ່າ 125 ຕື້ USD ໃນປີ 2024 ແລະ ທ່າອຽງພວມເຕີບໂຕຢ່າງວ່ອງໄວ, ພ້ອມກັບການປະກົດຕົວຂອງສູນຄົ້ນຄວ້າ ແລະ ພັດທະນາ (R&D) ຕ່າງປະເທດທີ່ນັບມື້ນັບຫຼາຍ, ຫວຽດນາມ ພວມມຸ່ງໄປເຖິງເປົ້າໝາຍ ສົ່ງອອກເຄື່ອງເອເລັກໂຕນິກໃຫ້ບັນລຸ 145 ຕື້ USD.