• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສະມາຄົມມິດຕະພາບ ຫວຽດນາມ - ອິນໂດເນເຊຍ: ຂົວເຊື່ອມຕໍ່ໄມຕີຈິດມິດຕະພາບ ລະຫວ່າງ ປະຊາຊົນ ຫວຽດນາມ - ອິນໂດເນເຊຍ

      ຫວຽດນາມ ແລະ ອິນໂດເນເຊຍ ໄດ້ສ້າງຕັ້ງສາຍພົວພັນທາງການທູດ ເມື່ອວັນທີ 30 ທັນວາ 1955, 5 ປີຕໍ່ມາວັນທີ 17 ພຶດສະພາ 1960, ສະມາຄົມມິດຕະພາບ ຫວຽດນາມ - ອິນໂດເນເຊຍ ກໍໄດ້ຮັບການສ້າງຕັ້ງຂຶ້ນສິ່ງດັ່ງກ່າວໄດ້ສະແດງໃຫ້ເຫັນຄວາມເອົາໃຈໃສ່ເປັນພິເສດຂອງປະທານ ໂຮ່ຈີມິນ ແລະ ລັດຖະບານ ຫວຽດນາມ ໃນການສ້າງຕັ້ງສະມາຄົມມິດຕະພາບ ຫວຽດນາມ - ອິນໂດເນເຊຍພ້ອມດຽວກັນນັ້ນ ກໍແມ່ນການຕີລາຄາສູງບົດບາດຂອງ “ການທູດປະຊາຊົນ”. 
            ນັບແຕ່ເມື່ອໄດ້ຮັບການສ້າງຕັ້ງຂຶ້ນມາຮອດປັດຈຸບັນ, ສະມາຄົມມິດຕະພາບ ຫວຽດນາມ - ອິນໂດເນເຊຍ ຍາມໃດກໍປະຕິບັດບົດບາດຂອງຕົນໄດ້ເປັນຢ່າງດີເພື່ອແນໃສ່ເພີ່ມທະວີ ແລະ ຍົກສູງສາຍພົວພັນລະຫວ່າງປະຊາຊົນສອງປະເທດໃຫ້ຫຼາຍກວ່າອີກ.
ຄະນະບໍລິຫານງານຊຸດໃໝ່ຂອງ ສະມາຄົມມິດຕະພາບ ຫວຽດນາມ - ອິນໂດເນເຊຍ
      ທີ່ກອງປະຊຸມໃຫຍ່ສະມາຄົມມິດຕະພາບ ຫວຽດນາມ - ອິນໂດເນເຊຍ ຄັ້ງທີ IV ເຊິ່ງຖືກຈັດຂຶ້ນໃນວັນທີ 27 ຕຸລາ ຜ່ານມາຢູ່ ຮ່າໂນ້ຍ, ບັນດາຜູ້ແທນໄດ້ດຳເນີນການສະຫຼຸບ ແລະ ຕີລາຄາການເຄື່ອນໄຫວ, ໝາກຜົນຕ່າງໆທີ່ບັນລຸໄດ້ໃນອາຍຸການທີ III (2015 – 2020). ຕາມນັ້ນແລ້ວ, ໂດຍສືບທອດມູນເຊື້ອຂອງອາຍຸການກ່ອນໆ, ໃນອາຍຸການທີ III ນີ້, ສະມາຄົມມິດຕະພາບ ຫວຽດນາມ - ອິນໂດເນເຊຍ ໄດ້ມີການເຄື່ອນໄຫວຫຼາຍຢ່າງ ແລະ ມີການປະກອບສ່ວນໃດໜຶ່ງເຂົ້າໃນການເພີ່ມທະວີ, ຮັດແໜ້ນສາຍພົວພັນລະຫວ່າງປະຊາຊົນສອງປະເທດ. ພິເສດ, ອາຍຸການ 2015 – 2020 ຜ່ານມາ ແມ່ນສະໄໝທີ່ມີຄວາມພິເສດທີ່ສຸດ ເມື່ອສະພາບການພາຍໃນປະເທດ ແລະ ໃນໂລກມີການຜັນແປ, ປ່ຽນແປງຢ່າງໄວວາ. ຍ້ອນຜົນກະທົບຈາກໂລກລະບາດໂຄວິດ - 19, ການເຄື່ອນໄຫວຂອງສະມາຄົມມິດຕະພາບ ຫວຽດນາມ - ອິນໂດເນເຊຍ ໄດ້ຫັນໄປສູ່ຮູບແບບໃໝ່ທີ່ເໝາະສົມກວ່າ ຕາມທິດນຳທີ່ວ່າ “ເປັນເຈົ້າການ, ຄ່ອງຕົວມີໄຫວພິບ, ປະດິດຄິດສ້າງ ແລະ ມີປະສິດທິຜົນ”. ທ່ານ ຫງວຽນດັງກວາງ, ອະດີດຫົວໜ້າກົມ ອາຊີຕາເວັນອອກສ່ຽງເໜືອ, ກະຊວງການຕ່າງປະເທດ ຫວຽດນາມ, ອະດີດເອກອັກຄະລັດຖະທູດ ຫວຽດນາມ ປະຈຳ ອິນໂດເນເຊຍ, ຮອງປະທານສະມາຄົມມິດຕະພາບ ຫວຽດນາມ - ອິນໂດເນເຊຍ ອາຍຸການທີ III ໃຫ້ຮູ້ວ່າ:
            “ປີ 2020 ແມ່ນປີທີ່ມີຄວາມໝາຍເປັນພິເສດເຊິ່ງເປັນປີສະເຫຼີມສະຫຼອງວັນສ້າງຕັ້ງສາຍພົວພັນທາງການທູດ ຫວຽດນາມ - ອິນໂດເນເຊຍ ຄົບຮອບ 65 ປີສະມາຄົມໄດ້ຕັ້ງໜ້າສົມທົບ ແລະ ເຂົ້າຮ່ວມການເຄື່ອນໄຫວສະເຫຼີມສະຫຼອງໃນນັ້ນ ມີກອງປະຊຸມສຳມະນາ “ຫວນຄືນການພົວພັນ ຫວຽດນາມ - ອິນໂດເນເຊຍ ຄົບຮອບ 65 ປີ ແລະ ເສັ້ນທາງໃນຕໍ່ໜ້າ”. ຍ້ອນໂລກລະບາດໂຄວິດ - 19, ສະນັ້ນການເຄື່ອນໄຫວສະເຫຼີມສະຫຼອງຕ່າງໆຖືກຈັດຂຶ້ນຕາມຮູບການໂດຍກົງສົມທົບກັບທາງໄກແທດເໝາະກັບສະພາບການຕົວຈິງນອກຈາກນັ້ນສະມາຄົມກໍໄດ້ຈັດການເຄື່ອນໄຫວແລກປ່ຽນວັດທະນະທຳສິລະປະຫຼາຍຢ່າງ ຜ່ານນັ້ນ ກໍເພີ່ມທະວີຄວາມເຂົ້າໃຈກ່ຽວກັບປະຫວັດສາດວັດທະນະທຳປະຊາຊົນຂອງກັນເອົາໃຈໃສ່ ແລະ ຕັ້ງໜ້າສົມທົບກັບສະຖານທູດ ຫວຽດນາມ ປະຈຳ ອິນໂດເນເຊຍ ແລະ ສະຖານທູດ ອິນໂດເນເຊຍ ປະຈຳ ຫວຽດນາມ ເພື່ອແບ່ງປັນຂໍ້ມູນຂ່າວສານຈັດຕັ້ງເຂົ້າຮ່ວມການເຄື່ອນໄຫວຕ່າງໆນາໆປະກອບສ່ວນເຂົ້າໃນຂົງເຂດຮ່ວມມືດ້ານເສດຖະກິດການຄ້າວັດທະນະທຳການທ່ອງທ່ຽວ ໂດຍຜ່ານຮູບແບບຕ່າງຄື ກອງປະຊຸມກອງປະຊຸມສໍາມະນາການທັດສະນະສຶກສາພົວພັນແລກປ່ຽນການເສັງຊອກຮູ້ກ່ຽວກັບວັດທະນະທຳ ແລະ ປະຫວັດສາດຂອງສອງປະເທດ ເປັນຕົ້ນ.”
            ໜຶ່ງໃນບັນດາການປະກອບສ່ວນພົ້ນເດັ່ນຂອງສະມາຄົມມິດຕະພາບ ຫວຽດນາມ - ອິນໂດເນເຊຍ ນັ້ນແມ່ນ ຍາມໃດສະມາຄົມກໍຮ່ວມເດີນທາງ, ສະໜັບສະໜູນວິວັດການພັດທະນາຂອງ ລາຍການກະຈາຍສຽງພາກພາສາ ອິນໂດເນເຊຍ, ພະແນກລາຍການກະຈາຍສຽງພາກພາສາຕ່າງປະເທດ, ວິທະຍຸກະຈາຍສຽງ ຫວຽດນາມ. ອາດຢັ້ງຢືນໄດ້ວ່າ, ໃນໄລຍະຜ່ານມາ, ລາຍການກະຈາຍສຽງພາກພາສາ ອິນໂດເນເຊຍ ແມ່ນພາກສ່ວນສຳຄັນຂອງການຕ່າງປະເທດປະຊາຊົນ, ປະກອບສ່ວນບໍ່ແມ່ນໜ້ອຍເຂົ້າໃນການເພີ່ມທະວີຄວາມເຂົ້າໃຈ ແລະ ໄມຕີຈິດມິດຕະພາບລະຫວ່າງປະຊາຊົນສອງປະເທດ ຫວຽດນາມ ແລະ ອິນໂດເນເຊຍ.
ທ່ານ ເຈິ່ນມິງຮຸ່ງ, ຮອງຜູ້ອຳນວຍການໃຫຍ່ ວິທະຍຸກະຈາຍສຽງ ຫວຽດນາມ ເປັນປະທານສະມາຄົມ ອາຍຸການ 2021 – 2026
      ກອງປະຊຸມໃຫຍ່ຜູ້ແທນທົ່ວປະເທດ ສະມາຄົມມິດຕະພາບ ຫວຽດນາມ - ອິນໂດເນເຊຍ ຄັ້ງທີ IV ໄດ້ເລືອກຕັ້ງ ທ່ານ ເຈິ່ນມິງຮຸ່ງ, ຮອງຜູ້ອຳນວຍການໃຫຍ່ ວິທະຍຸກະຈາຍສຽງ ຫວຽດນາມ ເປັນປະທານສະມາຄົມ ອາຍຸການ 2021 – 2026. ກ່າວຄຳເຫັນທີ່ພິທີສະເໜີຕົວ ຄະນະບໍລິຫານງານຊຸດທີ IV, ທ່ານ ເຈິ່ນມິງຮຸ່ງ ໃຫ້ຮູ້ວ່າ:
            “ໂດຍຜ່ານ 61 ປີແຫ່ງເຕີບໃຫຍ່ ແລະ ຂະຫຍາຍຕົວບໍ່ວ່າຈະຢູ່ໃນສະພາບການໃດກໍຕາມສະມາຄົມມິດຕະພາບ ຫວຽດນາມ - ອິນໂດເນເຊຍ ກໍເສີມຂະຫຍາຍບົດບາດເປັນຂົວຕໍ່ແຫ່ງໄມຕີຈິດມິດຕະພາບປະກອບສ່ວນເຂົ້າໃນການປັບປຸງ ແລະ ເພີ່ມທະວີນ້ຳໃຈຄວາມເຂົ້າໃຈເຊິ່ງກັນ ແລະ ກັນລະຫວ່າງປະຊາຊົນສອງປະເທດ ຫວຽດນາມ ແລະ ອິນໂດເນເຊຍສ້າງພື້ນຖານອັນໝັ້ນແກ່ນ ແລະ ຍາວນານໃຫ້ແກ່ສາຍພົວພັນລະຫວ່າງສອງປະເທດ.”
ທ່ານ Denny Abdi ເອກອັກຄະລັດຖະທູດ ຜູ້ມີອຳນາດເຕັມແຫ່ງ ສາທາລະນະລັດ ອິນໂດເນເຊຍ ປະຈຳ ຫວຽດນາມ
      ໂດຍຕີລາຄາສູງຕໍ່ຄວາມມານະພະຍາຍາມຂອງສະມາຄົມມິດຕະພາບ ຫວຽດນາມ - ອິນໂດເນເຊຍ ໃນຕະຫຼອດໄລຍະຜ່ານມາໃນການຮັດແໜ້ນສາຍພົວພັນມິດຕະພາບ ຫວຽດນາມ - ອິນໂດເນເຊຍ, ທ່ານ Denny Abdi ເອກອັກຄະລັດຖະທູດ ຜູ້ມີອຳນາດເຕັມແຫ່ງ ສາທາລະນະລັດ ອິນໂດເນເຊຍ ປະຈຳ ຫວຽດນາມ, ເຊື່ອໝັ້ນວ່າ:
            “ໃນຖານະເປັນເອກອັກຄະລັດຖະທູດຜູ້ຕາງໜ້າລັດຖະບານ ແລະ ປະຊາຊົນ ອິນໂດເນເຊຍ ປະຈຳ ຫວຽດນາມຂ້າພະເຈົ້າຫວັງຢ່າງຍິ່ງວ່າ ທ່ານປະທານຄົນໃໝ່ຈະສືບຕໍ່ຊຸກຍູ້ການເຄື່ອນໄຫວ ແລະ ລາຍການຮ່ວມມືພົວພັນແລກປ່ຽນລະຫວ່າງສອງປະເທດໃຫ້ຫຼາຍກວ່າອີກພວກຂ້າພະເຈົ້າພ້ອມແລ້ວທີ່ຈະເປັນຂົວຕໍ່ເພື່ອແນະນຳ ແລະ ໜູນຊ່ວຍໃຫ້ການຈັດການພົບປະແລກປ່ຽນໂດຍກົງ ຫຼື ຕາມຮູບການທາງໄກ ລະຫວ່າງປະຊາຊົນສອງປະເທດຕາມຂ້າພະເຈົ້າແລ້ວໄປຄຽງຄູ່ກັບການຮ່ວມມືລະຫວ່າງສອງສະມາຄົມມິດຕະພາບແລ້ວສອງຝ່າຍຄວນເພີ່ມທະວີການຮ່ວມມືກັບສະຫະສະມາຄົມອົງການຈັດຕັ້ງອື່ນໆ ເປັນຕົ້ນແມ່ນ ສະມາຄົມວິສາຫະກິດອົງການຈັດຕັ້ງວັດທະນະທຳສະຫະສະມາຄົມກິລາ… ໂລກລະບາດໂຄວິດ - 19 ໄດ້ຊ່ວຍໃຫ້ພວກເຮົາເຫັນວ່າ ການຮ່ວມມືບໍ່ພຽງຖືກຈຳກັດໃນການຢ້ຽມຢາມໂດຍກົງເທົ່ານັ້ນຫາກປັດຈຸບັນນີ້ ຜ່ານສື່ສັງຄົມອອນລາຍຕ່າງໆ ກໍຍັງສາມາດຮ່ວມມືກັນໄດ້ຢ່າງງ່າຍໆ ແລະ ດ້ວຍຫຼາຍຮູບແບບທີ່ແຕກຕ່າງກັນ”.
            ໄລຍະຈະມາເຖິງ, ສະມາຄົມມິດຕະພາບ ຫວຽດນາມ - ອິນໂດເນເຊຍ ຈະສົມທົບກັບສະມາຄົມມິດຕະພາບ ອິນໂດເນເຊຍ - ຫວຽດນາມ ໂດຍອີງໃສ່ສະພາບການຕົວຈິງເພື່ອຜັນຂະຫຍາຍບັນດາການເຄື່ອນໄຫວລະອຽດ ເພື່ອຜົນປະໂຫຍດຂອງປະຊາຊົນສອງປະເທດຢ່າງແທ້ຈິງ./.
(ແຫຼ່ງຄັດຈາກ VOV)

      

ເພີ່ມ​ທະ​ວີ​ການ​ຮ່ວມ​ມື​ລັດ​ຖະ​ສະ​ພາ​ລະ​ຫວ່າງ ຫວຽດ​ນາມກັ​ບ ອົດ​ສະ​ຕາ​ລີ ແລະ ນິວ​ຊີ​ແລນ

ເພີ່ມ​ທະ​ວີ​ການ​ຮ່ວມ​ມື​ລັດ​ຖະ​ສະ​ພາ​ລະ​ຫວ່າງ ຫວຽດ​ນາມກັ​ບ ອົດ​ສະ​ຕາ​ລີ ແລະ ນິວ​ຊີ​ແລນ

ວັນທີ 30 ພະຈິກ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ເລີ່ມຕົ້ນການຢ້ຽມຢາມອົດສະຕາລີ ແລະ ນິວຊີແລນ ຢ່າງເປັນທາງການ. ການຢ້ຽມຢາມຈະແກ່ຍາວເປັນເວລາ 1 ອາທິດນີ້ແມ່ນການຢ້ຽມຢາມອົດສະຕາລີ ແລະ ນິວຊີແລນຄັ້ງທຳອິດຂອງທ່ານປະທານສະພາແຫ່ງຊາດ ເວືອງດິ່ງເຫວະ ໃນຖານະເປັນຜູ້ນຳໜ້າອົງການນິຕິບັນຍັດ ຫວຽດນາມ. ການຢ້ຽມຢາມແມ່ນໂອກາດເພື່ອຮັດແໜ້ນການພົວພັນມິດຕະພາບ, ຄູ່ຮ່ວມມືຍຸດທະສາດ ກັບສອງຄູ່ຮ່ວມມືຫຼັກແຫຼ່ງ ຂອງຫວຽດນາມ ຢູ່ພາກພື້ນ ປາຊີຟິກໃຕ້ ແລະ ຊຸກຍູ້ການຮ່ວມມືລະຫວ່າງບັນດາອົງການນິຕິບັນຍັດ.

Top