• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສະພາແຫ່ງຊາດສິ້ນສຸດການປຶກສາຫາລືກ່ຽວກັບສະພາບການດ້ານເສດຖະກິດ - ສັງຄົມເປັນເວລາ 2 ວັນ

ກອງປະຊຸມສະໄໝສາມັນເທື່ອທີ 4, ສະພາແຫ່ງຊາດ ຫວຽດນາມ ຊຸດທີ XV ໄດ້ສິ້ນສຸດການປຶກສາຫາລືກ່ຽວກັບສະພາບການດ້ານເສດຖະກິດ - ສັງຄົມເປັນເວລາ 2 ວັນ.
  ທ່ານຮອງປະທານສະພາແຫ່ງຊາດ ຫວຽດນາມ ຫງວຽນດຶກຫາຍ (ພາບ: quochoi.vn)  

ຕອນບ່າຍວັນທີ 28 ຕຸລາ, ກອງປະຊຸມສະໄໝສາມັນເທື່ອທີ 4, ສະພາແຫ່ງຊາດ ຫວຽດນາມ ຊຸດທີ XV ໄດ້ສິ້ນສຸດການປຶກສາຫາລືກ່ຽວກັບສະພາບການດ້ານເສດຖະກິດ - ສັງຄົມເປັນເວລາ 2 ວັນ.

ໃນ 2 ມື້ທີ່ປຶກສາຫາລືກ່ຽວກັບບັນຫາດັ່ງກ່າວ, ບັນດາສະມາຊິກສະພາແຫ່ງຊາດໄດ້ຍົກໃຫ້ເຫັນຄວາມຫຍຸ້ງຍາກ, ສິ່ງທ້າທາຍທີ່ໃຫຍ່ຫຼວງຈາກພາຍນອກ ແລະ ສົ່ງຜົນສະທ້ອນຕໍ່ ຫວຽດນາມ ໃນປີ 2023. ບັນດາສະມາຊິກສະພາແຫ່ງຊາດສະເໜີຕໍ່ລັດຖະບານ ໄຈ້ແຍກຢ່າງລະອຽດ, ມີມາດຕະການຮັບມື ເພື່ອຮັບປະກັນສະພາບການເສດຖະກິດມະຫາພາກໃຫ້ເປັນປົກກະຕິ, ຄວບຄຸມໄພເງິນເຟີ້ດຸ່ນດ່ຽງລະຫວ່າງລາຍຮັບ - ລາຍຈ່າຍງົບປະມານລັດ, ຮັບປະກັນຄວາມໝັ້ນຄົງດ້ານການເງິນແຫ່ງຊາດ, ຮັບປະກັນຄວາມດຸ່ງດ່ຽງໃຫຍ່ໃນເງື່ອນໄຂທີ່ບໍ່ສາມາດຄາດຄະເນກ່ອນໄດ້. ກ່າວຄຳເຫັນສິ້ນສຸດວາລະປຶກສາຫາລື, ທ່ານຮອງປະທານສະພາແຫ່ງຊາດ ຫວຽດນາມ ຫງວຽນດຶກຫາຍ, ຊີ້ແຈ້ງວ່າ:

“ສຳລັບການປະຕິບັດບັນດາເປົ້າໝາຍທີ່ໄດ້ວາງອອກ, ບັນດາສະມາຊິກສະພາແຫ່ງຊາດສະເໜີໃຫ້ມີມາດຕະການແກ້ໄຂຄວາມຫຍຸ້ງຍາກໃຫ້ແກ່ວິສາຫະກິດຜະລິດດຳເນີນທຸລະກິດ, ໂດຍສະເພາະແມ່ນບັນດາຜະລິດຕະພັນຈຳເປັນຮັບໃຊ້ຊີວິດຂອງປະຊາຊົນ ແລະ ການຜະລິດ; ປົວແປງສະພາບການປ່ອຍເງິນລົງທຶນສາທາລະນະ. ບັນດາສະມາຊິກສະພາແຫ່ງຊາດ ກໍ່ຍົກອອກຂໍ້ສະເໜີແນະມາດຕະການແກ້ໄຂຫຼາຍຢ່າງ ເພື່ອຜັນຂະຫຍາຍໂຄງການຟື້ນຟູ ແລະ ພັດທະນາເສດຖະກິດ ສັງຄົມ, ການປ້ອງກັນ ຕ້ານໂລກລະບາດ ເຮັດໃຫ້ການດຳລົງຊີວິດຂອງປະຊາຊົນເປັນປົກກະຕິ, ຮັບປະກັນຊີວິດສັງຄົມຢ່າງມີປະສິດທິຜົນ”.

ໜ້ານັ້ນ, ໃນວາລະປຶກສາຫາລືໃນຕອນບ່າຍວັນທີ 28 ຕຸລາ, ທ່ານຮອງນາຍົກລັດຖະມົນຕີ ຫວູດຶກດາມ ແລະ ລັດຖະມົນຕີ, ຫົວໜ້າຂະແໜງ 3 ທ່ານແມ່ນ: ລັດຖະມົນຕີກະຊວງການເງິນ, ລັດຖະມົນຕີກະຊວງແຜນການ ແລະ ການລົງທຶນ, ຜູ້ວ່າການທະນາຄານແຫ່ງລັດ ກໍ່ອະພິປາຍກ່ຽວກັບຂົງເຂດທີ່ຕົນຮັບຜິດຊອບຕື່ມອີກ.

̣(ແຫຼ່ງຄັດຈາກ VOV)

ນຳ​ການ​ພົວ​ພັນ​ຄູ່​ຮ່ວມ​ມື ແລະ ຮ່ວມ​ມື​ຍຸດ​ທະ​ສ​າດ ຫວຽດ​ນາມ - ຝ​ລັ່ງ ໄປ​ສູ່​ໄລ​ຍະ​ພັດ​ທະ​ນາ​ໃໝ່​

ນຳ​ການ​ພົວ​ພັນ​ຄູ່​ຮ່ວມ​ມື ແລະ ຮ່ວມ​ມື​ຍຸດ​ທະ​ສ​າດ ຫວຽດ​ນາມ - ຝ​ລັ່ງ ໄປ​ສູ່​ໄລ​ຍະ​ພັດ​ທະ​ນາ​ໃໝ່​

ຕອນບ່າຍວັນທີ 8 ທັນວາ, ຢູ່ຮ່າໂນ້ຍ, ທີ່ການຕ້ອນຮັບທ່ານປະທານສະພາສູງ ຝລັ່ງ Gérard Larcher ພວມຢູ່ຢ້ຽມຢາມ ຫວຽດນາມ ຢ່າງເປັນທ່າງການ, ທ່ານເລຂາທິການໃຫຍ່ ຫງວຽນຝູຈ້ອງ ຕີລາຄາວ່າ ການຢ້ຽມຢາມຄັ້ງນີ້ແມ່ນສັນຍາລັກທີ່ມີຊີວິດຊີວາຂອງສາຍພົວພັນມິດຕະພາບ ແລະ ການຮ່ວມມືອັນດີງາມລະຫວ່າງ ຫວຽດນາມ ແລະ ຝລັ່ງ, ແມ່ນຂີດໝາຍສຳຄັນໃນການພົວພັນສອງປະເທດ.

Top