ຕາມແຫຼ່ງຂ່າວຈາກກະຊວງສາທາລະນະສຸກຫວຽດນາມ ແລ້ວ, ນັບແຕ່ເວລາ 18 ໂມງຂອງວັນທີ 27 ມີນາ ຫາກເວລາ 6 ໂມງຂອງວັນທີ 28 ມີນາ, ຫວຽດນາມ ກວດພົບຜູ້ເຊື້ອພະຍາດໂຄວິດ-19 ຕື່ມອີກ 4 ຄົນ, ລ້ວນແຕ່ແມ່ນຜູ້ເຂົ້າເມືອງ ແລະ ໄດ້ແຍກຕົວຢ່າງທັນທີຢູ່ແຂວງ ໄຕນິງ ແລະ ບັ໊ກນິງ. ມາຮອດຈຸດເວລານີ້, ຫວຽດນາມ ມີຜູ້ຕິດເຊື້ອພະຍາດໂຄວິດ-19 ລວມທັງໝົດ 2.590 ຄົນ, ໃນນັ້ນມີ 1.603 ຄົນຕິດແປດພາຍໃນປະເທດ. ໄລ່ຮອດຕອນເຊົ້າວັນທີ 28 ມີນາ, ມີຜູ້ຕິດໂລກລະບາດໂຄວິດ-19 ໄດ້ຮັບການປິ່ນປົວຫາຍດີເປັນປົກກະຕິແມ່ນ 2.308 ຄົນ.
ສະພາບໂລກລະບາດໂຄວິດ-19 ໃນປະຊາຄົມຊາວຫວຽດນາມ ອາໄສຢູ່ ສ.ເຊັກໂກ: ຕາມທ່ານເອກອັກຄະລັດຖະທູດຫວຽດນາມ ອາໄສຢູ່ ສ.ເຊັກໂກ ທ໊າຍຊວັນຢຸງ ແລ້ວ, ສະພາບໂລກລະບາດແກ່ຍາວ, ພິເສດແມ່ນການແຜ່ລະບາດຄັ້ງທີ 3 ພວມເກີດຂຶ້ນ ໄດ້ສົ່ງຜົນກະທົບຢ່າງໃຫຍ່ຫຼວຕໍ່ປະຊາຄົມຊາວຫວຽດນາມ ອາໄສຢູ່ສ.ເຊັກໂກ. ມາຮອດປະຈຸບັນ, ມີຊາວຫວຽດນາມ ອາໄສຢູ່ສ.ເຊັກໂກ ຕິດເຊື້ອພະຍາດໂຄວິດ-19 ກວ່າ 800 ຄົນ ແລະ ມີກ່ວາ 20 ຄົນເສຍຊີວິດ.ສ່ວນຢູ່ໃນໂລກ, ຕາມເວັບໄຊ worldometers.info ແລ້ວ, ໄລ່ຮອດເວລາ 19 ໂມງ ຂອງວັນທີ 28 ມີນາ, ທົ່ວໂລກມີຜູ້ຕິດເຊື້ອພະຍາດໂຄວິດ-19 ກວ່າ 127 ລ້ານຄົນ, ໃນນັ້ນມີກວ່າ 2,78 ລ້ານຄົນເສຍຊີວິດ. ອາເມລິກາ ຍັງແມ່ນປະເທດຖືກຜົນສະທ້ອນຢ່າງໜັກໜ່ວງທີ່ສຸດ, ຖັດຈາກນັ້ນແມ່ນ ບຣາຊິນ, ອິນເດຍ.
(ແຫຼ່ງຄັດຈາກ VOV)
