ຂ່າວສານ

ສປປ ເກົາຫຼີ ປະກາດການຍິງທົດລອງລູກສອນໄຟນຳວິຖີຍຸດທະສາດ 2 ລູກສຳເລັດຜົນ

14/03/2023

ພາບປະກອບ

ຕາມສຳນັກຂ່າວສານສູນກາງ ສປປ ເກົາຫຼີ (KCNA) ແລ້ວ, ລູກສອນໄຟນຳວິຖີຍຸດທະສາດ 2 ລູກໄດ້ຖືກຍິງທົດລອງຢ່າງສຳເລັດຜົນຈາກກ່ຳປັ່ນດຳນ້ຳ 8.24 Yongun ຢູ່ນອກຝັ່ງທະເລ ນະຄອນແຄມທະເລ Sinpo, ທາງທິດຕາເວັນອອກ ສປປ ເກົາຫຼີ ໃນຕອນເຊົ້າວັນທີ 12 ມີນາ.

ລູກສອນໄຟ 2 ລູກນີ້ໄດ້ຍິງຖືກເປົ້າໝາຍຈຳລອງຢູ່ເຂດທະເລຕາເວັນອອກແຫຼມ ເກົາຫຼີ ຫຼັງຈາກທີ່ບິນໄດ້ 1.500 ກມ. ເຫດຍິງລູກສອນໄຟໄດ້ປະຕິບັດເພື່ອແນໃສ່ຢັ້ງຢືນຄວາມແມ່ນຍຳຂອງລະບົບອາວຸດ ແລະ ຕີລາຄາການເຄື່ອນໄຫວບຸກໂຈມຕີຢູ່ໃຕ້ດິນຂອງບັນດາກົມກອງກ່ຳປັ່ນດຳນ້ຳ, ເຊິ່ງເປັນໜຶ່ງໃນບັນດາກຳລັງນາບຂູ່ນິວເຄຼຍຕົ້ນຕໍຂອງ ສປປ ເກົາຫຼີ. ຄະນະພັກກອງທັບສູນກາງ ພັກແຮງງານ ສປປ ເກົາຫຼີ ມີຄວາມເພິ່ງພໍໃຈກ່ຽວກັບໝາກຜົນຂອງການຍິງທົດລອງລູກສອນໄຟດັ່ງກ່າວ.

(ແຫຼ່ງຄັດຈາກ VOV)

ນາຍົກລັດຖະມົນຕີ ຟ້າມມິງຈິງ ເຮັດວຽກກັບເອກອັກຄະລັດຖະທູດ ສ.ເກົາຫຼີ ປະຈຳ ຫວຽດນາມ

08/09/2024
ຂ່າວສານ

ຕອນບ່າຍວັນທີ 06 ກັນຍາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ມີການເຮັດວຽກກັບທ່ານເອກອັກຄະລັດຖະທູດ ສ.ເກົາຫຼີ ປະຈຳ ຫວຽດນາມ, Choi Young Sam ເພື່ອແນໃສ່ຜັນຂະຫຍາຍ, ຫັນເນື້ອໃນການໂອ້ລົມທາງໂທລະສັບລະຫວ່າງທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລິມ ແລະ ທ່ານປະທານາທິບໍດີ ສ.ເກົາຫຼີ Yoon Suk Yeol ເປັນລະອຽດ, ກໍຄືສຳຫຼວດກວດຄືນການຈັດຕັ້ງປະຕິບັດເນື້ອໃນຂໍ້ຕົກລົງຮ່ວມມືສະບັບຕ່າງໆທີ່ບັນລຸໄດ້ໃນການຢ້ຽມຢາມ ສ.ເກົາຫຼີ ຂອງທ່ານນາຍົກລັດຖະມົນຕີ ຜ່ານມາ.