• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ວຽກງານຂົນຂວາຍປະຊາຊົນປະກອບສ່ວນກໍ່ສ້າງເສັ້ນຊາຍແດນຫວຽດນາມ - ລາວ ແຫ່ງສັນຕິພາບ, ມິດຕະພາບ

      ກອງປະຊຸມໄດ້ຮັບຮູ້ບັນດາຂໍ້ລິເລີ່ມ, ມາດຕະການເພື່ອແນໃສ່ສືບຕໍ່ປະຕິບັດວຽກງານໂຄສະນາຂົນຂວາຍທີ່ເລິກເຊິ່ງກວ້າງຂວາງໃນໝູ່ປະຊາຊົນ ຢ່າງມີປະສິດທິຜົນ...

ກອງປະຊຸມແລກປ່ຽນບົດຮຽນໃນວຽກງານຂົນຂວາຍປະຊາຊົນຂອງພັກກອມມູນິດຫວຽດນາມ
ແລະພັກປະຊາຊົນປະຕິວັດລາວ. 
(ພາບ: Phuong Hoa/TTXVN)
      ຕອນບ່າຍວັນທີ 4 ກັນຍາ, ຢູ່ຮ່າໂນ້ຍ ໄດ້ດໍາເນີນກອງປະຊຸມແລກປ່ຽນບົດຮຽນໃນວຽກງານຂົນຂວາຍປະຊາຊົນຂອງພັກກອມມູນິດຫວຽດນາມ ແລະພັກປະຊາຊົນປະຕິວັດລາວ. ກອງປະຊຸມໄດ້ຮັບຮູ້ບັນດາຂໍ້ລິເລີ່ມ, ມາດຕະການເພື່ອແນໃສ່ສືບຕໍ່ປະຕິບັດວຽກງານໂຄສະນາຂົນຂວາຍທີ່ເລິກເຊິ່ງກວ້າງຂວາງໃນໝູ່ປະຊາຊົນ ຢ່າງມີປະສິດທິຜົນ, ໂດຍສະເພາະແມ່ນລຸ້ນໜຸ່ມຢູ່ບັນດາແຂວງ ຕິດກັບຊາຍແດນຂອງສອງປະເທດ ສືບຕໍ່ຮັບຮູ້ກ່ຽວກັບສາຍພົວພັນມິດຕະພາບແບບພິເສດລະຫວ່າງສອງປະເທດ, ກ່ຽວກັບແນວທາງ, ແຜນນະໂຍບາຍ ຂອງສອງພັກ, ນະໂຍບາຍ, ກົດໝາຍ ຂອງສອງລັດ ຢ່າງເລິກເຊິ່ງ; ສະເໜີແນະບັນດາມາດຕະການໃນການນໍາສະເໜີຂໍ້ມູນຂ່າວສານ, ການໂຄສະນາ ກ່ຽວກັບບັນດາລາຍການ, ການເຄື່ອນໄຫວຮ່ວມມືຮອບດ້ານລະຫວ່າງຫວຽດນາມ - ລາວ ຢ່າງກວ້າງຂວາງ, ປະກອບສ່ວນສ້າງເສັ້ນຊາຍແດນໃຫ້ມີສັນຕິພາບ, ມິດຕະພາບ, ສະຖຽນລະພາບ, ຮ່ວມມື ແລະພັດທະນາ, ເພື່ອຜົນປະໂຫຍດຂອງປະຊາຊົນ ແລະ ການພັດທະນາຂອງແຕ່ລະປະເທດ.
        ກ່າວຄໍາເຫັນສະຫຼຸບກອງປະຊຸມ, ທ່ານນາງ ເຈື່ອງທິມາຍ ຫົວໜ້າຄະນະຂົນຂວາຍປະຊາຊົນສູນກາງພັກ ກອມມູນິດຫວຽດນາມ ຢັ້ງຢືນວ່າ: ກອງປະຊຸມແລກປ່ຽນບົດຮຽນໃນວຽກງານຂົນຂວາຍປະຊາຊົນ ຂອງພັກກອມມູນິດຫວຽດນາມ ແລະ ພັກປະຊາຊົນປະຕິວັດລາວ ແມ່ນເຫດການທີ່ສໍາຄັນ ແລະພົ້ນເດັ່ນໃນປີ 2018 ຂອງວຽກງານຂົນຂວາຍປະຊາຊົນຂອງແຕ່ລະພັກ, ພິເສດແມ່ນວຽກງານຂົນຂວາຍປະຊາຊົນທຸກຊັ້ນວັນນະ ຢູ່ບັນດາແຂວງຕິດກັບຊາຍແດນລະຫວ່າງສອງປະເທດ, ອັນໄດ້ປະກອບສ່ວນສ້າງເສັ້ນຊາຍແດນຫວຽດນາມ - ລາວ ເປັນເສັ້ນຊາຍແດນແຫ່ງການສັນຕິພາບ, ມິດຕະພາບ, ສະຖຽນລະພາບ, ຮ່ວມມື ແລະພັດທະນາ ຢ່າງໝັ້ນຄົງ. 
 (ແຫຼ່ງຄັດຈາກ VOV)

ບັນ​ດາ​ທ້ອງ​ຖິ່ນ​ຮ່ວມ​ເດີ​ນທາງ​ກັບ​ສູນ​ກາງ ເພື່ອ​ຊຸກ​ຍູ້​ການ​ພັດ​ທະ​ນາ​ເສດ​ຖະ​ກິດ

ບັນ​ດາ​ທ້ອງ​ຖິ່ນ​ຮ່ວມ​ເດີ​ນທາງ​ກັບ​ສູນ​ກາງ ເພື່ອ​ຊຸກ​ຍູ້​ການ​ພັດ​ທະ​ນາ​ເສດ​ຖະ​ກິດ

ປີນີ້ແມ່ນປີທີ 4 ທົ່ວປະເທດ ປະຕິບັດແຜນການພັດທະນາເສດຖະກິດ - ສັງຄົມ 5 ປີ (2021 - 2025). ເພື່ອປະຕິບັດສຳເລັດເປົ້າໝາຍນີ້, ນັບແຕ່ຕົ້ນປີ ຫຼາຍທ້ອງຖິ່ນ ໄດ້ຕັດສິນໃຈຜັນຂະຫຍາຍບັນດາມາດຕະການຢາງແຮງ ເພື່ອເສີມຂະຫຍາຍທ່າແຮງຂອງທ້ອງຖິ່ນຕົນ. ສ່ິ່ງນີ້ ປະກອບສວ່ນເຂົ້າຄວາມມານະພະຍາຍາມລວມຂອງ ລັດຖະບານ ເພື່ອແນໃສ່ຊຸກຍູ້ເສດຖະກິດປະເທດຊາດພັດທະນາ.

Top