• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ລັດຖະມົນຕີການຕ່າງປະເທດອາເມລິກາໃຫ້ຮູ້ວ່າ ວໍຊິງຕັນຢາກດໍາເນີນການເຈລະ​ຈາ​ກັບ​ສ​ປ​ປ​ເກົາ​ຫລ​ີ​ໂດຍ​ໄວ

ສອງຝ່າຍ “ໄດ້ຕີລາຄາສູງບັນດາຄວາມຄືບໜ້າທີ່ບັນລຸໄດ້ໃນປະຫວັດສາດ ເພື່ອປະຕິບັດຖະແຫຼງການຮ່ວມສິງກະໂປ”.
ວັນທີ 1 ມີນາ, ທ່ານລັດຖະມົນຕີການຕ່າງປະເທດ ອາເມລິກາ Mike Pompeo ໃຫ້ຮູ້ວ່າ ອາເມລິກາ “ຢາກກັບຄືນສູ່ການເຈລະຈາໂດຍໄວ” ເພື່ອສືບຕໍ່ເຈລະຈາກັບ ສປປ.ເກົາຫຼີ ກ່ຽວກັບບັນດາຂໍ້ຂ້ອງຄາພາຍຫຼັງກອງປະຊຸມສຸດຍອດລະຫວ່າງ ອາເມລິກາ - ສປປ.ເກົາຫຼີ ຄັ້ງທີ 2 ຢູ່ ຮ່າໂນ້ຍ. ກ່າວຄໍາເຫັນໃນການຖະແຫຼງຂ່າວຢູ່ Manila ຢູ່ ຟິລິບປິນ ປະເທດມານີລາໃນການເດີນທາງກັບເມືອປະເທດ ພາຍຫຼັງສິ້ນສຸດກອງປະຊຸມສຸດຍອດລະຫວ່າງ ອາເມລິກາ - ສປປ.ເກົາຫຼີ ຄັ້ງທີ 2, ທ່ານ Mike Pompeo ກໍໃຫ້ຮູ້ວ່າ “ເບີ່ງລວມແລ້ວ ສປປ.ເກົາຫຼີ ສະເໜີຢາກລົບລ້າງມາດຕະການລົງໂທດທຸກປະການ” ແຕ່ບໍ່ໄດ້ເວົ້າລະອຽດກ່ຽວກັບການຍົກເລີກພື້ນຖານນິວເຄຼຍ Yongbyon ແມ່ນຢູ່ລະດັບໃດ. ທ່ານກໍກ່າວວ່າ ພຽງຢາງ ໄດ້ເປີດອົກເປີດໃຈກ່ຽວກັບແຜນການພ້ອມແລ້ວທີ່ຈະຜັນຂະຫຍາຍການລົບລ້າງນິວເຄຼຍຢູ່ Yongbyon, ແຕ່ “ຍັງບໍ່ທັນເວົ້າຈະແຈ້ງກ່ຽວກັບຂອບຂະໜາດສະເໜີປະຕິບັດ”.
ທ່ານປະທານາທິບໍດີ ອາເມລິກາ Donald Trump ແລະ ການນໍາ ສປປ.ເກົາຫຼີ Kim Jong –un  (ພາບປະກອບ:  AFP/TTXVN)

   ກ່ຽວຂ້ອງເຖິງບັນຫາດັ່ງກ່າວ, ໃນວັນທີ 01 ມີນາ ສໍານັກຂ່າວສານ KCNA ຂອງ ສປປ.ເກົາຫຼີ ໄດ້ໃຫ້ຂ່າວກ່ຽວກັບການພົບປະສຸດຍອດລະຫວ່າງ ອາເມລິກາ - ສປປ.ເກົາຫຼີ ຄັ້ງທີ 2 ຢູ່ຮ່າໂນ້ຍ, ແຕ່ບໍ່ໄດ້ເຕື້ອງເຖິງເລື່ອງ ສອງຝ່າຍບໍ່ບັນລຸໄດ້ຖະແຫຼງການຮ່ວມ, ເຊິ່ງຖືວ່າ ອາເມລິກາ ແລະ ສປປ.ເກົາຫຼີ ຈະຮັກສາການເຈລະຈາຢ່າງຕັ້ງໜ້າ, ກໍຄືໃຫ້ຄໍາໝັ້ນສັນຍາ ຈະຈັດຕັ້ງກອງປະຊຸມສຸດຍອດ ຄັ້ງໃໝ່. KCNA ກໍໄດ້ລົງບົດຂຽນ ທີ່ໄດ້ລະບຸຕອນທີ່ວ່າ: “ການນໍາ ສປປ.ເກົາຫຼີ Kim Jong –un ແລະ ທ່ານປະທານາທິບໍດີ ອາເມລິກາ Donald Trump  ໄດ້ມີການເຈລະຈາລັບ ແລະ ເປີດກວ້າງຢູ່ ໂຮງແຮມ Metropol (ຢູ່ຮ່າໂນ້ຍ,ຫວຽດນາມ) ໃນວັນທີ 28 ກຸມພາ, ການນໍາສອງທ່ານ “ກໍຮັບຮູ້ໄດ້ເຖິງຄວາມສໍາຄັນໃນການປ່ຽນແປງການພົວພັນທີ່ເປັນປໍລະປັກ ແລະ ການເສຍຄວາມໄວ້ເນື້ອເຊື່ອເຊື່ອໃຈທີ່ແກ່ຍາວມາເປັນທົດສະວັດລະຫວ່າງສອງປະເທດ”.

        ທີ່ກອງປະຊຸມສຸດຍອດຄັ້ງທີ 2 ນີ້, ສອງຝ່າຍ “ໄດ້ຕີລາຄາສູງບັນດາຄວາມຄືບໜ້າທີ່ບັນລຸໄດ້ໃນປະຫວັດສາດ ເພື່ອປະຕິບັດຖະແຫຼງການຮ່ວມສິງກະໂປ”. ບົນພື້ນຖານນັ້ນ, ສອງຝ່າຍ ກໍໄດ້ແລກປ່ຽນຄໍາຄິດເຫັນຢ່າງກົງໄປກົງມາ ແລະ ມີລັກສະນະສ້າງສັນກ່ຽວກັບບັນດາບັນຫາຕົວຈິງ ເພື່ອເປີດດສັງກາດໃໝ່, ປັບປຸງການພົວພັນລະຫວ່າງ ອາເມລິກາ - ສປປ.ເກົາຫຼີ”.  ໃນຕອນທ້າຍຂອງບົດຂຽນ, KCNA ກໍໄດ້ເນັ້ນໜັກວ່າ ທີ່ກອງປະຊຸມຄັ້ງນີ້, ການນໍາ Kim Jong –un ແລະ  ທ່ານປະທານາທິບໍດີ Donald Trump ຍັງໄດ້ “ເຫັນດີຕໍ່ຄວາມສໍາຄັນຂອງການເຄົາລົບ ແລະ ການສ້າງຄວາມໄວ້ເນື້ອເຊື່ອໃຈເຊິ່ງກັນແລະກັນ, ຖືນີ້ແມ່ນ ໂອກາດສໍາຄັນ ເພື່ອສາມາດນໍາການພົວພັນສອງປະເທດ ກ້າວເຂົ້າສູ່ບາດກ້າວໃໝ່”.

(ແຫຼ່ງຄັດຈາກ VOV)

ຫວຽດ​ນາມ ຖື​ການ​ພົວ​ພັນ​ມິດ​ຕະ​ພາບ​ທີ່​ເປັນ​ມູນ​ເຊື້ອ ແລະ ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ​ກັບ ລັດ​ເຊຍ ເປັນ​ສຳ​ຄັນ

ຫວຽດ​ນາມ ຖື​ການ​ພົວ​ພັນ​ມິດ​ຕະ​ພາບ​ທີ່​ເປັນ​ມູນ​ເຊື້ອ ແລະ ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ​ກັບ ລັດ​ເຊຍ ເປັນ​ສຳ​ຄັນ

ຕອນບ່າຍວັນທີ 3 ມີນາ, ຢູ່ສຳນັກງານຂອງກະຊວງການຕ່າງປະເທດ, ທ່ານລັດຖະມົນຕີ ກະຊວງການຕ່າງປະເທດຫວຽດນາມ ບຸ່ຍແທງເຊີນ ໄດ້ໃຫ້ການຕ້ອນຮັບທ່ານຮອງລັດຖະມົນຕີຜູ້ທີ 1 ກະຊວງການຕ່າງປະເທດ ລັດເຊຍ Vladimir Titov ທີ່ພວມຢ້ຽມຢາມ ຫວຽດນາມ ເພື່ອດຳເນີນກອງປະຊຸມສົນທະນາຍຸດທະສາດທາງການທູດ - ການປ້ອງກັນຊາດ - ປ້ອງກັນຄວາມສະຫງົບ ຫວຽດນາມ - ລັດເຊຍ ຄັ້ງທີ 13.

Top