• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ລັດຖະມົນຕີກະຊວງສາທາລະນະສຸກຫວຽດນາມລົງກວດກາວຽກງານປ້ອງກັນ, ສະກັດກັ້ນໂລກລະບາດຢູ່ແຂວງ ວິງລອງ

      ຍາມໃດພວກເຮົາກໍ່ຕ້ອງຍົກສູງສະຕິລະວັງຕົວ, ບໍ່ປະໝາດ, ບໍ່ໃຫ້ຄິດວ່າ ແຂວງເຮົາແມ່ນແຂວງບໍ່ມີຄວາມສ່ຽງເກີດໂລກລະບາດ.
'
(ທ່ານ ຫງວຽນແທ່ງລອງ, ລັດຖະມົນຕີກະຊວງສາທາລະນະສຸກຫວຽດນາມ ທີ່ການເຮັດວຽກ)
      ວັນທີ 27 ເມສາ, ຄະນະກວດກາຂອງກະຊວງສາທາລະນະສຸກຫວຽດນາມ ໂດຍທ່ານ ຫງວຽນແທ່ງລອງ, ລັດຖະມົນຕີກະຊວງສາທາລະນະສຸກເປັນຫົວໜ້າຄະນະ ໄດ້ມີການເຮັດວຽກກັບຄະນະກຳມະການປະຊາຊົນແຂວງ ວິງລອງ ກ່ຽວກັບວຽກງານປ້ອງກັນ, ສະກັດກັ້ນໂລກລະບາດໂຄວິດ-19. ກ່າວຄຳເຫັນທີ່ການເຮັດວຽກ, ທ່ານລັດຖະມົນຕີ ຫງວຽນແທ່ງລອງ, ສະເໜີວ່າ:
        “ຍາມໃດພວກເຮົາກໍ່ຕ້ອງຍົກສູງສະຕິລະວັງຕົວ, ບໍ່ປະໝາດ, ບໍ່ໃຫ້ຄິດວ່າ ແຂວງເຮົາແມ່ນແຂວງບໍ່ມີຄວາມສ່ຽງເກີດໂລກລະບາດ. ໃນຊຸມມື້ວັນບຸນ, ຂ້າພະເຈົ້າປາດຖະໜາວ່າຈະຈຳກັດບັນດາເຫດການເຕົ້າໂຮມກັນຫຼາຍຄົນທີ່ບໍ່ມີຄວາມຈຳເປັນ. ປະຕິບັດຕາມສານສະກັດກັ້ນໂລກລະບາດໃຫ້ເປັນຢ່າງດີ, ດຳເນີນການປັບໄໝປະຊາຊົນຜູ້ທີ່ມາຍັງເຂດທີ່ມີການເຕົ້າໂຮມຫຼາຍຄົນ, ສະຖານທີ່ສາທາລະນະ, ເຂດທີ່ຍາກຈະຄວບຄຸມໄດ້ຄື: ໂຮງໝໍ, ຮ້ານສັບພະສິນຄ້າ, ເຂດລະຫຼີ້ນບັນເທິງ, ພວກເຮົາຈະທັງສືບຕໍ່ວຽກງານໂຄສະນາ, ທັງກ່າວເຕືອນປັບໄໝ”.
        ໃນເຫດການທີ່ກ່ຽວຂ້ອງ, ໂດຍປະຕິບັດຄຳສັ່ງຊີ້ນຳຂອງນາຍົກລັດຖະມົນຕີກ່ຽວກັບ “ການເພີ່ມທະວີການປ້ອງກັນ, ສະກັດກັ້ນໂລກລະບາດໂຄວິດ-19”. ຢູ່ແຂວງ ດົ່ງທາບ, ເຊິ່ງແມ່ນທ້ອງຖິ່ນມີຊາຍແດນຕິດກັບແຂວງ Prayveng, ປະເທດ ກຳປູເຈຍ, ທາງແຂວງກໍ່ໄດ້ຕັ້ງ 18 ດ່ານກວດກາ, 18 ຫົວໜ່ວຍເຄື່ອນທີປະຕິບັດໜ້າທີ່ລາດຕະເວນ, ຄວບຄຸມຢູ່ເຂດຊາຍແດນ 24 ຊົ່ວໂມງ.
        ຢູ່ແຂວງ ບາກລຽວ, ຄະນະກຳມະການປະຊາຊົນແຂວງ ໄດ້ຮຽກຮ້ອງໃຫ້ບັນດາຫົວໜ່ວຍ, ທ້ອງຖິ່ນສືບຕໍ່ປະຕິບັດການເພີ່ມທະວີວຽກງານປ້ອງກັນ, ສະກັດກັ້ນໂລກລະບາດໂຄວິດ-19 ໃນບໍລິເວນແຂວງ ຢ່າງເຂັ້ມງວດ.
        ສ່ວນຢູ່ໂຮງໝໍຫຼາຍຂະແໜງນະຄອນ ດົ່ງເຮີ໊ຍ ແລະ ໂຮງໝໍຫຼາຍຂະແໜງເຂດທາງທິດເໜືອແຂວງ ກວາງບິງ, ທາງແຂວງໄດ້ເລີ່ມຜັນຂະຫຍາຍການສັກວັກຊິນກັນໂຄວິດ-19 ຄັ້ງທີ 1 ໃຫ້ບັນດາກຸ່ມເປົ້າໝາຍບຸລິມະສິດເຊິ່ງແມ່ນກຳລັງປະຕິບັດຢູ່ແນວໜ້າປ້ອງກັນ, ຕ້ານໂລກລະບາດ.
(ແຫຼ່ງຄັດຈາກ VOV)

ຫວຽດ​ນາມ ຖື​ການ​ພົວ​ພັນ​ມິດ​ຕະ​ພາບ​ທີ່​ເປັນ​ມູນ​ເຊື້ອ ແລະ ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ​ກັບ ລັດ​ເຊຍ ເປັນ​ສຳ​ຄັນ

ຫວຽດ​ນາມ ຖື​ການ​ພົວ​ພັນ​ມິດ​ຕະ​ພາບ​ທີ່​ເປັນ​ມູນ​ເຊື້ອ ແລະ ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ​ກັບ ລັດ​ເຊຍ ເປັນ​ສຳ​ຄັນ

ຕອນບ່າຍວັນທີ 3 ມີນາ, ຢູ່ສຳນັກງານຂອງກະຊວງການຕ່າງປະເທດ, ທ່ານລັດຖະມົນຕີ ກະຊວງການຕ່າງປະເທດຫວຽດນາມ ບຸ່ຍແທງເຊີນ ໄດ້ໃຫ້ການຕ້ອນຮັບທ່ານຮອງລັດຖະມົນຕີຜູ້ທີ 1 ກະຊວງການຕ່າງປະເທດ ລັດເຊຍ Vladimir Titov ທີ່ພວມຢ້ຽມຢາມ ຫວຽດນາມ ເພື່ອດຳເນີນກອງປະຊຸມສົນທະນາຍຸດທະສາດທາງການທູດ - ການປ້ອງກັນຊາດ - ປ້ອງກັນຄວາມສະຫງົບ ຫວຽດນາມ - ລັດເຊຍ ຄັ້ງທີ 13.

Top