![](https://imagevietnam.vnanet.vn/Upload/2018/8/8/08082018100054168171202_vo-dap-thuy-dien-o-lao-ca-c-lu-c-luo-ng-chu-c-nang-tie-p-tu-c-ca-c-no-lu-c-kha-c-phu-c-ti-nh-hi-nh_nnmi.jpg)
(ພາບປະກອບ: TTXVN)
ກ່າວຄຳເຫັນໃນການຖະແຫຼງຂ່າວ, ທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ຂອງລາວໃຫ້ຮູ້ວ່າ: ຍ້ອນອຸບັດເຫດອ່າງເກັບນ້ຳເຂື່ອນໄຟຟ້າເຊປຽນ - ເຊນ້ຳນ້ອຍແຕກ, ລັດຖະບານລາວໄດ້ຕັດສິນໃຫ້ຢຸດຊົ່ວຄາວທັງໝົດບັນດາໂຄງການເຂື່ອນໄຟຟ້າທີ່ໄດ້ລົງນາມບົດບັນທຶກຊ່ວຍຈຳ (MOU) ແລະ ສັນຍາພັດທະນາໂຄງການ (PDA) ໃນທົ່ວປະເທດ ເພື່ອດຳເນີນການຕີລາຄາ ແລະ ກວດກາຕື່ມອີກ.
ກ່ອນໜ້ານັ້ນ, ໃນເວລາ 20 ໂມງ ຂອງວັນທີ 23 ກໍລະກົດ ຕາມເວລາຢູ່ຫວຽດນາມ ໄດ້ເກີດເຫດການອ່າງເກັບນ້ຳເຂື່ອນໄຟຟ້າເຊປຽນ - ເຊນ້ຳນ້ອຍແຕກ, ກໍ່ໃຫ້ເກີດນ້ຳຖ້ວມໃນ 10 ບ້ານ ຢູ່ລຸ່ມເຂື່ອນ ແລະ ເຮັດໃຫ້ຖືກຕິດຄ້າງທົ່ວທັງເມືອງສະໜາມໄຊ, ໃນນັ້ນມີ 5 ບ້ານຂອງເມືອງສະໜາມໄຊຖືກນ້ຳຖ້ວມທັງໝົດ. ເຫດເຂື່ອນແຕກໄດ້ສົ່ງຜົນກະທົບຕໍ່ປະຊາຊົນຫຼາຍກວ່າ 1.300 ຄອບຄົວ, 6.600 ກວ່າຄົນ ແລະ ມີຫຼາຍຄົນຖືກຫາຍສາບສູນ.
(ແຫຼ່ງຄັດຈາກ VOV)