ຂ່າວສານ

ລະບົບການສັກຢາກັນພະຍາດຢ່າງແຮງຊ່ວຍ ຫວຽດນາມ ມີຄວາມເຂັ້ມແຂງໃນສະພາບໂລກລະບາດໂຄວິດ - 19

20/07/2022

ຫວຽດນາມ ໄດ້ສ້າງລະບົບການສັກຢາກັນພະຍາດຢ່າງແຮງ. ສາມາດສະໜອງ ວັກຊິນ ກັນໂຄວິດ-19 ສັກໃຫ້ແກ່ປະຊາຊົນຢ່າງປອດໄພ ແລະ ມີປະສິດທິຜົນ.

ທ່ານນາງ Rana Flowers, ຫົວໜ້າອົງການຜູ້ຕາງໜ້າ UNICEF (ພາບ: TTXVN)

ວັນທີ 19 ກໍລະກົດ, ເມື່ອກ່າວຄຳເຫັນກ່ຽວກັບກອງທຶນເຍົາວະຊົນ ສປຊ (UNICEF) ແລະ ອົງການອະນາໄມໂລກ (WHO) ປະກາດຂໍ້ມູນທາງການກ່ຽວກັບການສັກຢາໃຫ້ເດັກນ້ອຍ, ທ່ານນາງ Rana Flowers, ຫົວໜ້າອົງການຜູ້ຕາງໜ້າ UNICEF ປະຈຳ ຫວຽດນາມ ໄດ້ຢັ້ງຢືນວ່າ: ຫວຽດນາມ ໄດ້ສ້າງລະບົບການສັກຢາກັນພະຍາດຢ່າງແຮງ. ສາມາດສະໜອງ ວັກຊິນ ກັນໂຄວິດ-19 ສັກໃຫ້ແກ່ປະຊາຊົນຢ່າງປອດໄພ ແລະ ມີປະສິດທິຜົນ.

ທ່ານນາງ Rana Flowers ໄດ້ຮຽກຮ້ອງໃຫ້ ຫວຽດນາມ ມານະພະຍາຍາມຫຼາຍກ່ວາອີກເພື່ອປະກອບສ່ວນບັນລຸໄດ້ອັດຕາການສັກຢາວັກຊິນທົ່ວໂລກ ແລະ ສະກັດກັ້ນສະພາບໂລກລະບາດໂຄວິດ -19 ແຜ່ລະບາດຄືນໃໝ່. ສິ່ງດັ່ງກ່າວໄດ້ເນັ້ນໜັກເຖິງບົດບາດສຳຄັນໃນການສັກຢາວັກຊິນເພື່ອຮັກສາສຸຂະພາບໃຫ້ແກ່ເດັກນ້ອຍ, ຊາວໜຸ່ມເຍົາວະຊົນ, ຜູ້ໃຫຍ່ ແລະ ທົ່ວສັງຄົມ.

(ແຫຼ່ງຄັດຈາກ VOV)

ນະຄອນຫຼວງ ຮ່າໂນ້ຍ ແລະ ວຽງຈັນ ແລກປ່ຽນບົດຮຽນປະສົບການໃນການເຄື່ອນໄຫວຂອງອົງການໂດຍປະຊາຊົນເລືອກຕັ້ງ

13/08/2022
ຂ່າວສານ

ສອງຝ່າຍສືບຕໍ່ຄົ້ນຄວ້າ, ຜັນຂະຫຍາຍບັນດາຮູບແບບ, ກົນໄກແລກປ່ຽນຂໍ້ມູນ, ແບ່ງປັນປະສົບການໃນວຽກງານທຸກດ້ານຄື: ສ້າງເອກະສານທາງກົດໝາຍ, ວຽກງານຕິດຕາມກວດກາ ແລະ ຕົກລົງບັນດາບັນຫາສຳຄັນຂອງນະຄອນ ແລະ ການເຄື່ອນໄຫວອື່ນໆ ຕາມພາລະໜ້າທີ່, ສິດອຳນາດ ເພື່ອຜ່ານນັ້ນ ແລກປ່ຽນ, ແບ່ງປັນ, ຊ່ວຍເຫຼືອເຊິ່ງກັນແລະກັນ, ຍົກສູງຄຸນນະພາບ ແລະ ປະສິດທິຜົນ, ປະສິດທິພາບໃນການເຄື່ອນໄຫວຂອງ ສະພາປະຊາຊົນ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາລວມຂອງສອງນະຄອນຫຼວງ ແລະ ຂອງປະເທດຊາດ.