ຟີລິບປີນຮັບດຳລົງຕຳແໜ່ງເປັນປະທານໝູນວຽນອາຊຽນ
(ພາບ: EPA/TTXVN)
ຟີລິບປີນ ໄດ້ຈັດພິທີຮັບດຳລົງຕຳແໜ່ງເປັນປະທານໝູນວຽນອາຊຽນ ຢ່າງເປັນທາງການ ຂອງສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ) ປີ 2017. ພິທີໂດຍທ່ານປະທານາທິບໍດີຟີລິບປີນ Rodrigo Duterte ເປັນເຈົ້າພາບ, ເຊິ່ງໄດ້ຮັບການຈັດຕັ້ງໃນວັນທີ 15/01 ຢູ່ນະຄອນ Davao. ກ່າວຄຳເຫັນທີ່ພິທີ, ທ່ານປະທານາທິບໍດີ Rodrigo Duterte ຢືນຢັນວ່າ, ອາຊຽນ ຈະບັນລຸໄດ້ບັນດາຄາດໝາຍຂອງກຸ່ມ ຜ່ານບັນດາແຜນນະໂຍບາຍ, ນະໂຍບາຍ, ການຮ່ວມມື, ສົມທົບກັນ ແລະ ເຫັນດີເຫັນພ້ອມ. ທ່ານປະທານາທິບໍດີ Rodrigo Duterte ໃຫ້ຮູ້ວ່າ, ບັນດາບຸລິມະສິດໃນອາຍຸການປະທານາທິບໍດີຂອງທ່ານ ລວມມີສັນຕິພາບ ແລະ ສະຖຽນລະພາບໃນພາກພື້ນ, ກໍຄືການຮ່ວມມື ແລະ ຄວາມໝັ້ນຄົງໃນການເດີນທະເລ, ໃນສະພາບການທີ່ຄວາມວິຕົກກັງວົນພວມເພີ່ມຂຶ້ນຍ້ອນການຂັດແຍ້ງອະທິປະໄຕຢູ່ທະເລຕາເວັນອອກ.(ພາບ: EPA/TTXVN)
ໃນປີ 2017, ຟີລິບປີນ ຈະເປັນປະທານກອງປະຊຸມອາຊຽນ ປະມານ 100 ຄັ້ງ, ໃນນັ້ນມີກອງປະຊຸມຂັ້ນສູງ 2 ຄັ້ງ ໃນເດືອນ 04 ແລະ 11.
(ແຫຼ່ງຄັດຈາກ VOV)
