ຂ່າວສານ

ພິທີສະເຫຼີມສະຫຼອງວັນທີ 30/04 ໄດ້ຈັດຕາມຮູບແບບຖ່ອຍທອດສົດ ແລະ ຜ່ານທາງອອນລາຍ

01/05/2020

ຕອນເຊົ້າວັນທີ 30 ເມສາ, ຢູ່ຫໍປະຊຸມເອກະພາບ (ທົງເຍີດ) - ນະຄອນ ໂຮ່ຈີມິນ, ຄະນະພັກນະຄອນ, ສະພາປະຊາຊົນ, ຄະນະກຳມະການປະຊາຊົນ, ຄະນະກຳມະການແນວໂຮມປະເທດຊາດ ຫວຽດນາມ ນະຄອນ ໂຮ່ຈີມິນ ໄດ້ຈັດຕັ້ງພິທີສະເຫຼີມສະຫຼອງ 45 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ (30/04/1975 – 30/04/2020).

ຫໍປະຊຸມເອກະພາບ (ທົງເຍີດ) - ນະຄອນ ໂຮ່ຈີມິນ

ພິທີສະເຫຼີມສະຫຼອງໄດ້ຖ່າຍທອດສົດ ແລະ ຈັດຕັ້ງຜ່ານທາງອອນລາຍຢູ່ຫ້ອງຮັບແຂກ ແລະ ບໍລິເວນວາງສະແດງລົດຖັງໝາຍເລກ 390 ໃນຂອບເຂດຫໍປະຊຸມເອກະພາບ ແລະ ຢູ່ 45 ສະຖານທີ່ອື່ນໆໃນນະຄອນ ໂຮ່ຈີມິນ. ເຂົ້າຮ່ວມພິທີຢູ່ຫໍປະຊຸມເອກະພາບ ມີທ່ານນາງ ຫງວຽນທິກິມເງິນ ປະທານສະພາແຫ່ງຊາດ ຫວຽດນາມ; ທ່ານ ເຈືອງຮ່ວາບີງ ຮອງນາຍົກລັດຖະມົນຕີ, ຜູ້ປະຈຳການລັດຖະບານ; ທ່ານ ຫງວຽນທ້ຽນເຍິນ ເລຂາຄະນະພັກ ນະຄອນໂຮ່ຈີມິນ. ເຂົ້າຮ່ວມພິທີສະເຫຼີມສະຫຼອງຜ່ານທາງອອນລາຍຢູ່ບັນດາເມືອງ ມີບັນດາຜູ້ແທນເປັນນັກຮົບເກົ່າ, ກຳມະກອນ, ຊາວນາ, ຊາວໜຸ່ມ…

ພາຍຫລັງເຂົ້າຮ່ວມພິທີສະເຫຼີມສະຫຼອງ 45 ປີແຫ່ງວັນປົກປ່ອຍພາກໃຕ້, ທ້ອນໂຮມປະເທດຊາດເປັນເອກະພາບຢູ່ຫໍປະຊຸມເອກະພາບແລ້ວ, ທ່ານນາງ ຫງວຽນທິກິມເງິນ ປະທານສະພາແຫ່ງຊາດ ຫວຽດນາມ ໄດ້ລົງຢື້ຢາມຖາມຂ່າວແມ່ຫວຽດນາມວິລະຊົນ, ນັກວິລະຊົນກຳລັງປະກອບອາວຸດປະຊາຊົນໃນບໍລິເວນນະຄອນໂຮ່ຈີມິນ.

(ແຫຼ່ງຄັດຈາກ VOV)

ໄຂກອງປະຊຸມຄັ້ງທີ 12 ຂອງ ຄະນະບໍລິຫານງານສູນກາງພັກຊຸດທີ XIII

18/07/2025
ຂ່າວສານ

ຕອນເຊົ້າວັນທີ 18 ກໍລະກົດ, ຢູ່ສຳນັກງານສູນກາງພັກ (ຮ່າໂນ້ຍ), ໄດ້ດຳເນີນວາລະໄຂກອງປະຊຸມຄັ້ງທີ 12 ຄະນະບໍລິຫານງານສູນກາງພັກຊຸດທີ XIII. ທ່ານເລຂາທິການໃຫຍ່ ໂຕເລິມ ເປັນປະທານ ແລະ ມີບົດກ່າວປາໄສສຳຄັນທີ່ການໄຂກອງປະຊຸມ.