ຂ່າວສານ

ພິທີຕ້ອນຮັບ ແລະ ພົບປະເຈລະຈາລະຫວ່າງການນຳຫວຽດນາມ ແລະ ທ່ານເລຂາທິການໃຫຍ່, ປະທານປະເທດລາວ

28/06/2021

ໂດຍໄດ້ຮັບຄຳເຊື້ອເຊີນຂອງທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຝູຈ້ອງ ແລະ ທ່ານປະທານປະເທດ ຫງວຽນຊວັນຟຸກ, ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ໄດ້ໄປຢ້ຽມຢາມ ແລະ ເຮັດວຽກຢູ່ ຫວຽດນາມ ຢ່າງເປັນທາງການ.

ໂດຍໄດ້ຮັບຄຳເຊື້ອເຊີນຂອງທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຝູຈ້ອງ ພ້ອມດ້ວຍພັນລະຍາ, ທ່ານປະທານປະເທດ ຫງວຽນຊວັນຟຸກ ພ້ອມດ້ວຍພັນລະຍາ, ທ່ານເລຂາທິການໃຫຍ່, ປະທານປະເທດແຫ່ງສປປ.ລາວ ທອງລຸນ ສີສຸລິດ ພ້ອມດ້ວຍພັນລະຍາ ພ້ອມກັບຄະນະຜູ້ແທນຂັ້ນສູງພັກ ແລະ ລັດ ລາວ ໄດ້ໄປຢ້ຽມຢາມສັນຖະວະໄມຕີຫວຽດນາມ ຢ່າງເປັນທາງການ, ໃນລະຫວ່າງວັນທີ 28 – 29 ມິຖຸນາ.

ຕອນເຊົ້າວັນທີ 28 ມິຖຸນາ, ພິທີຕ້ອນຮັບທ່ານເລຂາທິການໃຫຍ່, ປະທານປະເທດແຫ່ງ ສປປ.ລາວ ທອງລຸນ ສີສຸລິດ ພ້ອມກັບຄະນະຜູ້ແທນຂັ້ນສູງພັກ, ລັດ ລາວ ໄດ້ຈັດຂຶ້ນຢ່າງສົມກຽດຢູ່ທຳນຽບປະທານປະເທດ ຕາມພິທີສູງສຸດທີ່ສະຫງວນໃຫ້ແກ່ປະມຸກລັດ.

ທ່ານປະທານປະເທດ ຫງວຽນຊວັນຟຸກ ເຊີນທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ກວດແຖວກອງກິຕິຍົດກອງທັບປະຊາຊົນຫວຽດນາມ.

ພາຍຫຼັງພິທີຕ້ອນຮັບ, ທ່ານເລຂາທິການໃຫຍ່ ຫງວຽນຝູຈ້ອງ ໄດ້ເປັນປະທານການພົບປະເຈລະຈາກັບທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ຢູ່ຫ້ອງວ່າການສູນກາງພັກ.

ທ່ານເລຂາທິການໃຫຍ່ ຫງວຽນຝູຈ້ອງ ສະແດງຄວາມປິຕິຊົມຊື່ນເມື່ອທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດພ້ອມກັບຄະນະຜູ້ແທນຂັ້ນສູງລາວ ມາຢ້ຽມຢາມ ແລະ ເຮັດວຽກຢູ່ຫວຽດນາມ.

ທີ່ການພົບປະເຈລະຈາ, ທ່ານເລຂາທິການໃຫຍ່ ຫງວຽນຝູຈ້ອງ ໃຫ້ຮູ້ວ່າ, ສາຍພົວພັນສະໜິດແໜ້ນລະຫວ່າງລາວ ແລະ ຫວຽດນາມ ຜ່ານຫຼາຍລຸ້ນຄົນ, ສະແດງຄວາມປິຕິຊົມຊື່ນເມື່ອທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ເປັນປະມຸກລັດທຳອິດມາຢ້ຽມຢາມຫວຽດນາມ ຢ່າງເປັນທາງການ ພາຍຫຼັງກອງປະຊຸມໃຫຍ່ຄັ້ງທີ XIII ຂອງພັກກອມມູນິດຫວຽດນາມ. ພ້ອມກັນນັ້ນ, ຫວຽດນາມ ກໍ່ແມ່ນປະເທດທຳອິດເຊິ່ງທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ໄປຢ້ຽມຢາມພາຍຫຼັງຮັບດຳລົງຕຳແໜ່ງໃໝ່.

ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ຫວັງວ່າ, ການພົວພັນສະໜິດແໜ້ນລະຫວ່າງຫວຽດນາມ ແລະ ລາວ ຈະສືບຕໍ່ໄດ້ຮັບການພັດທະນາໃນທຸກດ້ານ.

ພາຍຫຼັງການພົບປະເຈລະຈາ, ທ່ານເລຂາທິການໃຫຍ່ ຫງວຽນຝູຈ້ອງ ພ້ອມກັບ ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ໄດ້ເປັນພິທີສັກຂີພິຍານພິທີລົງນາມໃນບັນດາເອກະສານລະຫວ່າງບັນດາກະຊວງ, ຄະນະ, ຂະແໜງການ ແລະ ກຸ່ມບໍລິສັດໃຫຍ່ຂອງຫວຽດນາມ ແລະ ລາວ.

ຕອນບ່າຍວັນທີ 28 ມິຖຸນາ, ຢູ່ຫ້ອງວ່າການລັດຖະບານ, ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ໄດ້ມີການພົບປະກັບທ່ານນາຍົກລັດຖະມົນຕີຫວຽດນາມ ຟ້າມມິນຈິງ.

ທ່ານນາຍົກລັດຖະມົນຕີຫວຽດນາມ ຟ້າມມິນຈິງ ແລະ ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ.

ໃນຂົງເຂດຮ່ວມມືເສດຖະກິດ, ຫວຽດນາມ ແມ່ນໜຶ່ງໃນຈຳນວນ 3 ນັກລົງທຶນໃຫຍ່ທີ່ສຸດຢູ່ລາວ. ໃນໄລຍະ 5 ເດືອນຕົ້ນປີ 2021, ເຖິງວ່າຖືກຜົນສະທ້ອນຢ່າງໜັກໜ່ວງຍ້ອນໂລກລະບາດກໍ່ຕາມ, ແຕ່ວົງເງິນການຄ້າ 2 ສົ້ນລະຫວ່າງຫວຽດນາມ ແລະ ລາວ ຍັງບັນລຸກວ່າ 570 ລ້ານ USD, ເພີ່ມຂຶ້ນ 25% ເມື່ອທຽບໃສ່ໄລຍະດຽວກັນຂອງປີ 2020.ຫວຽດນາມ ກໍ່ສ້າງເງື່ອນໄຂສະດວກເພື່ອໃຫ້ ລາວ ນຳໃຊ້ທ່າກ່ຳປັນ ວູ້ງອາງ 1,2,3, ຊ່ວຍໃຫ້ລາວ ມີຄວາມສະດວກໃນການຂົນສົ່ງ, ການສົ່ງອອກນຳເຂົ້າສິນຄ້າຜ່ານທາງທະເລ.

ການຮ່ວມມືດ້ານການສຶກສາ, ບຳລຸງສ້າງສືບຕໍ່ແມ່ນຂົງເຂດເຊິ່ງ 2 ປະເທດໃຫ້ບຸລິມະສິດ, ຖືເປັນສຳຄັນ. ປີ 2021, ຫວຽດນາມ ສະຫງວນທຶນສຶກສາໃຫ້ແກ່ນັກຮຽນ, ນັກສຶກສາລາວ ຈຳນວນ 1.220 ທຶນ.

(ແຫຼ່ງຄັດຈາກ VOV)

ຂ່າວສານ

ພິທີຕ້ອນຮັບ ແລະ ພົບປະເຈລະຈາລະຫວ່າງການນຳຫວຽດນາມ ແລະ ທ່ານເລຂາທິການໃຫຍ່, ປະທານປະເທດລາວ

ບັນດາບົດຕໍ່ໄປ

ຫວຽດນາມ ເຂົ້າຮ່ວມກອງປະຊຸມລັດຖະມົນຕີກະຊວງການຕ່າງປະເທດການຮ່ວມມື ແມ່ນ້ຳຂອງ - ລ້ານຊາງ ຄັ້ງທີ 8

ຫວຽດນາມ ເຂົ້າຮ່ວມວາລະປະຊຸມຄົບຄະນະ ກ່ຽວກັບມະຫາສະໝຸດ ແລະ ກົດໝາຍວ່າດ້າຍທະເລ ຂອງ ສປຊ

ວົງການນັກຂ່າວ ອາຊຽນ ແລກປ່ຽນບົດຮຽນປະສົບກ່ຽວກັບການຄຸ້ມຄອງການຫັນສື່ມວນຊົນເປັນດີຈີຕອນ

ຫວຽດນາມ ຍາມໃດກໍ່ຮັບປະກັນສິດຂອງຊາວຊົນເຜົ່າສ່ວນຫນ້ອຍ

ປະທານສະພາແຫ່ງຊາດ ເວືອງດິ່ງເຫວະ ຢ້ຽມຢາມ ແລະ ເຮັດວຽກກັບ ບໍລິສັດ Star Telecom

ຫວຽດນາມ ກຽມພ້ອມພື້ນຖານໂຄງລ່າງເພື່ອຕ້ອນຮັບນັກລົງທຶນໃຫ້ແກ່ຂະແໜງອຸດສາຫະກຳເຄິ່ງຊັກນຳ ໄຟຟ້າ

ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມກ່ຽວກັບການວາງແຜນຜັງເຂດທົ່ງພຽງແມ່ນ້ຳແດງ

ບົດອ່ານຫຼາຍ

ປະທານປະເທດ ຫງວຽນຊວນຟຸກ ປຸກລະດົມວັນບຸນປູກຕົ້ນໄມ້ຢູ່ແຂວງຝູເຖາະ

ປີ 2022, ເສດຖະກິດ ຫວຽດນາມ ເລີ່ມຕົ້ນດ້ວຍຄວາມສະດວກດີ

ປະທານປະເທດ ຫວຽດນາມ ຫງວຽນຊວັນຟຸກ: ລະດົມທຸກແຫຼ່ງກຳລັງເພື່ອພັດທະນາເສດຖະກິດກະສິກຳ

ສຸມໃສ່ຜັນຂະຫຍາຍການຈັດຊື້, ສັກວັກຊິນໃຫ້ແກ່ເດັກອາຍຸແຕ່ 5 ປີ ຫາຕ່ຳກວ່າ 12 ປີ

ສະແດງຄວາມຮູ້ບຸນຄຸນຕໍ່ຄຸນງາມຄວາມດີຂອງບັນດາບັນພະບຸລຸດທີ່ມີຕໍ່ປະເທດຊາດ

ອ່ານສື່ສິ່ງພິມ

ບໍລິການຮູບພາບ