• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ພັດທະນາເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ແບບຍືນຍົງ

ກະຊວງແຜນການ ແລະ ການລົງທຶນກໍ່ໃຫ້ຮູ້ວ່າ: ມີອົງການສາກົນກ່ວາ 30 ແຫ່ງ ແລະ ວິສາຫະກິດ 100 ແຫ່ງຂອງປະເທດຕ່າງໆຈະເຂົ້າຮ່ວມກອງປະຊຸມປະກາດການວາງແຜນຜັງ ແລະ ສົ່ງເສີມການລົງທຶນເຂົ້າເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ
  ພາບປະກອບ ຈາກ Báo Chính Phủ (ສື່ເອເລັກໂຕນິກລັດຖະບານ)  

 ວັນທີ 18 ມິຖຸນາ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ລົງລາຍເຊັນມະຕິປະກາດໃຊ້ໂຄງການເຄື່ອນໄຫວຂອງລັດຖະບານໂດຍປະຕິບັດມະຕິຂອງກົມການເມືອງລົງວັນທີ 02 ເມສາ 2022 ກ່ຽວກັບທິດທາງແຫ່ງການພັດທະນາເສດຖະກິດ - ສັງຄົມ ແລະ ຮັບປະກັນຄວາມໝັ້ນຄົງດ້ານປ້ອງກັນຊາດ, ປ້ອງກັນຄວາມສະຫງົບເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ຮອດປີ 2030, ວິໄສທັດຮອດປີ 2045. ມະຕິໄດ້ວາງອອກບາງຄາດໝາຍລະອຽດຮອດປີ 2030 ຄື: ລະດັບການເຕີບໂຕໄລຍະ 2021 – 2030 ບັນລຸປະມານ 6,5 – 7%/ປີ; ຂອບຂະໜາດພື້ນຖານເສດຖະກິດຮອດປີ 2030 ເພີ່ມຂຶ້ນທົບ 2 – 2,5 ເທົ່າເມື່ອທຽບໃສ່ປີ 2021.

ແລະກໍ່ໃນວັນດຽວກັນ, ກະຊວງແຜນການ ແລະ ການລົງທຶນກໍ່ໃຫ້ຮູ້ວ່າ: ມີອົງການສາກົນກ່ວາ 30 ແຫ່ງ ແລະ ວິສາຫະກິດ 100 ແຫ່ງຂອງປະເທດຕ່າງໆຈະເຂົ້າຮ່ວມກອງປະຊຸມປະກາດການວາງແຜນຜັງ ແລະ ສົ່ງເສີມການລົງທຶນເຂົ້າເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ເຊິ່ງຈະຈັດຕັ້ງຢູ່ນະຄອນ ເກີນເທີ ໃນວັນທີ 21 ມິຖຸນາ ຈະມາເຖິງ. ກອງປະຊຸມລວມມີບັນດາເນື້ອໃນຕົ້ນຕໍ່ຄື: ປະກາດແຜນຜັງເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ໄລຍະ 2021 – 2030, ວິໄສທັດຮອດ 2050 ໂດຍນາຍົກລັດຖະມົນຕີໄດ້ອະນຸມັດຜ່ານ; ກຳນົດທິດຜັນຂະຫຍາຍໂຄງການເຄື່ອນໄຫວປະຕິບັດມະຕິເລກທີ 13 ຂອງກົມການເມືອງກ່ຽວກັບທິດທາງແຫ່ງການພັດທະນາເສດຖະກິດ - ສັງຄົມ, ຮັບປະກັນການປ້ອງກັນຊາດ, ປ້ອງກັນຄວາມສະຫງົບເຂດຮອດປີ 2030, ວິໄສທັດຮອດປີ 2045... ນອກຈາກນັ້ນ, ທະນາຄານ 6 ແຫ່ງຈະປະກາດຄຳໝັ້ນສັນຍາຕໍ່ບັນດາໂຄງການພັດທະນາເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ຮັບມືກັບການປ່ຽນແປງຂອງດິນຟ້າອາກາດໄລຍະ 2021 – 2025 ໃຫ້ຍືນຍົງ. ແຫຼ່ງທຶນອຸປະຖຳ ແລະ ທຶນ ODA ທີ່ໄດ້ໃຫ້ຄຳໝັ້ນສັນຍາແມ່ນປະມານ 2,2 ຕື້ USD.

(ແຫຼ່ງຄັດຈາກ VOV)

ພະ​ບາດ​ສົມ​ເດັດ​ພະ​ເຈົ້າຢູ່​ຫົວ​ໄທ ຕີ​ລາ​ຄາ​ສູງ​ການ​ພົວ​ພັນ​ມິດ​ຕະ​ພາບ ຫວຽດ​ນາມ - ໄທ

ພະ​ບາດ​ສົມ​ເດັດ​ພະ​ເຈົ້າຢູ່​ຫົວ​ໄທ ຕີ​ລາ​ຄາ​ສູງ​ການ​ພົວ​ພັນ​ມິດ​ຕະ​ພາບ ຫວຽດ​ນາມ - ໄທ

ຕອນບ່າຍວັນທີ 22 ເມສາ, ຢູ່ນະຄອນຫຼວງ ບາງກອກ, ທ່ານ ຟ້າມວຽດຮຸ່ງ ເອກອັກຄະລັດຖະທູດຜູ້ມີອຳນາດເຕັມແຫ່ງ ສສ.ຫວຽດນາມ ປະຈຳ ລາຊະອານາຈັກ ໄທ ໄດ້ຍື່ນສານຕາຕັ້ງ ໄປຍັງ ພະບາດສົມເດັດພະເຈົ້າຢູ່ຫົວ ມະຫາວະຊິຣາລົງກອນໄທ.

Top