ຂ່າວສານ

ປະທານາບໍດີ ອາເມລິກາ ສະເໜີຜູ້ແທນທ່ານປະທານ Fed J. Powell

01/02/2026

ທ່ານ Warsh, ອາຍຸ 55 ປີ, ຈະແທນໃຫ້ທ່ານ Jerome Powell ໃນເດືອນພຶດສະພາຈະມາເຖິງ.

ທ່ານ Kevin Warsh (ພາບ: REUTERS/Brendan McDermid)

ວັນທີ 30 ມັງກອນ (ຕາມເວລາທ້ອງຖິ່ນ), ທ່ານ Donald Trump ປະທານາບໍດີ ອາເມລິກາ ໄດ້ສະເໜີທ່ານ Kevin Warsh, ອະດີດຜູ້ວ່າການທະນາຄານກາງ ອາເມລິກາ (Fed), ເຂົ້າດຳລົງຕຳແໜ່ງປະທານທະນາຄານກາງ ອາເມລິກາ. ໃນແຈ້ງການເອົາລົງພື້ນຖານ Truth Social, ທ່ານປະທານາທິບໍດີ ໃຫ້ຮູ້ວ່າ: ທ່ານໄດ້ຮູ້ຈັກທ່ານ Warsh ໃນເວລາຍາວນານ ແລະ ເຊື່ອໝັ້ນວ່າ ທ່ານຈະກາຍເປັນໜຶ່ງໃນບັນດາປະທານ Fed ດີເດັ່ນທີ່ສຸດໃນປະຫວັດສາດ. ທ່ານຖືວ່າ: ທ່ານ Warsh ຈະເປັນ “ແບບຢ່າງທີ່ດີເລີດ” ແລະ ຍາກທີ່ຈະກໍ່ຄວາມເສຍຫວັງໄດ້.

ຖ້າໄດ້ຮັບການຮັບຮອງເອົາຈາກສະພາສູງ ອາເມລິກາ, ທ່ານ Warsh, ອາຍຸ 55 ປີ, ຈະແທນໃຫ້ທ່ານ Jerome Powell ໃນເດືອນພຶດສະພາຈະມາເຖິງ. ທ່ານ Kevin Warsh ມີປະສົບການເຮັດວຽກຢູ່ Fed ກ່ອນນີ້ ແລະ ປະຈຸບັນ, ທ່ານເປັນນັກຄົ້ນຄ້ວາຢູ່ສະຖາບັນ Hoover ແລະ ເປັນຄູສອນຢູ່ໂຮງຮຽນດຳເນີນທຸລະກິດຫຼັງມະຫາວິທະຍາໄລ Stanford.

(ແຫຼ່ງຄັດຈາກ VOV)

ດ່າໜັງ ຈັດຫຼາຍເຫດການ, ງານບຸນໃນໂອກາດພັກບຸນໄຫວ້ບູຊາບັນດາເຈົ້າຊີວິດຮຸ່ງ, ວັນປົດປ່ອຍພາກໃຕ້ ຫວຽດນາມ ແລະ ວັນກຳມະກອນສາກົນ

18/04/2026
ຂ່າວສານ

ນັບແຕ່ນີ້ຮອດໂອກາດພັກບຸນໄຫວ້ບູຊາບັນດາເຈົ້າຊີວິດ ຮຸ່ງ (ວັນທີ 10 ເດືອນ 3 ໄລ່ຕາມຈັນທະປະຕິທິນ), ວັນປົດປ່ອຍພາກໃຕ້, ທ້ອນໂຮມປະເທດຊາດ ຫວຽດນາມ ເປັນເອກະພາບ (ວັນທີ 30 ເມສາ) ແລະ ວັນກຳມະກອນສາກົນ (ວັນທີ01 ພຶດສະພາ), ຢູ່ນະຄອນ ດ່າໜັງ ໄດ້ດຳເນີນປະມານ 15 ເຫດການ, ງານບຸນທີ່ເປັນເອກະລັກ, ກ້າວເຂົ້າສູ່ລະດູທ່ອງທ່ຽວທີ່ຄຶກຄື້ນ.