ຂ່າວສານ
ປະທານປະເທດປະຕິບັດບັນດາໜ້າທີ່, ສິດອຳນາດທີ່ໄດ້ຮັບການມອບໝາຍໃນອາຍຸການ 2016 – 2021 ໄດ້ເປັນຢ່າງດີ
ຕາມບົດລາຍງານສະຫຼຸບວຽກງານ ເຊິ່ງຫາກໍໄດ້ຍື່ນສະເໜີຕໍ່ສະພາແຫ່ງຊາດ, ໃນອາຍຸການ 2016 – 2021, ໃນຖານະເປັນເລຂາທິການໃຫຍ່, ປະທານປະເທດ, ປະທານສະພາປ້ອງກັນຊາດ, ປ້ອງກັນຄວາມສະຫງົບ, ຜູ້ບັນຊາການສູງສຸດກຳລັງປະກອບອາວຸດປະຊາຊົນ, ຫົວໜ້າຄະນະຊີ້ນຳການປະຕິຮູບຍຸຕິທຳສູນກາງ ແລະ ເປັນສະມາຊິກສະພາແຫ່ງຊາດຊຸດທີ 14, ປະທານປະເທດໄດ້ປະຕິບັດໜ້າທີ່ ແລະ ສິດອຳນາດຕາມຂໍ້ກຳນົດຂອງລັດຖະທຳມະນູນ ແລະ ບັນດາໜ້າທີ່ໂດຍກົມການເມືອງ, ຄະນະເລຂາທິການສູນກາງພັກມອບໝາຍໃຫ້.
ນອກຈາກບັນດາການເຄື່ອນໄຫວພົວພັນຕ່າງປະເທດທາງລັດຖະກິດ, ປະທານປະເທດ, ຮອງປະທານປະເທດ ຍາມໃດກໍມີຄວາມເອົາໃຈໃສ່ເຖິງບັນດາການເຄື່ອນໄຫວການທູດປະຊາຊົນ; ພົບປະແລກປ່ຽນກັບພໍ່ແມ່ພີ່ນ້ອງຊາວ ຫວຽດນາມ ອາໄສຢູ່ຕ່າງປະເທດໃນການໄປປະຕິບັດງານຢູ່ຕ່າງປະເທດຄັ້ງຕ່າງໆ ຫຼື ບັນດາການເຄື່ອນໄຫວຕ້ອນຮັບບຸນປີໃໝ່ປະຈຳຊາດໃນແຕ່ລະປີທີ່ຈັດຕັ້ງຢູ່ ຫວຽດນາມ.
ໃນອາຍຸການ 2016 – 2021 ໄດ້ມີການປ່ຽນແປງກ່ຽວກັບບຸກຄະລາກອນ ປະທານປະເທດ. ທ່ານປະທານປະເທດ ເຈິ່ນດ້າຍກວາງ ເຖິງແກ່ມໍລະນະກຳ, ຮອງປະທານປະເທດດັ້ງທິງອກທິ້ງ ໄດ້ຮັບດຳລົງຕຳແໜ່ງເປັນ ຮັກສາການປະທານປະເທດ ນັບແຕ່ວັນທີ 23 ກັນຍາ 2018 ຮອດວັນທີ 23 ຕຸລາ 2018. ວັນທີ 23 ຕຸລາ 2018, ກອງປະຊຸມເທື່ອທີ 6, ສະພາແຫ່ງຊາດຫວຽດນາມຊຸດທີ 14 ໄດ້ເລືອກຕັ້ງທ່ານເລຂາທິການໃຫຍ່ ຫງວຽນຝູຈ້ອງ ຮັບດຳລົງຕຳແໜ່ງເປັນປະທານປະເທດ.
(ແຫຼ່ງຄັດຈາກ VOV)
