• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ພົບປະກັບປະຊາຄົມຊາວ ຫວຽດນາມ ຢູ່ ກຳປູເຈຍ

ເຖິງວ່າຖືກຜົນສະທ້ອນຍ້ອນໂລກລະບາດໂຄວິດ - 19 ໃນ 2 ປີຜ່ານມາ, ກໍ່ຕາມແຕ່ການຮ່ວມມືດ້ານເສດຖະກິດສອງຝ່າຍ ຫວຽດນາມ - ກຳປູເຈຍ ຍັງບັນລຸໄດ້ຫຼາຍຜົນງານທີ່ໜ້າຊຶ່ມຊົມ
  ທ່ານປະທານສະພາແຫ່ງຊາດ ເວືອງດິ່ງເຫວະ ໄດ້ມອບ ເງິນຈຳນວນ 30.000 USD ໃຫ້ແກ່ກອງທຶນໜູນຊ່ວຍການຍົກຍ້າຍພໍ່ແມ່ປະຊາຊົນຊາວ ຫວຽດນາມ ທີ່ດຳລົງຊີວິດຢູ່ເຂດທະເລສາບ (ພາບ: TTXVN)  

ຕອນບ່າຍວັນທີ 20 ພະຈິກ, ໃນຂອບເຂດການຢ້ຽມຢາມລາຊະອານາຈັກ ກຳປູເຈຍ ຢ່າງເປັນທາງການ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ແລະ ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ໄດ້ພົບປະ, ໂອ້ລົມກັບພະນັກງານ, ລັດຖະກອນສະຖານທູດ ແລະ ປະຊາຄົມຊາວ ຫວຽດນາມ ຢູ່ພະນົມເປັນ.

ທ່ານປະທານສະພາແຫ່ງຊາດ ເວືອງດິ່ງເຫວະ ແຈ້ງໃຫ້ພະນັກງານ, ລັດຖະກອນສະຖານທູດ ແລະ ປະຊາຄົມຊາວ ຫວຽດນາມ ຊາບກ່ຽວກັບການຢ້ຽມຢາມ ລາຊະອານາຈັກ ກຳປູເຈຍ ຢ່າງເປັນທາງການໃນ 2 ມື້ຜ່ານມາ, ໃນນັ້ນ, ໄດ້ພົບປະເຈລະຈາກັບທ່ານປະທານສະພາແຫ່ງຊາດ Samdech Heng Samrin; ເຂົ້າຢ້ຽມຂ່ຳນັບ ເຈົ້າຊີວິດ Norodom Sihamoni; ພະລາຊີນີ Norodom Monineath Sihamoni; ພົບປະກັບທ່ານປະທານສະພາສູງ Samdech Say Chhum ແລະ ທ່ານນາຍົກລັດຖະມົນຕີ Hunsen.

ທ່ານປະທານສະພາແຫ່ງຊາດ ໃຫ້ຮູ້ວ່າ: ເຖິງວ່າຖືກຜົນສະທ້ອນຍ້ອນໂລກລະບາດໂຄວິດ - 19 ໃນ 2 ປີຜ່ານມາ, ກໍ່ຕາມແຕ່ການຮ່ວມມືດ້ານເສດຖະກິດສອງຝ່າຍ ຫວຽດນາມ - ກຳປູເຈຍ ຍັງບັນລຸໄດ້ຫຼາຍຜົນງານທີ່ໜ້າຊຶ່ມຊົມ. ວົງເງິນການຄ້າສອງສົ້ນປີ 2021 ບັນລຸກ່ວາ 9,5 ຕື້ USD (ເພີ່ມຂຶ້ນເກືອບ 80% ເມື່ອທຽບໃສ່ປີ 2020); ໃນ 9 ເດືອນຕົ້ນປີ 2022 ບັນລຸ 8,45 ຕື້ USD, ເພີ່ມຂຶ້ນ 16,7% ເມື່ອທຽບໃສ່ໄລຍະດຽວກັນຂອງປີ 2021, ຄາດວ່າ, ທັງປີຈະລື່ນກາຍລະດັບ 10 ຕື້ USD… ທ່ານປະທານສະພາແຫ່ງຊາດ  ຢັ້ງຢືນວ່າ: ການພົວພັນລະຫວ່າງສອງປະເທດພັດທະນາອັນດີງາມຄືໃນທຸກວັນນີ້ແມ່ນຕ້ອງເວົ້າເຖິງບົດບາດຂອງປະຊາຄົມຊາວ ຫວຽດນາມ ຢູ່ກຳປູເຈຍ ດ້ວຍຖານະເປັນຂົວເຊື່ອມຕໍ່ແຫ່ງນ້ຳໃຈມິດຕະພາບ ແລະ ການຮ່ວມມືລະຫວ່າງສອງປະເທດ.

ເນື່ອງໃນໂອກາດນີ້, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ໄດ້ມອບ ເງິນຈຳນວນ 30.000 USD ໃຫ້ແກ່ກອງທຶນໜູນຊ່ວຍການຍົກຍ້າຍພໍ່ແມ່ປະຊາຊົນຊາວ ຫວຽດນາມ ທີ່ດຳລົງຊີວິດຢູ່ເຂດທະເລສາບ. ຫ້ອງວ່າການສະພາແຫ່ງຊາດໄດ້ມອບເງິນຈຳນວນ 5.000 USD ໃຫ້ແກ່ສະມາຄົມ ຂະແມ - ຫວຽດນາມ ຢູ່ ກຳປູເຈຍ.

(ແຫຼ່ງຄັດຈາກ VOV)

ກົມການເມືອງປະກາດສະພາບສຸຂະພາບຂອງທ່ານເລຂາທິການໃຫຍ່ ຫງວຽນຝູ໋ຈ້ອງ

ກົມການເມືອງປະກາດສະພາບສຸຂະພາບຂອງທ່ານເລຂາທິການໃຫຍ່ ຫງວຽນຝູ໋ຈ້ອງ

ບຸລິມະສິດເວລາເພື່ອໃຫ້ທ່ານເລຂາທິການໃຫຍ່ ສຸມໃສ່ໃນການປິ່ນປົວຢ່າງຕັ້ງໜ້າ, ກົມການເມືອງໄດ້ມອບໝາຍໃຫ້ທ່ານ ໂຕເລີມ, ກຳມະການກົມການເມືອງ, ປະທານປະເທດ ຮັບຜິດຊອບວຽກງານຂອງຄະນະບໍລິຫານງານສູນກາງພັກ, ກົມການເມືອງ, ຄະນະເລຂາທິການ.

Top