(ທ່ານປະທານສະພາແຫ່ງຊາດ ຫງວຽນທິກິມເງິນ ສິ້ນສຸດການໄປປະຕິບັດງານຢູ່ຕ່າງປະເທດຢ່າງຈົບງາມ)

ໃນການເຄື່ອນໄຫວ 2 ຝ່າຍ, ໃນການຢ້ຽມຢາມລາຊະອານາຈັກມາຣົກ, ສ.ຝລັ່ງ ຢ່າງເປັນທາງການນັ້ນ, ທ່ານນາງປະທານສະພາແຫ່ງຊາດ ໄດ້ມີບັນດາການພົບປະເຈລະຈາກັບການນຳຂັ້ນສູງຂອງ 2 ປະເທດ. ທີ່ບັນດາການເຈລະຈາ, 2 ຝ່າຍໄດ້ເປັນເອກະພາບຫຼາຍມາດຕະການເພື່ອແນໃສ່ຊຸກຍູ້ການພົວພັນລະຫວ່າງສະພາແຫ່ງຊາດຫວຽດນາມ ກັບລັດຖະສະພາ 2 ປະເທດ, ກໍຄືການພົວພັນລະຫວ່າງ 2 ປະເທດໃນໄລຍະຈະມາເຖິງ, ພິເສດຢູ່ບັນດາເວທີປາໄສສາກົນ.

        ຢູ່ສ.ຝລັ່ງ, ທ່ານນາງປະທານສະພາແຫ່ງຊາດ ໄດ້ພົບປະກັບວິສາຫະກິດແຖວໜ້າຂອງຝລັ່ງ 15 ແຫ່ງ, ພ້ອມກັບສະມາຊິກລັດຖະສະພາສູງ, ສະພາຕ່ຳ ເພື່ອເຈລະຈາກ່ຽວກັບບັນດານະໂຍບາຍ, ການກຳນົດທິດພັດທະນາເສດຖະກິດ, ການຄ້າລະຫວ່າງ 2 ປະເທດ; ພົບປະກັບຊາວຫວຽດນາມ ອາໄສຢູ່ຝລັ່ງ…

        ຢູ່ລາຊະອານາຈັກແບນຊິກ, ທ່ານນາງປະທານສະພາແຫ່ງຊາດ ໄດ້ຢ້ຽມຢາມ ແລະ ເຮັດວຽກກັບລັດຖະສະພາເອີລົບ, ຄະນະກຳມະການເອີລົບ ເພື່ອແນໃສ່ຊຸກຍູ້ການລົງນາມ, ໃຫ້ສັດຕະຍາບັນສັນຍາການຄ້າເສລີລະຫວ່າງຫວຽດນາມ ແລະ ອີຢູ ໂດຍໄວ. ຢູ່ທີ່ນີ້, ບັນດາການນຳລັດຖະສະພາເອີລົບ ກໍ່ຄືການນຳຂັ້ນສູງຂອງແບນຊິກ ໄດ້ຢືນຢັນ, ສະໜັບສະໜູນການໃຫ້ສັດຕະຍາບັນບັນດາສັນຍາດັ່ງກ່າວໂດຍໄວ.

        ສິ້ນສຸດການຢ້ຽມຢາມ ແລະ ເຮັດວຽກກັບລັດຖະສະພາເອີລົບ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ເຂົ້າຮ່ວມກອງປະຊຸມສະມັດຊາໃຫຍ່ ຄັ້ງທີ 140 ສະຫະພັນລັດຖະສະພາສາກົນ (IPU 140). ທີ່ກອງປະຊຸມ, ທ່ານນາງປະທານສະພາແຫ່ງຊາດ ກໍ່ສະເໜີບັນດາບັນຫາໃຫຍ່ເພື່ອປັບປຸງສະພາບແວດລ້ອມແຫ່ງສັນຕິພາບ ແລະ ການພັດທະນາ.

        ຢູ່ນອກກອງປະຊຸມ, ທ່ານນາງປະທານສະພາແຫ່ງຊາດ ໄດ້ມີບັນດາການພົບປະ 2 ຝ່າຍກັບການນຳລັດຖະສະພາບັນດາປະເທດຄື: ກາຕາ, ລັດເຊຍ, ອີຣານ, ກາຊັກສະຖານ, ສີລັງກາ, ຈໍເຈຍ.

(ແຫຼ່ງຄັດຈາກ VOV)