• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ປະທານປະເທດເຈີ່ນດ້າຍກວາງຕ້ອນຮັບເອກອັກຄະລັດຖະທູດສິງກະໂປ,ເອກອັກຄະລັດຖະທູດອີຢິບປະຈຳຫວຽດນາມ

      ຕອນເຊົ້າວັນທີ 24 ມັງກອນ, ທີ່ການຕ້ອນຮັບທ່ານນາງເອກອັກຄະລັດຖະທູດສິງກະໂປ ປະຈຳຫວຽດນາມ Catherine Wong, ທ່ານປະທານປະເທດເຈີ່ນດ້າຍກວາງ ໄດ້ຕີລາຄາສູງບັນດາການເຄື່ອນໄຫວຕັ້ງໜ້າຂອງສະຖານທູດສິງກະໂປ

(ທ່ານປະທານປະເທດເຈີ່ນດ້າຍກວາງ ຕ້ອນຮັບ
ທ່ານນາງເອກອັກຄະລັດຖະທູດສິງກະໂປ ປະຈຳຫວຽດນາມ Catherine Wong)
      ແລະ ກະໂຕທ່ານນາງເອກອັກຄະລັດຖະທູດເອງ ໄດ້ສວມບົດບາດເປັນຂົວເຊື່ອມຕໍ່ຢ່າງແທ້ຈິງ, ຊ່ວຍໃຫ້ການພົວພັນຄູ່ຮ່ວມມືຍຸດທະສາດລະຫວ່າງ 2 ປະເທດກ້າວເຂົ້າສູ່ລວງເລິກ, ແທດຈິງ. ທ່ານປະທານປະເທດເຊື່ອໝັ້ນວ່າ, ໃນຖານະຕຳແໜ່ງເປັນຜູ້ຕາງໜ້າສູງສຸດຂອງສິງກະໂປ ປະຈຳຫວຽດນາມ, ທ່ານນາງເອກອັກຄະລັດຖະທູດຈະປະກອບສ່ວນຈົນສຸດຄວາມສາມາດຂອງຕົນ ເຂົ້າໃນການເພີ່ມທະວີການພົວພັນຄູ່ຮ່ວມມືຍຸດທະສາດ ແລະ ຢືນຢັນວ່າ ບັນດາອົງການຂອງຫວຽດນາມ ຈະຮ່ວມມືກັບທ່ານນາງເອກອັກຄະລັດຖະທູດຢ່າງແໜ້ນແຟ້ນ ເພື່ອຊຸກຍູ້ການພົວພັນຮ່ວມມື ຕາມທິດໃຫ້ນັບມື້ນັບເລິກເຊິ່ງ ແລະ ມີປະສິດທິຜົນ.
        ສ່ວນທ່ານນາງເອກອັກຄະລັດຖະທູດ Catherine Wong ສະແດງຄວາມປາດຖະໜາວ່າ, ປີນີ້ຈະສືບຕໍ່ໄດ້ຕ້ອນຮັບບັນດາການນຳຫວຽດນາມ ໄປຢ້ຽມຢາມສິງກະໂປ ແລະ ໃຫ້ຮູ້ວ່າ, ປີ 2018 ນີ້, 2 ປະເທດຈະສະເຫຼີມສະຫຼອງ 45 ປີແຫ່ງວັນສ້າງຕັ້ງການພົວພັນທາງການທູດ, ບົນພື້ນຖານການພົວພັນຄູ່ຮ່ວມມື, ການພົວພັນລະຫວ່າງ 2 ປະເທດໃຫ້ນັບມື້ນັບພັດທະນາ ແລະ ຂຶ້ນສູ່ລະດັບສູງໃໝ່.
        ແລະກໍ່ໃນຕອນເຊົ້າວັນທີ 24 ມັງກອນ, ທ່ານປະທານປະເທດ ເຈີ່ນດ້າຍກວາງ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດອີຢິບ ປະຈຳຫວຽດນາມ Youssef Kamal Boutros Hana ເຂົ້າຢ້ຽມອຳລາເນື່ອງໃນໂອກາດສິ້ນສຸດໜ້າທີ່ການທູດຢູ່ຫວຽດນາມ. ຊົມເຊີຍທ່ານເອກອັກຄະລັດຖະທູດ Youssef Kamal Boutros Hana ໄດ້ປະຕິບັດສຳເລັດອາຍຸການປະຕິບັດງານທາງການທູດຢູ່ຫວຽດນາມ, ທ່ານປະທານປະເທດ ເຈີ່ນດ້າຍກວາງ ຕີລາຄາສູງບັນດາການປະກອບສ່ວນຂອງທ່ານເອກອັກຄະລັດຖະທູດ ໃນເລື່ອງເພີ່ມທະວີການພົວພັນມິດຕະພາບ ແລະ ການຮ່ວມມືຮອບດ້ານລະຫວ່າງຫວຽດນາມ ແລະ ອີຢິບ. ທ່ານປະທານປະເທດເຈີ່ນດ້າຍກວາງ ໄດ້ເນັ້ນໜັກວ່າ, ຫວຽດນາມ ປາດຖະໜາວ່າ ອີຢິບ ຈະຈັດຕັ້ງການເລືອກຕັ້ງປະທານາທິບໍດີໃນເວລາຈະມາເຖິງຢ່າງປະສົບຜົນສຳເລັດ.
        ສ່ວນທ່ານເອກອັກຄະລັດຖະທູດ Youssef Kamal Boutros Hana ເນັ້ນໜັກວ່າ: ຫວຽດນາມ ສວມບົດບາດສຳຄັນຍິ່ງໃນພາກພື້ນອາຊີຕາເວັນອອກສ່ຽງໃຕ້, ສະນັ້ນ ອີຢິບ ຖືເປັນສຳຄັນ, ປາດຖະໜາຢາກຊຸກຍູ້ການພົວພັນກັບຫວຽດນາມ ແລະ ບັນດາປະເທດອາຊີຕາເວັນອອກສ່ຽງໃຕ້. ປີ 2018, ກະຊວງວັດທະນະທຳອີຢິບ ຄາດວ່າຈະຈັດການເຄື່ອນໄຫວດ້ານວັດທະນະທຳບາງຢ່າງຢູ່ຫວຽດນາມ ເພື່ອແນໃສ່ຂ່ຳນັບຮັບຕ້ອນສະເຫຼີມສະຫຼອງ 55 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ 2 ປະເທດ. ທ່ານເອກອັກຄະລັດຖະທູດ Youssef Kamal Boutros Hana ຢືນຢັນວ່າ, ອີຢິບ ປາດຖະໜາວ່າ ທ່ານປະທານປະເທດ ເຈີ່ນດ້າຍກວາງ ຈະໄປຢ້ຽມຢາມອີຢິບ ໂດຍໄວ, ກໍ່ຄືບັນດາການຢ້ຽມຢາມຂັ້ນກະຊວງ, ຂະແໜງການ ເພື່ອເຮັດໃຫ້ການພົວພັນລະຫວ່າງ 2 ປະເທດເລິກເຊິ່ງກວ່າອີກ.
 (ແຫຼ່ງຄັດຈາກ VOV)

ການເຈລະຈາຂັ້ນສູງລະຫວ່າງຫວຽດນາມ ແລະ ບຸນກາຣີ

ການເຈລະຈາຂັ້ນສູງລະຫວ່າງຫວຽດນາມ ແລະ ບຸນກາຣີ

ຕອນເຊົ້າວັນທີ 25 ກັນຍາ, ຕາມເວລາທ້ອງຖິ່ນ, ໃນຂອບເຂດການຢ້ຽມຢາມບຸນກາຣີຢ່າງເປັນທາງການ, ພິທີຕ້ອນຮັບທ່ານປະທານສະພາແຫ່ງຊາດ ເວືອງດິ່ງເຫວະ ໄດ້ຖືກຈັດຂຶ້ນຢ່າງສົມກຽດຢູ່ນະຄອນຫຼວງ Sofia ໂດຍພາຍໃຕ້ການເປັນປະທານຂອງທ່ານປະທານສະພາແຫ່ງຊາດ ບຸນກາຣີ Rosen Zhelyazkov. ພາຍຫຼັງພິທີຕ້ອນຮັບ, ທ່ານປະທານສະພາແຫ່ງຊາດສອງປະເທດໄດ້ດຳເນີນການພົບປະເຈລະຈາ.

Top