ປະຊາຊົນກູບາໄວ້ອາໄລຜູ້ນຳ Fidel Castro ພາຍຫຼັງພິທີປົງອັດຖິ
(ພາບ: EPA/TTXVN)
ຕອນທ່ຽງວັນທີ 04/12 (ຕາມເວລາທ້ອງຖິ່ນ), ພາຍຫຼັງພິທີປົງອັດຖິຜູ້ນຳ Fidel Castro ໃນຂອບເຂດຄອບຄົວ ສຸສານ Santa Ifigenia ຢູ່ Santiago de Cuba ໄດ້ເປີດປະຕູເພື່ອໃຫ້ປະຊາຊົນກູບາ ຜູ້ທຳອິດເຂົ້າໄວ້ອາໄລ ແລະ ອາໄລຫາຜູ້ບັນຊາການທີ່ຮັກແພງຂອງຕົນ. ປະຊາຊົນທ້ອງຖິ່ນນັບພັນຄົນ ໄດ້ຖະຫວາຍດອກໄມ້ຕໍ່ຜູ້ນຳທີ່ຍິ່ງໃຫຍ່ຂອງຊາດ, ພ້ອມກັບນັກຂ່າວນັບຮ້ອຍຄົນຢູ່ທຸກປະເທດໃນໂລກ, ໄດ້ລຽນແຖວໃນເປັນເວລາຫຼາຍຊົ່ວໂມງເພື່ອອຳລາ ແລະ ຖ່າຍຮູບການເຄື່ອນໄຫວຕ່າງໆໃນວັນໄວ້ທຸກທົ່ວປະເທດສຸດທ້າຍຂອງກູບາ ເພື່ອອາໄລຫາຜູ້ນຳ Fidel Castro.(ພາບ: EPA/TTXVN)
ກ່ອນໜ້ານັ້ນ, ຕອນເຊົ້າວັນທີ 04/12 (ຕາມເວລາຫວຽດນາມ) ງານຊຸມນຸມອາໄລຫາຜູ້ນຳ Fidel Castro ຢູ່ Santiago de Cuba ດຳເນີນໄປດ້ວຍການເຂົ້າຮ່ວມຂອງການນຳຫຼາຍປະເທດ ແລະ ປະຊາຊົນກູບາ ນັບພັນໆຄົນ. ກ່າວຄຳເຫັນທີ່ພິທີອາໄລຫາ, ທ່ານປະທານກູບາ Raul Castro ໃຫ້ຄຳໝັ້ນສັນຍາວ່າ ຈະປົກປັກຮັກສາປະເທດຊາດ ແລະ ການປະຕິວັດສັງຄົມນິຍົມ, ຢືນຢັນວ່າ ກູບາ ຈະຜ່ານຜ່າສິ່ງທ້າທາຍ, ສິ່ງກີດຂວາງທຸກຢ່າງ ກໍ່ຄືບັນດາໄພນາບຂູ່ຕ່າງໆໃນວິວັດແຫ່ງການກໍ່ສ້າງລັດທິສັງຄົມນິຍົມ.
(ແຫຼ່ງຄັດຈາກ VOV)
