• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ບັນດາລັດຖະມົນຕີການຕ່າງປະເທດອາຊຽນພົບປະກັບຜູ້ຕາງໜ້າຄະນະກຳມະການລັດຖະບານອາຊຽນກ່ຽວກັບສິດທິມະນຸດ

ບັນດາລັດຖະມົນຕີໄດ້ຮັບຟັງບົດລາຍງານຂອງຜູ້ຕາງໜ້າ AICHR ກ່ຽວກັບສະພາບການ ແລະ ໝາກຜົນການເຄື່ອນໄຫວຂອງ AICHR ໃນໄລຍະຜ່ານມາ, ປະກອບຄຳເຫັນຊີ້ນຳການກຳນົດທິດການເຄື່ອນໄຫວຂອງ AICHR ໃນໄລຍະຈະມາເຖິງ.


ບັນດາລັດຖະມົນຕີການຕ່າງປະເທດອາຊຽນພົບປະກັບຜູ້ຕາງໜ້າຄະນະກຳມະການລັດຖະບານອາຊຽນ

ກ່ຽວກັບສິດທິມະນຸດ

(ພາບ: TTXVN)


ໃນຂອບເຂດບັນດາການເຄື່ອນໄຫວຂອງກອງປະຊຸມລັດຖະມົນຕີການຕ່າງປະເທດອາຊຽນ ຄັ້ງທີ 52 (AMM - 52) ຢູ່ບາງກອກ, ປະເທດໄທ. ຕອນບ່າຍວັນທີ 30 ກໍລະກົດ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ໄດ້ພ້ອມກັບບັນດາລັດຖະມົນຕີການຕ່າງປະເທດອາຊຽນ ພົບປະກັບຜູ້ຕາງໜ້າຄະນະກຳມະການລັດຖະບານອາຊຽນ ກ່ຽວກັບສິດທິມະນຸດ (AICHR). ບັນດາລັດຖະມົນຕີໄດ້ຮັບຟັງບົດລາຍງານຂອງຜູ້ຕາງໜ້າ AICHR ກ່ຽວກັບສະພາບການ ແລະ ໝາກຜົນການເຄື່ອນໄຫວຂອງ AICHR ໃນໄລຍະຜ່ານມາ, ປະກອບຄຳເຫັນຊີ້ນຳການກຳນົດທິດການເຄື່ອນໄຫວຂອງ AICHR ໃນໄລຍະຈະມາເຖິງ…

        ແລະກໍ່ໃນວັນດຽວກັນ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ ໄດ້ເຂົ້າຮ່ວມກອງປະຊຸມຄະນະກຳມະການສົນທິສັນຍາພາກພື້ນອາຊີຕາເວັນອອກສ່ຽງໃຕ້ ປອດອາວຸດນິວເຄຼຍ (SEANWFZ). ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ ໄດ້ສະເໝີໃຫ້ອາຊຽນ ສຸມໃສ່ຊຸກຍູ້ການຮ່ວມມືໃນຂົງເຂດຄວາມໝັ້ນຄົງ, ຄວາມປອດໄພນິວເຄຼຍຢູ່ພາກພື້ນ, ເພີ່ມທະວີການສົມທົບກັນລະຫວ່າງບັນດາອົງການສະເພາະກິດກ່ຽວກັບພະລັງງານປະລະມານູ… ພ້ອມກັນນັ້ນ, ອາຊຽນ ຄວນສືບຕໍ່ຍົກສູງບົດບາດ ແລະ ການປະກອບສ່ວນຂອງ SEANWFZ ເຂົ້າໃນຄວາມມານະພະຍາຍາມລວມຂອງປະຊາຄົມສາກົນ ໃນການຕ້ານການແຜ່ ແລະ ຫຼຸດຜ່ອນອາວຸດນິວເຄຼຍ ແລະ ບັນດາອາວຸດລ້າງຜານ.

        ໃນບັນດາເຫດການທີ່ກ່ຽວຂ້ອງ, ຕອນບ່າຍວັນດຽວກັນ, ທ່ານຮອງລັດຖະມົນຕີການຕ່າງປະເທດຫວຽດນາມ ຫງວຽນກ໊ວກຢຸງ ໄດ້ມີການພົບປະກັບທ່ານຮອງລັດຖະມົນຕີການຕ່າງປະເທດອິນເດຍ Vijay Thakur Sing.

(ແຫຼ່ງຄັດຈາກ VOV)

ທ່ານ​ປະ​ທານ​ສະ​ພາ​ແຫ່ງ​ຊາດ: ເຈິນ​ແທັງ ຄວນ​ຢັ້ງ​ຢືນ​​ບົດ​ບາດ​ເປັນສູນ​ກາງ​ອຸດ​ສາ​ຫະ​ກຳ ຈຸດ​ສຸມ​ຂອງ​ແຂວງ​ບິ່ງ​ເຟືອກ

ທ່ານ​ປະ​ທານ​ສະ​ພາ​ແຫ່ງ​ຊາດ: ເຈິນ​ແທັງ ຄວນ​ຢັ້ງ​ຢືນ​​ບົດ​ບາດ​ເປັນສູນ​ກາງ​ອຸດ​ສາ​ຫະ​ກຳ ຈຸດ​ສຸມ​ຂອງ​ແຂວງ​ບິ່ງ​ເຟືອກ

ຕອນເຊົ້າວັນທີ 1 ຕຸລາ, ຢູ່ເທດສະບານ ເຈິນແທັງ, ແຂວງ ບິ່ງເຟືອກ ໄດ້ດຳເນີນພິທີປະກາດ ມະຕິຂອງ ຄະນະປະຈຳສະພາແຫ່ງຊາດ ກ່ຽວກັບການສ້າງເທດສະບານ ເຈິນແທັງ ແລະ ບັນດາບ້ານຂຶ້ນກັບຕາແສງ ເຈິນແທັງ, ແຂວງ ບິງເຟືອກເຊິ່ງມີການເຂົ້າຮ່ວມຂອງ ທ່ານປະທານສະພາແຫ່ງຊາດ ເວືອງດິ່ງເຫວ້.

Top