• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ນາຍົກລັດຖະມົນຕີ ຫວຽດນາມ ຟ້າມມິງຈິງ ປະຊຸມກັບທ້ອງຖິ່ນຕ່າງໆກ່ຽວກັບການປ້ອງກັນ, ຕ້ານໂລກລະບາດໂຄວິດ - 19 ຜ່ານທາງອອນລາຍ

      ກອງປະຊຸມຖືກດຳເນີນໃນສະພາບການທີ່ໂລກລະບາດພວມມີການຜັນແປຢ່າງສັບສົນຢູ່ບັນດາແຂວງພາກໃຕ້ໃນຊຸມວັນຜ່ານມາ ເພື່ອແນໃສ່ປຶກສາຫາລື, ຕີລາຄາຄືນສະພາບການ, ພິຈາລະນາບັນດາຄວາມຫຍຸ້ງຍາກ ເຊິ່ງທ້ອງຖິ່ນຕ່າງໆຕ້ອງການຮັບການຊ່ວຍເຫຼືອຈາກ ລັດຖະບານ. 
ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເປັນປະທານກອງປະຊຸມທາງອອນລາຍກັບການນຳບັນດາກະຊວງ, ຂະແໜງການ,
ການນຳບັນດາແຂວງ, ນະຄອນຢູ່ພາກໃຕ້ ຫວຽດນາມ  (ພາບ: VGP)
      ຕອນເຊົ້າວັນທີ 4 ກໍລະກົດ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເປັນປະທານກອງປະຊຸມທາງອອນລາຍກັບການນຳບັນດາກະຊວງ, ຂະແໜງການ, ການນຳບັນດາແຂວງ, ນະຄອນຢູ່ພາກໃຕ້ ຫວຽດນາມ ລວມມີ ນະຄອນໂຮ່ຈີມິນ, ບິ່ງເຢືອງ, ດົ່ງນາຍ, ບິ່ງເຟຶອກ, ເຕີຍນິງ, ບ່າເຣ້ຍ - ຫວູງເຕົ່າ, ລອງອານ, ຕ່ຽນຢາງ ກ່ຽວກັບການປ້ອງກັນສະກັດກັ້ນໂລກລະບາດໂຄວິດ - 19. ກອງປະຊຸມຖືກດຳເນີນໃນສະພາບການທີ່ໂລກລະບາດພວມມີການຜັນແປຢ່າງສັບສົນຢູ່ບັນດາແຂວງພາກໃຕ້ໃນຊຸມວັນຜ່ານມາ ເພື່ອແນໃສ່ປຶກສາຫາລື, ຕີລາຄາຄືນສະພາບການ, ພິຈາລະນາບັນດາຄວາມຫຍຸ້ງຍາກ ເຊິ່ງທ້ອງຖິ່ນຕ່າງໆຕ້ອງການຮັບການຊ່ວຍເຫຼືອຈາກ ລັດຖະບານ. ນະທີ່ນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິ໊ງ ຖືວ່າ ບັນດາທ້ອງຖິ່ນ, ກະຊວງ, ຂະແໜງການຕ້ອງປຶກສາຫາລືກ່ຽວກັບສາເຫດພາວະວິໄສ ແລະ ອັດຕະວິໄສຢ່າງເຂັ້ມງວດ ເພື່ອຊອກຫາວິທີການແກ້ໄຂໃຫ້ເໝາະສົມ, ມີຄວາມເປັນໄປໄດ້ ແລະ ມີປະສິດທິຜົນໃນວຽກງານປ້ອງກັນ, ຕ້ານໂລກລະບາດ.
        ພາຍຫຼັງຮັບຟັງບົດລາຍງານຂອງກະຊວງສາທາລະນະສຸກແລ້ວ, ຜູ້ແທນບັນດາກະຊວງ, ຂະແໜງການທີ່ກ່ຽວຂ້ອງ ແລະ 8 ແຂວງ, ນະຄອນ ໄດ້ຍົກອອກບັນດາສິ່ງຄ້າງຄາ , ຂໍ້ສະເໜີແນະຕໍ່ລັດຖະບານ, ນາຍົກລັດຖະມົນຕີ ແລະ ບັນດາມາດຕະການປະຕິບັດໃນໄລຍະຈະມາເຖິງ.
            ຕາມທ່ານນາຍົກລັດຖະມົນຕີ ຟ້າມມິງຈິງ ແລ້ວ, ຫວຽດນາມ ຈະຢຶດໝັ້ນປະຕິບັດເປົ້າໝາຍຄວບຄູ່, ພ້ອມກັນນັ້ນກໍຄົ້ນຄວ້າ, ໝູນໃຊ້ຢ່າງມີໄຫວພິບຕາມອັນດັບບຸລິມະສິດຕາມສະພາບການ, ອາດຈະໃຫ້ບຸລິມະສິດການປ້ອງກັນ, ຕ້ານໂລກລະບາດ ຫຼື ການພັດທະນາເສດຖະກິດ - ສັງຄົມ ຫຼື ສຸມໃສ່ການປະຕິບັດໄປພ້ອມໆກັນ. ລັດຖະບານ ຈະສືບຕໍ່ຕິດຕາມສະພາບການຕົວຈິງຢ່າງໃກ້ຊິດເພື່ອຊີ້ນຳການປ້ອງກັນ, ຕ້ານໂລກລະບາດໃຫ້ມີປະສິດທິຜົນ. ເຖິງຢ່າງໃດກໍຕາມ, ບັນດາທ້ອງຖິ່ນ ຕ້ອງອີງໃສ່ສະພາບການຕົວຈິງ ເພື່ອມີການດັດປັບໃຫ້ເໝາະສົມ, ຕາມສິດອຳນາດຂອງແຂວງ, ນະຄອນ, ສົມທົບກຳລັງແຮງສັງລວມລະຫວ່າງບັນດາວິທີການ, ແຫຼ່ງກຳລັງ ແລະ ລະຫວ່າງບັນດາແຂວງ, ນະຄອນ, ກະຊວງ, ຂະແໜງການເຂົ້າກັນ.
ກ່ຽວກັບບັນດາມາດຕະການລະອຽດ, ທ່ານນາຍົກລັດຖະມົນຕີ ຊີ້ນຳໃຫ້ບັນດາທ້ອງຖິ່ນອີງໃສ່ສະພາບການໂລກລະບາດ, ຈັດຕັ້ງການຈຳກັດບໍລິເວນໃນວົງແຄບ, ແຍກຫ່າງໃນວົງກວ້າງ, ບໍ່ຂຶ້ນກັບອະນາເຂດການປົກຄອງ; ຈັດຕັ້ງການວິໄຈກວດຫາເຊື້ອ, ຄົ້ນຫາປະຫວັດການສຳຜັດໄປ - ມາ, ແຍກຕົວ, ປິ່ນປົວ, ດັບມອບໂລກລະບາດໂດຍດ່ວນ. ບັນດາກຳລັງປະຈຳຮາກຖານຕ້ອງໄປຮອດແຕ່ລະເຂດຊຸມຊົນຮ່ອມ, ເຮືອນແຕ່ລະຫຼັງ ເພື່ອກວດກາແຕ່ລະເປົ້າໝາຍ. ຜູ້ນຳລັດຖະບານ ຊີ້ນໍາທຸກຂັ້ນ, ທຸກຂະແໜງການຈົ່ງສືບຕໍ່ແນະນຳປະຊາຊົນປະຕິບັດມາດຕະການປ້ອງກັນ, ຕ້ານໂລກລະບາດ 5 ປະການ ບວກກັບການສັກວັກຊິນ ແລະ ເຕັກໂນໂລຢີ ໃນການປ້ອງກັນ, ຕ້ານໂລກລະບາດ. ສືບຕໍ່ຍູ້ແຮງການໂຄສະນາ, ຂົນຂວາຍປຸຄກລະດົມປະຊາຊົນເຂົ້າຮ່ວມການປ້ອງກັນ, ຕ້ານໂລກລະບາດຢ່າງຕັ້ງໜ້າ.
(ແຫຼ່ງຄັດຈາກ VOV)

ຫວຽດນາມ ປະຕິບັດບັນດາຂໍ້ສະເໜີແນະຂອງຄະນະກຳມະການ ເອີລົບ ກ່ຽວກັບການຕ້ານການຂຸດຄົ້ນ IUU ຢ່າງໃກ້ຊິດ

ຫວຽດນາມ ປະຕິບັດບັນດາຂໍ້ສະເໜີແນະຂອງຄະນະກຳມະການ ເອີລົບ ກ່ຽວກັບການຕ້ານການຂຸດຄົ້ນ IUU ຢ່າງໃກ້ຊິດ

ທາງດ້ານກະຊວງ, ແຕ່ລະເດືອນຈະມີແຜນການໄປກວດກາຕົວຈິງຢູ່ບັນດາແຂວງ, ນະຄອນເຂດແຄ້ມທະເລ

Top