ທ່ານ Luis Enrique Gonzalez Acosta ແລະ ທ່ານ ຫງວຽນ​ຊວນ​ຟຸກ

 
      ຕອນ​ບ່າຍ​ວັນ​ທີ 27/10, ທີ່​ສຳ​ນັກ​ງານ​ລັດ​ຖະ​ບານ, ທ່ານ​ນາ​ຍົກ​ລັດ​ຖະ​ມົນ​ຕີ ຫງວຽນ​ຊວນ​ຟຸກ​ໄດ້​ໃຫ້​ການ​ຕ້ອນ​ຮັບ​ທ່ານ Luis Enrique Gonzalez Acosta, ປະ​ທານ​ສຳ​ນັກ​ຂ່າວ​ສານ Prensa Latina ຂອງ​ ກູ​ບາ ພ້ອມ​ກັບ​ສະ​ມາ​ຊິກ​ໃນ​ຄະ​ນະ​ມາ​ພວມ​ຢ້ຽມ​ຢາມ ແລະ ​ເຮັດ​ວຽກ​ຢູ່ ຫວຽດ​ນາມ ໃນ​ລະ​ຫວ່າງວັນ​ທີ ( 24-19/10). ທີ່​ການ​ຕ້ອນ​ຮັບ, ທ່ານ​ຫງວຽ​ນ​ຊວນ​ຟຸກ ຕີ​ລາ​ຄາ 2 ອົງ​ການ​ສຳ​ນັກ​ຂ່​າວ​ສານ​ຂອງ ຫວຽດ​ນາມ ແລະ ກູ​ບາ ມີ​ຫຼາຍການ​ເຄື່ອນ​ໄຫວ​ຮ່ວມ​ມື​​ດ້ານວິ​ຊາ​ສະ​ເພາະ​ຢ່າງ​ມີ​ປະ​ສິດ​ທິ​ຜົນ, ມີ​ຄວາມ​ໝາຍ​ໃນ​ພາ​ລະ​ກິດ​ຕໍ່​ສູ້​​ຍາດ​ເອົາ​ເອ​ກະ​ລາດ​ໃນ​ເມື່ອ​ກ່ອນ​ ແລະ ໃນ​ພາ​ລະ​ກິດ​ສ້າງ​ສາ, ພັດ​ທະ​ນາ​ປະ​ເທດ​ຊາດ​ໃນ​ປະ​ຈຸ​ບັນ.
        ສ່ວນ​ທ່ານ Luis Enrique Gonzalez Acosta ຢັ້ງ​ຢືນ​ວ່າ ຍາມ​ໃດ​ກູ​ບາ ກໍ່​ຖື​ເປັນ​ສຳ​ຄັນ​ການ​ພັດ​ທະ​ນາ​ການ​ພົວ​ພັນ​ລະ​ຫວ່າງ ສຳ​ນັກ​ຂ່າວ​ສານ Prensa Latina ແລະ ສຳ​ນັກ​ຂ່າວ​ສານ ຫວຽດ​ນາມ ​ໃຫ້​ເທົ່າ​ທຽມ​ກັບ​ລະ​ດັບ​ສູງ​ຂ​ອງ​ການ​ພົວ​ພັນ​​ດ້ານການ​ເມືອງ, ການ​ທູ​ດ ແລະ ນ້ຳ​ໃຈ​ມິ​ດ​ຕະ​ພາບ​ແບບ​ພິ​ເສດ​, ຫາ​ຍາກ​ລະ​ຫວ່າງ​ປະ​ຊາ​ຊົນ 2 ປະ​ເທດ.

 (ແຫຼ່ງຄັດຈາກ VOV)