• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ນາຍົກລັດຖະມົນຕີອອກຄຳສັ່ງເດັດຂາດປະຕິບັດການປ້ອງກັນ, ຄວບຄຸມໂລກລະບາດໂຄວິດ-19

ວັນທີ 27 ມີນາ, ນາຍົກລັດຖະມົນຕີຫວຽດນາມ ໄດ້ອອກຄຳສັ່ງກ່ຽວກັບເລື່ອງເດັດຂາດປະຕິບັດການປ້ອງກັນ, ຄວບຄຸມໂລກລະບາດໂຄວິດ-19.

(ພາບປະກອບ)

ຕໍ່ໜ້າບັນດາການຜັນແປທີ່ສັບສົນຂອງໂລກລະບາດໂຄວິດ-19, ວັນທີ 27 ມີນາ, ນາຍົກລັດຖະມົນຕີຫວຽດນາມ ໄດ້ອອກຄຳສັ່ງກ່ຽວກັບເລື່ອງເດັດຂາດປະຕິບັດການປ້ອງກັນ, ຄວບຄຸມໂລກລະບາດໂຄວິດ-19. ໃນຄຳສັ່ງ, ທ່ານນາຍົກລັດຖະມົນຕີ ໄດ້ຮຽກຮ້ອງວ່າ: ທຸກຂັ້ນ, ທຸກຂະແໜງການ, ທ້ອງຖິ່ນຕ່າງໆ ແລະ ປະຊາຊົນທຸກຄົນ ຈົ່ງສືບຕໍ່ຊາບຊຶມຈິດໃຈ “ຕ້ານໂລກລະບາດຄືດັ່ງຕ້ານສັດຕູ”, ຍອມຮັບຄວາມເສຍຫາຍທາງດ້ານເສດຖະກິດເພື່ອປ້ອງກັນ, ຄວບຄຸມໂລກລະບາດ; ການປົກປ້ອງສຸຂະພາບ, ຊີວິດຂອງປະຊາຊົນແມ່ນເປົ້າໝາຍສູງສຸດ, ເພີ່ມທະວີການປະຕິບັດບັນດາມາດຕະການກວດພົບແຫຼ່ງແຜ່ເຊື້ອ, ຕິດແປດ, ແຍກຕົວຢ່າງທັນການ, ປິດລ້ອມເຂດຢ່າງວ່ອງໄວເພື່ອດັບມອດໂລກລະບາດໃຫ້ເຖິງຖອງ.

        ປະທານຄະນະກຳມະການປະຊາຊົນຂັ້ນແຂວງ ຊີ້ນຳການນຳໃຊ້ບັນດາມາດຕະການສະກັດກັ້ນການເຕົ້າໂຮມກັນຫຼາຍຄົນ ນັບແຕ່ເວລາ 00 ໂມງຂອງວັນທີ 28 ມີນາ ຮອດວັນທີ 15 ເມສາ 2020: ຢຸດຕິບັນດາການເຄື່ອນໄຫວປະຊຸມ, ບັນດາພິທີທາງສາສະໜາ, ການເຄື່ອນໄຫວເຕົ້າໂຮມກັນ ນັບແຕ່ 20 ຄົນຂຶ້ນໄປ… ຈຳກັດການໄປມາຂອງປະຊາຊົນ, ໂດຍສະເພາະແມ່ນຢູ່ບັນດາແຂວງ, ນະຄອນທີ່ເກີດໂລກລະບາດໄປຍັງບັນດາທ້ອງຖິ່ນອື່ນໆ.

        ຄະນະຊີ້ນຳແຫ່ງຊາດກ່ຽວກັບການປ້ອງກັນ, ຄວບຄຸມໂລກລະບາດໂຄວິດ 19 ສືບຕໍ່ຊີ້ນຳໃຫ້ບັນດາກະຊວງ, ຂະແໜງການ, ທ້ອງຖິ່ນ ກະກຽມແຫຼ່ງຊັບພະຍາກອນຢ່າງຄົບຖ້ວນ, ຢຸກຢາ, ອຸປະກອນການແພດ ແລະ ບັນດາທິດທາງປ້ອງກັນ, ຄວບຄຸມໂລກລະບາດ.

        ທ່ານນາຍົກລັດຖະມົນຕີສະເໜີໃຫ້ປະຊາຊົນຈົ່ງມີຄວາມທຸ່ນທ່ຽງໃຈ, ສືບຕໍ່ເຊື່ອໝັ້ນ, ສະໜັບສະໜູນບັນດາມາດຕະການປ້ອງກັນ, ຄວບຄຸມໂລກລະບາດ.

        ທ່ານນາຍົກລັດຖະມົນຕີກໍ່ຮຽກຮ້ອງວ່າ, ພ້ອມກັບເລື່ອງເດັດຂາດໃນການປ້ອງກັນ, ຄວບຄຸມໂລກລະບາດແລ້ວ, ທຸກຂັ້ນ, ທຸກຂະແໜງການ ຄວນສຸມໃສ່ປະຕິບັດບັນດາມາດຕະການແກ້ໄຂຢ່າງຂ້ຽວຂາດ, ມີປະສິດທິຜົນ ເພື່ອແກ້ໄຂຄວາມຫຍຸ້ງຍາກໃຫ້ແກ່ການຜະລິດ, ດຳເນີນທຸລະກິດ, ຮັບປະກັນຊີວິດສັງຄົມ.

(ແຫຼ່ງຄັດຈາກ VOV)

ຫວຽດ​ນາມ ແລະ ຝ​ລັ່ງ ເພີ່ມ​ທະ​ວີ​ການ​ຮ່ວມ​ມື, ຊຸກ​ຍູ້​ການ​ຫັນ​ປ່ຽນ​ພ​ະ​ລັງ​ງານ

ຫວຽດ​ນາມ ແລະ ຝ​ລັ່ງ ເພີ່ມ​ທະ​ວີ​ການ​ຮ່ວມ​ມື, ຊຸກ​ຍູ້​ການ​ຫັນ​ປ່ຽນ​ພ​ະ​ລັງ​ງານ

ຕອນບ່າຍວັນທີ 17 ພຶດສະພາ, ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຫວຽດນາມ ເຈິ່ນຮົ່ງຮ່າ ໄດ້ໃຫ້ການຕ້ອນຮັບທ່ານນາງ Marie – Helene Loison, ຮອງຜູ້ອຳນວຍການໃຫຍ່ອົງການພັດທະນາ ຝລັ່ງ (AFD).

Top