ຂ່າວສານ

ນັກຮ້ອງ10ຄົນໄດ້ຮັບການຄັດເລືອກເຂົ້າຮອບຊີງຊະນະເລີດງານປະກວດສຽງເພງອາຊຽນ+3

21/08/2017

ຕອນຄ່ຳວັນທີ 19 ສິງຫາ ຢູ່ ເຊີມເຊີນ, ນະຄອນ ແທງຮວາ, ງານປະກວດສຽງເພງ ອາຊຽນ+3 ໂດຍວິທະຍຸກະຈາຍສຽງຫວຽດນາມ ຈັດຕັ້ງ ໄດ້ດຳເນີນຮອບຮອງຊະນະເລີດ. ຄະນະກຳມະການຕັດສິນໄດ້ຄັດເລືອກນັກຮ້ອງດີເດັ່ນ 10 ຄົນ ສືບຕໍ່ເຂົ້າຮ່ວມຮອບຊີງຊະນະເລີດໃນຕອນຄ່ຳວັນທີ 20 ສິງຫາ.

ນັກຮ້ອງ10 ຄົນໄດ້ຮັບການຄັດເລືອກເຂົ້າຮອບຊີງຊະນະເລີດງານປະກວດສຽງເພງ ອາຊຽນ+3

ນັກຮ້ອງ 10 ຄົນເຂົ້າຮ່ວມງານປະກວດໃນຕອນຄ່ຳວັນທີ 20 ສິງຫາ ໄດ້ຮັບການຕີລາຄາວ່າ ແມ່ນບັນດານັກຮ້ອງຫນຸ່ມທີ່ມີຄວາມເກັ່ງກ້າສາມາດ. ພົ້ນເດັ່ນຄື: ນັກຮ້ອງ ທູລານ ມາຈາກ ຫວຽດນາມ, ນັກຮ້ອງ Alvir Anthony Subrado ມາຈາກຟີລີບປີນ, NiNi Khin Zaw ມາຈາກປະເທດ ມຽນມາ, Chamroeun Sopher ມາຈາກ ກຳປູເຈຍ.. ນັກດົນຕີ ໂດຮົ່ງກວນ, ຮອງສາດສະດາຈານ, ປະທານ ສະມາຄົມນັກດົນຕີ ຫວຽດນາມ, ຫົວຫນ້າຄະນະກຳມະການຕັດສິນໃຫ້ຮູ້ວ່າ: ບັນດານັກຮ້ອງ ລ້ວນແຕ່ມີສຽງດີ, ຫລາຍຄົນແມ່ນນັກຮ້ອງອາຊີບ ໄດ້ຮັບການບຳລຸງສ້າງເປັນລະບົບ.

ໃນຮອບຊີງຊະນະເລີດ ງານປະກວດ “ສຽງເພງ ອາຊຽນ +3” ຈະໄດ້ອອກອາກາດສົດ ຜ່ານຄື້ນກະຈາຍສຽງ ແລະ ໂທລະພາບຂອງວິທະຍຸກະຈາຍສຽງຫວຽດນາມ ລວມມີ: VTC1, VTC 3, VOVTV, VOV3, VOV5.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.